ليالي مارس بوجودك مذهلة

بارت ١٦

-الصباح عند راكان -
صحي من نومه واخذله شوره وتوجه يصلي الفجر مع ابوه وجده وتوجه للمسجد يدخله ويصف من الصفوف الاولي جنب ابوه يكبرون للصلاه ومن انتهو يجلس يقرا اذكاره ويدعي لنفسه ولي اهله وشملها بالدعاء ويدعي انه يللقها قريب قام يطلع من المسجد وشاف ابوه ونايف والجد محمد وعبدالعزيز واقفين توجه لهم يسمعهم يتحمدون بسلامه لعبدالعزيز ونايف استغرب وضعهم وتقدم لهم بهدوء يوقف وسلم عليهم والتفت له الجد عبدالعزيز:ابشرك ياوليدي ديم رجعت !!
جمد وجه راكان بصدمه وناظرهم كلهم :رجعتت متى وين كانت ؟؟
نايف :كانت في البحرين وجات مع منيف امس !
اتحمد لهم بالسلامه وتوجه يركب سيارته يروح لمكانه اللي دايم يروح له وقف فيه ينزل يتامل الشروق وهو فرحان برجوعها وانبسطط وبنفس الوقت انصدم من عرف انها في البحرين وقريبه جدا له ولا حس ولاحتى فكر انها ممكن تكون قريبه فرح واستهل خاطره وحس ان الحياه رجعت لهم من رجعت هي تحيي بداخله الحب والسعاده من جديد التفت من وقف ماجد ينزل يتوجه له وهوو يتحلطم : يالله صباح خير راكان داق تقولي تعال بسرعه وش عندك برحع انام ؟
التفت له راكان واتسعت ابتسامته :رجعتت ماجدد رجعتت
ماجد بفهاوه :مين اللي رجعت لاتقولي قطوتك اللي ضايعه من سنين ؟؟
ضربه راكان على راسه :صحصح ديم رجعتت رجعتت !!!
ماجد وهو اللي بيرجع لسيارته :حلو زين ليقت.
مامادها يكمل كلمته من استوعب اللي قاله راكان ولف عليه :ايش رجعت ديم وين كانت طول الفتره هاذذي !!
راكان والابتسامه مافارقته من عرف برجوها :كانت في البحرين ورجعت البارح مع منيف !
ماجد :وانت ليه مستانس كذا طيب يعني بتروح تشوفها مثلا ولا بتخطبتها ؟
راكان : بشوفها واكيد بصادفها اما بخصوص الخطبه خلها تستقر وترتاح وبعدها بتقدم لها رسمي ؟
ماجد :واذ ماوافقت بترجع تخطبها بعد !
راكان :بخطبها مره ومرتين وثلاث ولو تبي انتظرها دهر انا مواقف بس اهم شي تكون زوجتي وحرمي تكون حرم الدكتور راكان !!
ماجد :الله يوفقكم مع اني اشك انكم بتتزوجون بس يلا !
قاطعه راكان :بتزوج وصدقني بعزمك علي زواجي وقتها بتشوف !
ماجد وهو يشوف وقت دوامه بدا : انشاء الله يصير خير ويلا ياقلبي دوامك ينتظرك قدامي ورانا شغل وطويل !
ركبو سيارتهم يتوجهون لدوامتهم وراكان اليوم شعوره مايوصفه برجوعها من جديد تحيي داخله الحب وترجع للحياه من جديدد

-المركز عند سلطان -
طول ليله كان يشتغل وكان مناوب في احد شوارع الرياض اللي صار فيها حادث وحاله سرق بنفس الوقت وكان هو مباشر فيها يشتغل عليها وانهد حيله من بليله لين الحين الفجر وهو شغال توجهه لمركز يسلم شغله ويطلع للبيت يرتاح فيه دخل وسلم اشغال وطلع لقي بوجه جسار اللي كان موجود لحل تحقيق مع احد السجناء : ابو مشعل
جسار :ياهلا سلطان كيفك
سلطان :نحمدالله ونشكره بخير الحمدالله وش عندك هنا !
جسار :عندي كم تحقيق خلصتهم والحين طالع للبيت ؟
سلطان :اجل انتي ززي لي من بليل اشتغل توني اخلص تطلع نفطر ونرحع بيوتنا
جسار :تمام يلا والمره هاذي على حسابي !
سلطان : يصير خير برسلك الموقع
جسار :زين
توجهو يتفطرون مع بعض وبعدها كل منهم يرحع لبيته بعد ليله طويله قضوها بين عملهم وشغلهم اللي اخذ وقت منهم طويل