ကျောင်းမြတ်ခင်းစိမ်းလေးရဲ့ရည်းစားဟောင်းအဖြစ်သို့...(ကျင်းစစ်)

Chapter 50
September 11, 2023
Chapter 50

သူစကားပြောပြီးနောက် သူခေါင်းအား ငုံ့ကာ ကျောင်းဝတ်စုံမှ လက်ရှည်နှစ်ဖက်အား သူ့ခါး၌ ပတ်ကာ ထုံးထားလိုက်ပြီး သူ့အောက်ပိုင်းအား ကာထားလိုက်သည်။

ယင်းကျောင်းက မတ်တပ်ထရပ်လိုက်ပြီး ကျင်းစစ်အား ခေါ်ကာ ထွက်သွားသည်။

“မင်းတို့ကစားကြ..ငါတို့ ဟိုဘက်သွားပြီး ခဏလောက်နားဦးမယ်…”

“အို..” ဟယ့်ကျိုး ခေါင်းညိမ့်လိုက်ပြီးနောက် ကျန့်ချွယ်ဘက်သို့ လှည့်သွားသည်။

“အခုလေးတင် သူတို့နှစ်ယောက်ကြား ငါတို့မသိတဲ့ တစ်ခုခု ဖြစ်သွားသေးလား…”

ကျန့်ချွယ်က ရှုပ်ထွေးစွာ ခေါင်းယမ်းလိုက်သည်။

“ငါမသိဘူး…”

“မေ့လိုက်တော့..အဲ့ဒါသူတို့အပေါ် မူတည်တာပဲ…”

ဟယ့်ကျိုးက ဝူဝေ့ချန်ထံမှ ဘောလုံးအား ယူလိုက်ပြီး မြေပြင်သို့ နှစ်ကြိမ်ပုတ်လိုက်သည်။

“လုပ်ပါ..ဆက်ရအောင်…”

အလျားလိုက်ဘားတန်းဘေး၌ ယင်းကျောင်း၏ တုံ့ပြန်မှုသည် တည်ငြိမ်သွားသည်။ သူ ကျောင်းဂျက်ကတ်အင်္ကျီအား ချွတ်ကာ ပြန်ဝတ်ရန်လုပ်သော်လည်း ကျင်းစစ်၏ လက်များက သူ့အား တားလိုက်သည်။

“ဘာဖြစ်လို့လဲ..”

ကျင်းစစ်က သူ့လက်မှ ကုတ်အင်္ကျီအား ဆွဲလိုက်ပြီး ရုတ်တရက်ပြောသည်။

“မင်း မျက်လုံး ပိတ်ထားလိုက်..”

“မင်းဘာလုပ်နေတာလဲ..”

ယင်းကျောင်းက သူ့အား စိုက်ကြည့်ကာ လူယုတ်မာ အပြုံးဖြင့် ပြုံးလိုက်သည်။

“ကိုယ့်ကို ခိုးကြောင်ခိုးဝှက် နမ်းပြီး အခွင့်ကောင်းယူချင်လို့လား…”

သူက ခေါင်းငုံ့ကာ ကျင်းစစ်မျက်လုံးအရှေ့ တိုးကပ်လိုက်ပြီး “ကိုယ်တို့နှစ်ယောက်ကြား ဆက်ဆံရေးက ဘာလဲ…ကိုယ်တို့နမ်းချင်ရင် ခိုးနမ်းစရာမလိုပါဘူး..ကိုယ်…..”