ليالي مارس بوجودك مذهلة

بارت ١٨

بعد مرور شهرين على وفاء فهد كانو الكل يحس بفقده بس كانو يحاولون يتقالمون لجل بنته وولده اللي رجعو لحايل لجل عده امهم بعد مادفنوه في الرياض مرت حياتهم بهدوء رغم وجع الفقد بس كملو الحياه وهم مانسوه ابد

{بيت ال سلمان الساعه ٨ }
جالس بالصاله عند ابوه اللي من بعد وفاه ولده وهو ماضحك او حتى شافوه زي قبل طلعات وروحات بينه وبين محمد حتى محمد صار كل يوم عندهم لجله بس تنهد نايف والتفت علي ابوه :يبه وضعك مطول كذا لنا شهرين واحنا علي هذا الحال
الجد عبدالعزيز :وش تبي اسوي يعني مثلا !
نايف :ارجع زي قبل يبه خلنا نعيشش الحياه زي قبل فهد راح لرب كريم الحزن اللي انت فيه ماراح ينفع بشي يابيه لازم نكمل الحياه فهد بقلوبنا قبل كل شي
سكت الجد عبدالعزيز والتفتو علي دخول سلطان :السلام عليكم !
ردو السلام وجلس سلطان جنب نايف :كلمته !
نايف :لا ماقدرت من جيت وهو ساكت !
سلطان :لين متى طيب بنتظر يعني ابي اتزوج خلاص عادد
التغت لهم الجد عبدالعزيز:انتو وش وراكم !
تنحنح سلطان والتفت نايف له :يبه سلطان يبي نستعجل في موضوعه
ناظرهم الجد ورفع حاجبه : اي موضوع !
سلطان قام وجلس عنده :ابي اتزوج يبه تعبت وانا ضعي كذا اقلب الوقت طالع او بالشغل تعبت من الروتين حقي
الجد عبدالعزيز:اذ عدلت وضعك زوجتك
نايف :بس سلطان وضعه زين
تجاهلهم الجد عبدالعزيز يقوم يتوجه داخل وضرب برجع الارض سلطان بعصبيه وجلس صرخ لي الخدامه وجته نجود تركض :سلطان علامك !!
سلطان :جيبو لي قهوه غير ذي اللي كلها مليانه عويدي
اخذت نفس نجود وتدخلت داخل تجهز له القهوه
-مكتب ديم اخر الليل -
بقت هي الوحيده لجل تخلص كم الاشغال اللي عندها وقفت تسوي القهوه حقتها اجل تكمل شغلها وتتذكرت الشهرين اللي فاتو لما سوت العمليه لجل رجلها وكانت تحت اشراف راكان اللي طول الفتره هاذي كان معها لين رجعت من جديد تلبس الكعب وترجع لي جياتها بدون العصا اللي كام ملازمها طول الفتره اللي فاتت ابتسمت من تذكرت اعترافه الصريح قبل عمليتها لما قالها وبكل صراحه (ارجعي اوقفي من جديد ولا تروحين مكان بنرجع )وضحكت من جديد تذكرت كلامها له ( ليه خايف اسافر بعد ) ود عليها (لاتخافين سرقت جوازك وقفلت المطارات )ضحكت عليه واتبسم لها ( اضحكي لايحلقك لوم اضحكي لجل احكل عيوني  بضحكتك ومبسمك العذب ) صدت عنه بخجل وابتسم عليها خجلها الواضح له وهمس لها ( احبك ) ناظرتها ديم بصدمه من اعتراف المره هاذي بصريح العباره بدون لف ودوران فاقت من ذاكرتها علي دخول شموخ اللي صفقت بيدها :واضح راكان من بعد اعترافه لك وانتي بس سرحانه !
ضحكت ديم تجلس :انتو تبالغون !
شموخ ناظرتها بنص عين :نبالغ اجل اعترفي ديم تحبينه
ديم :بعترف احبه صدق احبه حبيت حب ماقد حبيت من قبل شموخ يعني الحب اللي قبل كنت اظن اني احب عمر كل كذب ماعمري حبيت شخص زي حبي لي راكان
صرخت شموخ :دقيقه اعتراف صريح !
ديم وتحس الفرشات بداخلها من فرط شعورها :يختي احس لما اشوفه شي بداخلي يتطاير يعني بختصار اذ شفته احسني فرشاه طايره من الوناسه انتظر الصدف عشان تجمعنا مع بعض صرت ارقبه اذ جاء مع جده او يشوف سلطان حتى لما جينا لبيتهم شفته من اخته جوانا حسيت بشعور غيرررر
شموخ :مااقدر ديم تكفين كلامك !
سمعو شي طاح برا وقفت ديم وناظرت بشموخ :في احد برا
شموخ بدون اهتمام :تلقين احد من الموظفين !
ديم خافت :مافي احد غيرنا ياخبله  !
قامت شموخ :نعممم كيف
تقدم ديم للباب :بشوف انتظري يمكن احد من خواتي
فتحت وقفت بصدمه من شافته واقف قدامها ويبتسم رجعت سكرت الباب وناظر بشموخ للي خايف :مين شفتي !
ديم :راكان
شموخ :ايش راكان وش يسوي هنا
ديم تأفتت :مدري اكيد سمع كلامناا اوففف
عند راكان اللي كان جاي لجلها هي وعرف انها حنا من شاف سيارتها برا ودخل واستغرب من الباب المفتوح واللي نست شموخ تسكره معها ودخل وسمع كلامهم كل واعترافها الصريح وابتسم من قلبههه وهو سعيد جدا بالصدفه اللي جابته لجل يسمع الكلام هذا وبلغلط صقع في الطاوله وطاحت الشمع رجعت ديم تفتح الباب بعد ماعدلت حجابها وقالت وهي تشد علي يدها :راكان
ابتسم راكان بوسع ثغره :لبيه وسمي وامري ياعروق قلب راكان
صد ديم بخجل من كلامها لها وحاولت تتكلم من خجلها ورفعت راسها لها :وش اللي جابك هالوقت !
راكان ناظرها :جابتني الصدفه لجل اسمع كل شي ابيه من زمان
غطت وجهاا ديم بحيا فضيع اصابها :راكان !!
ضحك راكان بعلو صوتها من خجلها الواضح لها :صدقيني انا الحين ملكت الدنيا كلها  بس من الاعتراف اللي جمل حياتي !
ناظرتها ديم وكمل راكان :الله يجلعني ياديم اعوضك عن كل شي فات وعساك انتي تعوضنيني عن سنيني اللي عشتها بدونك
ميلت راسها ديم تبتسم وداخلها فرشات طايرها ودها هالدنيا توقف هنا بس انه ناظرها :انتبهي لنفسك ولا تطولين برا استودعتك الله
ابتسمت ديم ودخلت المكتب تسكر الباب وقلت شموخ بوجهاا وصرخت تضمها وديم تضحك بجنون من فرط مشاعرها صح انحرجت انهه عرف بعترافهغ بهاذي الطريقه بس بداخلها مرتاحهههه جداا