تحزمت بحزام راشي

الجزء 49

احلام: (عقدت حجبانها بدهشة) انا !

عبد الغني: (دور لسانه وسط فمه) وي نتي ، دوريها مع راسك تفهمي !

احلام: اممم .. اودي انا تقاضات ليا الفهامة معاك..

عبد الغني: ݣوليلي (علا حاحبه) مخايفاش تفشلي ونتي كاديري هاديك العائلة ؟

احلام: (حركت راسها بلا ) ابداا بالعكس غاتكون عندي عائلة حييت اناا كاينة فيها (تبسمت) علاش غانخاف نفشل ؟ انا مكنسبقش الافكار سلبية ديما تنشوف فالحاجة من الناحية الزوينة..وبالنسبة ليا تكون عندك عائلة هي احسن حاجة !! فخبارك (ضحكت)  متحمسة نعيش هاديك المرحلة بكل تفاصيلها .. خصوصا الامومة!
فاش نهز شي بيبي فكرشي (بلمعة فعيونها)  حتى داك سهير والفياق في نص الليل  معاه فاش  يبكي .. ويجيه جوع  باغية نجربو فاش يمرض ونخاف عليه فاش يقولي ماما اول مرة  وفاش يقول بابا .. وفاش يوقف على رجليه (تنهدت) الحلاوة  هي تعيش كل مرحلة بتفاصيلها الخايبة والزوينة..

عبد الغني: باش كتعجبيني بهاد الايجابية لي فيك..

احلام: معندنااش حل اخور والله..  الحياة بغات هاكا باش تقدر تكمل خاص تشوف الجهة لي عامرة فالكاس ،  ماشي الخاوية.. (شافت للساعة) ناري كيفاش طار الوقت محسيتش بيه ..

عبد الغني: عييتي يمكن ؟

احلام: (تنهدت) بزااف باغية نعس.. (شافت للسما) الشمس قربت تطلع..

**
صباح جديد ، فاق بكري لبس عليه ونزل لقا عبير جارة فاليزتها ومراد معاها..

عبد الغني: صافي ماشين؟

عبير: (بكسل) العرس سالا تسالا معاه الكونجي.. نرجعو تاني للخدمة والقنط..

مراد: ونت شنو مزال ؟

عبد الغني: مزال معرفتش..  مشفتوش احلام واش فاقت..

عبير: احلام فاقت بكري ومشات.. تكون دبا وصلات لكازا..

تنهد حك في شعرو ،سلم عليهم مودعهم هما مشاو وهو طلع عند انيسة علمها باش توجد راسها ..

شدو طريق راجعين لكازا منين وصل وهو في الدار .. مرة مرة انيسة اللي كانت تتخرج ..
محاولش يشوفها ولا يهضر معاها كان مشغول مع افكارو  وكلامها ليه آخر مرة .. جالس بينو وبين نفسه علاش هو هاكا ؟ واش هدا كلو ضغف منو؟ مقادرش يغير الافكار اللي بناهم سنين !  علاش مقادرش يكمل ؟ كاينة هي واش مكاتستاهلش يحارب على قبلها ؟ شنو يدير لا ندم شي نهار حيت ضيعها من بين يديه .. يقدر يعيش مع هداك الشعور !!
خيبة وخرى غاتنضاف لحياتو انه ضيع الانسانة اللي بغاها حب صادق! الانسانة اللي عاش معاها احاسيس عمرو غايحس بحالهم مع شي وحدة وخا يبغي..

اسبوع وهو في المغرب .. منين رجع من مراكش كل مرة يقول غدا بعدو..  نمشي وهو مزال ݣالس قلبو تيقول اه وعقلو تيقول لا...