ليالي مارس بوجودك مذهلة

بارت ٢٢

بعد مرور شهر
كان الكل يحاول انه يتأقلم على فقدهم له الكل يحاول انه يعيش الحياه خصوصا مشعل الي كان يحاول يرجع لحياته ولشغله اللي اهمله كثير ويحاول ينتبه لي منيره اللي من وقت فقده وهي تصحي من نومها مفزوعه من حلم يجيها من وقت فقدها لي ولدها وهي تحس انه عايش مامات

-بيت ال سعد -
جالسين الجده وصايف والجد محمد بالصاله والاغلب بدوامه وبشغله جتهم حلا اللي من شهر وهي عندهم ولا حبت تترك امها لوحدها في ظل الاحداث هاذي
الجد محمد :حياك الله يابنتي !
ابتسمت حلا :الله يحيك
الجده وصايف : كيف امك اليوم ماجتنا
تنهدت حلا :الحمدالله صارت تنام براحه على العلاجات النفسيه
تنهد الجد محمد :مرات اقول معها حق لما تقول مامات ومرات اقول لا احنا دفناه بيدينا !
حلا :الله يرحمه ويصبرنا ويصبر ديم معنا
الجده وصايف :هي كيفها من اخر مره ماشفناها!
حلا :ديم بخير وصحه او انها تحاول تكون بخير ومشغوله وحاطه راسها براس عمر
الجد محمد :مافهمت هي ليه تلاحقه وهو ماله دخل بشي
حلا :هو ماله دخل بموت راكان بس ديم مصره انه هو السبب مع انهم وقفوه اسبوعين ولا لقو عليه شي بخصوص راكان الا ان ديم مصره على انه له يد بالموضوع
كان بيتكم الجد محمد بس سكتت من شاف منيره جتهم وهي غالبا مرتاحه عكس الايام اللي فاتت
الجد محمد ابتسم لها :الله يحيها
منيره :الله يبارك فيك ياعمي
حلا :ماما اصب لك قهوه
هزت راسها وقامت تحلا تصب لها القهوه وابتسمت منيره لها :كيفك مع الحمل
ابتسمت حلا :خلاص انتهيت باقي لي يومين وادخل التاسع وابي اولد بسرعه
الجده وصايف :خالد متعبك بس اذ شفتيه بين حضنك وبين يدينك بيروح كل التعب وبترتاحين
حلا :انشاء الله ياررب يجي بخير وسلامه وقتها بنسي كل شي مريت فيه

—مركز الشرطه —
سلطان اللي من وقتها وهو يشتغل ويبي يعرف من وراي مقتل راكان وكل ماله مايلقي شي يدله على طرف علم برغن من معرفته براكان من وهم صغار بس مايذكر ان متهاوش مع احد او له عدواه مع احد عشان يقول ان ممكن يرتكب الجريمه وتذكر عمر لما مسكوه ولالقو شي عليه بالرغم ان ديم معها تهديداته بس ماكانت كافيه لجل تثبت انه هو القاتل فاق من تفكير على دخول احمد وابتسم له سلطان :ارحب
احمد :تبقي
سلطان :كيفك وش الاخبار !
احمد :الحمدالله الشغل ماشي صح الحمدالله انت كيف الاوضاع بين يدينك !
تنهد سلطان :ماني قادر اوصل لي شي فتشت بيته وشغله ومكتبه لجل بس القى طرف علم يدلني على القاتل مالقيت شي ابددد يدلني على طرف علم وكانه كان كل شي مخطط له من وقت طويل ومخفين كل الادله
احمد :هذا اللي مجنني انا ماني قادر استوعب موته مرات احسه كذب ومرات اقول لا !
سلطاان :ياخوفي كل هذا خطط !
احمد بعدم فهم :شلون مافهمت ؟
سلطان تنهد :يعني احسه خطط موته واخفاء ادله حتى المزرعه يعني ماهو معقول اثار دمه اللي كانت معبيه المكان نرجع بعدها بيومين مانلقي شي والشي الثاني كان في مكان حوالين المزرعه اثار خطوات ومشي ويوم جينا بعد الحادث بيوم اختفت الاثار هذا يخلينا ننششك انه مخطط له من الاساس !