تحزمت بحزام راشي

الجزء 18

_ في جلسة خاصة مع نفسها! .. كتغدا في مطعم جنب البحر ، الهدوء داير بها من كل جهة .. عكس الضجة اللي وسط راسها ، كانت كتاكل بالمهل و تفكر .. مرة مرة كتهز عينيها للبحر و ترجع شعرها اللور... حتى كملات داك الغدا و مشات بهدوء كتاقد أطراف كسوتها اللي بسميطات رقاق ذرعانها البويض و كتافها معريين...

كان كيتاصل بها و يعاود ما اهتمتش لاتصاله... زولات الصوت من جنب و دارت نظاراتها... وهضرات مع راسها..

أحلام: ما نصدعش راسي معاك ! باغي تركب فيا شي مررض..

ديمارات الطموبيل ومشات هزات خيرة من الدار و مشاو يدورو و يتقداااو شنو خاصهم..!

من محل لمحل و العجب ما يعجبهم .. حتى دخلو للمحل خاص باللباس ديال الرقص.. الاشكال و الانواع و الالوان...

خيرة: على هاددو كنقلب انا..

أحلام: غزالين حمقونييي..

خيرة: (كتقلب بابتسامة) ختاري معايا جوج مزيونين...

كتقلب و تختار على ذوقها و شنو يناسبها.. ختارت جوج مختالفين على بعضياتهم في اللون و الشكل..

خيرة: (شافت في احلام) ما ختاريتي والو خودي وحدة ؟

أحلام: (ضحكات بسخرية على راسها) اش ندير بها ؟ لي خديت فالعرس مزال جداد تيسمعو فيك... ما ستعملتهمش...

خيرة: (تنهدت) دابا كلشي يتحل احبيبة ما ديريش في بالك..

احلام: (تنهدت تتهضر وهوما خارجين تيتمشاو و رامين عينيهم للمحلات..) ان شاء الله.. وخا كاع داكشي لي كنت دايراه في بالي ما طلعش كيف بغيييت..   الحياة الزوجية  لي كنت باغياها ماشي هي هادي ماشي هاكا رسمت حياتي معاه ..  كنحس بحياتي تقلبات من العرس ! وليت باغية غير  نحط راسي على الوسادة و نعس وانا كنفكر غير فين غادة نسافر في الويكاند.. ولا نفكر فشي مطعم كيدير ماكلة زوينة نولي نمشي ليه.. ههه دابا وليت ما نعس حتى  نعمر وسادتي بالدموع  و يحرقني راسي بالتفكير فلي مشى و فلي جاي ، ولكن الحمد لله بنادم يكون راضي بالمكتاب ههه و يرضى بداكشي لي كتبو ليه الله يتعايش مع الوضع حتى يجيب الله الفرج..

خيرة: خليك من كترة التفكير .. سيري ريحي راااسك وميكي على كلشي.. حتى تبراي و تشافاي هادي اهم حاجة عندك دابا خاصك تركزي عليها ، الباقي يتصلح فاش تقاد الامور...

أحلام: اممم (ومات ليها لمحل ديال الاكسسوارات..) اجيي اجيي شفتك باغية تبرعي راجلك زيدي داكشي لي ما نديروش انا ديريه نتي... 

تيشوفو بعينيهم .. و احلام هزات واحد الاكسسوار داير بحال سترينغ  كيتلبس مغطي من القداام .. و من اللور فيه غير خويط...

أحلام: ما نقولكش هدااا يجيييك كيحمق...

خيرة: (ضحكات عاضة على شفايفها) تخيلت راسي لابستو حشمت اويييلي....