ليالي مارس بوجودك مذهلة

٢٧بارت

—-عند عمر —
واقف قدام البحر بالشرقيه مايدري وين يروح توه يستوعب فعلته هو حرق المزرعه وحرق ييت جدته وهو اصلا لو فهد عايش وكان بينهم ماراح يرضى عليه ابدد واللي سواه مايغفر له شي فتح جواله من يشوف رساله ساره تبلغه ان ودلاتها قربت وهو سكر جواله يرفع عيونه للبحر معاد يعرف ايش ممكن يسوي انعمي عليه وقتها وحرق بدون تفكير
قرر انه يرجع اللرياض واللي يصير يصير وقرر انه يعتذر منهم ولو ان اعتذاره ماراح يفيد بشي بس بيحاول

—اليوم الثاني بيت ال سلمان —
جالسين مع بعض الكل معاد ديم اللي ماجت لين الحين من دوامها جتهم نوره اللي كانت تكلم وجلست ولف لها منيف :امي مين كلمك ؟
نوره :مرت عمك مشاعل جايه لنا اليوم هي وبنتها انا عزمتها
ناصر :يمه عادي عندك ؟
نوره لفت له :وش اللي عادي عندي ؟
سلمان :قصده يمه يعني عادي تشوفينها ولدها مسوي اللي مسويه فينا ؟
نوره :قلت انت ولدها مو هي واصلا هي جتني تعتذر وتلطب السماح منا يعني بالاخير هي مالها دخل
ميلاف :صراحه وحشتني انوار مرههه واحشتني !
نجود :صح مرره اشتقنا لها وشموخ اليوم وصلو الرياض
سلمان :جاء حموددد واخيرا ماصدقنا يتخرج ويجي
ضحك ناصر : هذا اذ شفته اصلا له هو منيف ٤سنوات ماشافو بعض عساهم ماينامون عند بعض من كثر الشوق ؟
منيف ناظره يطرف عين :قاعدين على قلبك حنا
نايف لف لي ابتهال :ابوي وينه وديم وينها ؟
ابتهال :بابا يكلم عمي محمد وديم باقي في الدوام
ثواني وجتهم ديم اللي رجعت من دوامها دخلت تنزل العبايه تعطيها العامله وجلست جنب ابوها :تعبتت خلاص معاد بشتغل محاميه ؟
ضحك نايف واخذها لي حضنه :بنتي المحاميه تتعب مااصدق ؟
ديم ناظرته : صدق بابا صدق تعبت خلاص !!
جاهم عبد العزيز وناظره نايف : يبه وين كنت ؟
عبد العزيز ناظر ابتهال وناظر نايف :محمد كان يبيني في موضوع
هز راسه نايف ولفو من دخلت العامله ببوكيه ورد ماقدرت تشيله لحالها من كبره وضخامته ويتوسطه علبه كارتير
انصدمو من جمالها وكبرها وناظرهم ناصر :وي وش هذاا. كبيررره
نوره : جميله لمين هاذي ؟
جميله : جت لديم
ابتسم نايف وناظرو ديم بذهول وناظرتهم ديم :لي انا ؟
هزت راسها جميله وقفت ديم تاخذ الكرت اللي كان موجود وفتحته تبتسم : كُل اللي بيني وبينك ..
‏دِبلة وضحكة وحب انتظريني ليله خميس
راكان ♥️
ناظرتهم وقامو خواتي وابتهال يركضون لها يقرون معها وصرخو بفرح لها وناظرهم ناصر : هذول شفيهم بسم الله
منيف : شعليك منهم انت ؟
اخذتها ديم تشيلها بصعوبه وتتوجه لغرفتها تتركهم وابتسم نايف وعرف من مين واصلا شافهم وافقين مع بعض وقال راكان ينتظره ليله خميس
دخلت غرفتها تنزل الورد في الارض تفتح العلبه تشوف دبله واخذتها تلبسها وابتسمت بحب وفرح تغمرها ومدت يدها تصورها وهي بيدها اليمين وارسلتها له ترد على سواله امس بالصوره هاذي وانها موافقه عليه

—بيت سلطان —
واقفه بالحمام(( وانتو بكرامه )) بيددها تست الحمل تشوفه خطين واضحه ضحكت بعدم تصديق من اللي تشوفه حامل باول طفل لهاومن الشخص اللي حبته سمعت سلطان يناديها طلعت برا الحمام تخبي التست داخل الشنطه ولبست العبايه تطلع تشوفه واقف ينتظرها
سلطان :قلبي تاخرنا ابوي ينتظرنا ؟
انهار : يلا جاهز انا !
سلطان ناظر وجهاا بتمعن : بكيتي انتي ؟
انهار :لا قلبي بس تعرف حساسيه من العطور !
سلطان ماصدقها : متاكده ؟
انهار :اي قلبيي والله مافيني شي ويلا تاخرنا على عمي يلا
سكت ومشي يطلع ومسكت يده وهي مبسوطه واليد الثانيه على بطنها ودها تقول له الحين بس ماتبي تتاخر على ابوه وبتقوله هناك بينتهم