—شقه عامر —
دخل سمع صوت راما استغرب مين تكلم هالوقت وهو توه رجع من دوامه دخل يشوف وابتسم من شاف جود على الارض تلعبها راما لفت راما من حست بوجوده :عمو جاء شوفييي !
عامر :ياربي وانا اشوف الشقه اليوم منوره اجل الجود زايرتنا.
ابتسم راما وجلس عامر يلعبها : عامر جاي من برا غسل يدك بعدين تعال !
عامر :معليك مابيصير شي ؟
هزت واسها بنفي راما واخذتها منه : غسل يدك بعدين تعال !
هز راسه عامر وقف : غريبه اخذتها سعد وينه ؟
راما وهي تلعب جود : سعد كان بيروح يقدم وضيفته وابتلش مايدري وين يودي جود وعارف خالتي زعلانه عليه لين الحين ونزلت عند خالتي بشوفها وشفته وقلت بااخذها انا لن البنات بدوام مافي احد عندها
هز راسه عامر وجلس يلعبها : بالله نبي الغداء حدي جوعان !
هزت واسها راما :تمام انتبه لها !
هز راسه عامر وقفت راما تتوجه للمطبخ وعامر اللي يلعب مع جود
—المستشفى—
طلع من غرفه العمليات يرمي الملابس اللي عليه يتوجه لمكبته دخله وشاف ماجد جالس ورافع رجوله على الكنب وناظره راكان: يالطيب ماتحس انك ماخذ راحتك بزياده بمكتبي ؟
ماجد : ياخي شتبي باخذ راحه شوي مكتبتك الوحيد اللي اخذ راحتي به بعيد عن ازعاج الطلاب !
ضحك راكان : والله منيف عرف لك سلمك تدريبهم !
هز راسه ماجد :انا لازم احس منيف كارهني صدقني !
لفو من دق الباب ودخل سعد ومنيف : مشاء الله وش مجلسك هنا وتارك الطلاب !
ضحك راكان من شاف تعابير وجه ماجد : تكفي منيف اعتقني شوي ابي ارتاح من فجر الله وانا وراهم !
منيف : خمس دقايق واشوفك تحت معهم !
راكان :ارحبو حياكم اجلسو !
جلسو واخذ راكان الاكواب يصب فيها البلاك كوفي وقدمها لهم وناظر سعد : شف والله ماهو حقك بس هذا الموجود !
سعد : ماعليك المره الجايه بشرب القهوه السعوديه من بيتك ؟
ماجد :لا تدورها عنده مابتلقي شي الا القهوه السودا وان غيرها اخذ قهوه تركي !
سعد ضحك :لا بيته في الخير والبركه وبعدين خلاص هو بيصير عريس اكيد بتصير عنده !
منيف : من قده بيصير عريس له سنه ينتظر هاذي اللحظه
راكان ابتسم :اخخ بس ابي الخميس يجي !
ماجد :الله واكبر تركتو كل الايام خليتوها الخميس ليه وش مقصر معه الاثنين الثلاثاء وبعدين مفروض اخذت رايي بالموضوع .!
ضحك سعد ومنيف وناظره راكان : انت ناشب لي زوجتي وانا ماادري ؟
سعد :توني استوعب كلمه ابوي يوم يقول زوجته صدق حسستني زوجته انت ؟
ماجد :انا اصير زوجته يخسى بس لازم يستشرني بكل شي !
منيف ضحك :مناقض انت!
ضحكو وكملو سواليف مع بعض
—-عمر ——
رجع لبيتهم برغم رفض نايف اللي اصر انه طول الشهر يجلس عنده بس عمر رفض اعتنو فيه لشهر يكفي
تنهد يذكر كيف عرف انه انصاب بالشلل وبعدها خبر وفاه جده مات بكي وصاح وتعب كان يقولهم ليه مات وماسامحني زعل على نفسه كثير ويالله طلعوه من الحاله اللي كان فيها عشان كذا نايف اصر يجلس عنده لشهر عشان تتحسن نفسيته كان يشوفون بعيونه الندم كان يسمعخ بليل يبكي بحرقه على موت جده واللي سواه فيهم
ناظر امه اللي دخلت بفهد :ولدك طلع من النوع الصياح القوى !!
ابتسم :ماخلانا ننام بليل من صياحه والصباح ماسكنا بعد والظهر هاجد نايم !
دخلت ساره :والعصر يستلمنا لعب ساعه وساعه صياح !
ابتسم :عطوني اياه !
اخذته ساره :سم بالله
اخذه منها يضمه له رفض يشوفه اول ايام ودلاته ويذكر كيف منيف اخذه من امه يجيبه له بالغصب يخليه ياخذه ويشوفه ومن وقتها يشكر الله على هالنعمه اللي انعمه فيها ويشكر منيف اللي خلاه يستوعب هالنعمه اللي عنده
ساره :خالتي انوار وينها ماشفتها !
مشاعل :انوار مسنتره مع نجود في البوتيك حقها
هزت راسها ساره وابتسمت تشوف عمر يلعب فهد
YOU ARE READING
ليالي مارس بوجودك مذهلة
General Fictionمعاكم الكاتبه خلود روايتنا تتكلم عن كثير امور وتجمع بين كثير اشياء باذن الله تنال على اعجابكم واكون عن حسن الظن باذن الله واول روايه لي 🤎
