ليالي مارس بوجودك مذهلة

١٩ بارت

ودخلت تسكر الباب خلفها وتوجهت للشباك تشوف راكان اللي ركب سيارته وطلع من الحي حقهم وسكرت دين الشباك تنهار بكي من الموقف والاحداث اللي بدت ترجع لها نزلت العبايه تتوجه تاخذ روبها وهي تبكي ومنهاره وتدخل دوره المياه -اكرمكم الله -تجلس تحت المويا وتختلط دموعها مع المويا وهي تتذكر احداث ماضيها كله مع عمر واخذت ساعه تحت المويا وهي تفكر ودموعها تسبقها طلعت اخذت سجاتها وقرانها تصلي الشفع والوتر وتقرا وردها من سوره البقره وخلصت تجلس على سجادتها وتناظر القمر اللي قدامها ورفعت يديها تدعي من قلبها بكل شي وواخذت نفس والتفت على صوت الرسايل من جوالها اخذته تشوف راكان الي ارسل لها (صاحيه؟ )ودت عليه ديم ودقايق ودق راكان ردت تاخذ نفس بهدوء :ديم !
ديم :هلا
راكان : ادري اني حطيتك بموقف محرج بس مابيه  ياخذك من يدي !
سكتت ديم :راكان لو ماتكلمت انت انا كنت بتكلم وبنهي اللي جالس يصير تعبت من فعايل عمر تعبت من شهور وهو ماتركني ولحد الان يركض وراي !
راكان :بفهم هو متى بيعقل  بس شكلي باخذ طريقي معه !
ديم :لاتورط عمرك فيه راكان عمر انسان غبي وحقير يمكن يضرك انت وانا مابي يصير فيك شي بسبيي
ابتسم راكان :انت سبب اللي انا فيه اصلا !
عقدت حجاجها ديم وكمل راكان بنفس الابتسامة:انت سببتي الحب بداخلي لك انتي اماني وسعادتي انت الروح اللي انا أحييا بها ياديم انت الحب اللي ملكني وتركني مااعرف نفسي من وقت شفتك ماعمري حسيت بشعور مثل الشعور اللي تبعثينه بداخلي لما اشوفك والمحك او حتى اسمع صوتك !
ابتسمت ديم تستوعب كلامه ومشاعره اللي غمرها فيها بوقت قصير :راكان !!
ضحك راكان من لمس بنبرتها الخجل :لبيه وسعديك لبيه يعروق قلب راكان
اخذت نفسك ديم تحط يدها علي قلبها وهمست بخفوت :احبك !
ابتسم راكان بوسع ثغره من سمع هالكلمه بصوتها واحساسها :معاد ابي شي في هاذي اللحظة معاد ابي شي يكفيني هالكلمه من منطوقك !
تنهدت ديم بالابتسامةوكمل راكان:انتي بوجهي من ضيم الدنيا انتي بوجهي وذراعي !
سكتت ديم تستشعر كلامه اللي طمنها وعرفت وقتها انها اختارت الشخص اللي تكمل حياتها معك بكل سعاده
—استراحه العيال اليوم الثاني —
جالسين حوالين النار ويسمعون حلطمه علي وسلمان اللي ماتخلص منيف ناظرهم :ابفهم انتو كذا اربع وعشرين ساعه !
احمد :الله يعينك انا معاد اتحملهم ومنقارتهم علي اتفه شي !
سلمان :هذا يبي يكتمنا بالنار بس يزيد حطب !
علي :انت صاحي بموت برد وتقول لاتحط تستهبل ياخي افهم برد !
منيف :الله يخلف بس هذا الي بقوله وبعدين انت وياه ماوراكم جامعه ؟
علي :انا اليوم اوف شوف اخوك ساحب !
سلمان رمي عليه علبه المويا :نكبه الله ينكبك زين اذلف !
منيف :سلمان وش اللي ساحب علي الجامعه صاحي انت !
سلمان :منيف فكني بالله من الموال ياخي تعبت ابي اخذ بريك شوي مايضر
جسار :الا بيضرك كان خليت غياباتك لي ايام انت تحتاجها !
سلمان :ترا يومً واحد مابياثر
دخلو سلطان وناصر وضحك ناصر :احل عطاك محاضره !
سلمان : ياخي منيف دقيق بزياده الله يعين ماجد وراكان عليه بس لو انه مدير فصلت من زمان !
ضحك سلطان عليه وجلسو يكملون سواليف لين جاهم ماجد بدون راكان :وين راكان
ماجد : راح بيته  يقول تعبان بينام !
سكتو يكملون سواليف تحت مناقرات سلمان وعلي اللي ماتخلص وعم حلطمت سلطان وناصر بشغلهم
-بيت الياس —
واقفه بالمطبخ تسوي الاكل لجل يجي من دوامه ودخل شافها واقف ولابسه فستان حوامل وتشتغل تحت صوت عبد الكريم عبد القادر وضحكت  من سمعته يغني معه والتفت له :متى جيت !
الياس :توني جيت كيفكم اليوم
ابتسمت من جمعهم مع بعض يسال عن حالهم وحطيت يدها علي بطنها البارز :بخير بس زعلانين انك تاركنا الفتره هاذي
اتنهد الياس :حقك على بس والله مشغول بالدوام والشركه تعرفين بعض امورك
حلا :برجع للشغل فتره الوحام انتهت !
الياس وهو طالع يغير لبسه : يصير خير !
ضحكت حلا : برجع ولنا تفاهم بعدين الحين الاكل جاهز
-فندق عند نوال وعايلتها -
جالسين كالعاده مع بعض وجلستهم لاتخلو من مناقرات التوام :يمه بس ازعاج
هند :ماما شوفيها تبي تاخذ الفستان اللي انا ابيه لي زواج عمتو !
هناي :لا ماما انا اخترت قبلها مو كيفها !
نوال:انتو صاحين تتهاوشون على لون فستان طقمو وانتهينا !
هند :ماما شايفتنا صغار نطقم
دخلو عبد الرحمن وهزاع وقامت هناي تصب لهم قهوه :قررنا ننقل لي الرياض !
نوال :عسى ماشر ومدارس البنات !
عبد الرحمن :عادي نسجلهم هنا وبعدين باقي لهم ترم الثالث ويتخرجون ويكملون جامعه في الرياض !
هناي : اي بابا افضل شي جامعه نوره ابيها في الرياض !
هند : اي بابا صاحبتي اللي كانو معي وتخرجو العام انقبلو فيها وابي اكون معهم
هناي كملت :اي ونبي تخصص خدمه اجتماعيه معهم زيهم !
هزاع : بسم الله هذول متى طلعو غير اللي معهم انتو الحين !
هناي : ياغبي هذوولي تخرجو قبلنا بس احنا متاخرين سنه !
هند :وصراحه هم الافضل بنسبه لنا يعني هم الروح بالروح !
نوال :اول شي لاتقولين لي اخوك غبي ثاني شي تعبتوني بصديقاتكم صيته وريم ونوف اللي حفظتهم اكثر من منكم من كثر ماتتكلمون فيهم عندي !
هناي :ماما نحبهم مانعيش بدون بعض مستوعبه اربع وعشرين ساعه مع بعض نسولف وكذا
هزاع :خلي هذا كله كوم واسم قروبهم كوم ثاني اكل مرعى قله صنعى بالله هذا اسم قروب !
التفت له عبد الرحمن :وانت وش عرفك في اسم قروبهم !
هزاع :شفته لما كنا نتابع فلم بجوال هناي
هناي : بابا شوفه من وقتها وهو كذا يعايرنا فيه !
ضحك عبد الرحمن من بدت فقره المناقره بينهم اللي ماراح تنتهي
-بيت راكان -
جالس لحاله وقدامه قطوته سنوي وكوب قهوته جنبه اللي يتساعد من دخان وقدامه النار جالس يفكر كيف يتصرف مع عمر ويفكر بحياته مع ديم اللي يجزم انه ماقد حب مثل ماحبها اغرام بكل تفصيله فيها ورغم بعدها في البدايه الا انه استمر بحبها وتمسك فيها ولقي نفسه فيها وحبها شاف عاصم وماجد داخلين من البوابه ماجد بحلطمه :ياخي انت مخلينا نلاحق مجنون !
ضحك راكان :ليه وش سوا بعد ليكون شافكم ؟
ماجد :يعني انا الدكتور ماجد بن عبدالله اخر عمري الاحق واحد مو صاحي !!!
عاصم :ماجد افشل انسان ممكن تخليه يمسك لك احد !
ضحك راكان من قام ماجد يتحلطم اكثر :الحين خلوني وش صار عليه !
عاصم :لحقناه مايجلس بمكان كل شوي بمكان اخر شي كان بيراضي زوجته !
شد علي يده راكان :مشاء الله يراضي من هنا ويخطب من هنا المهم شوف لي وش سالفه زوجته وابي كل شي يخصها !
هز راسها عاصم وقام : وين ؟
عاصم :الاهل ينتظرون ودعانكم الله
راح عاصم وانسدح راكان على المركي يغني وفوق راسه ماجد غني راكان وماجد مستمع له
ياشجون القلب لو تدري
ان قلبي يعشق عيونك
بك مولع يابعد عمري
من جمالك صرت مفتونك