ကားလက်ကိုင်ပေါ်ရှိ ၀မ်ဇီဟယ်၏ လက်ဆယ်ချောင်းက တင်းကြပ်လာကာ၊ သူသည် ရှေ့တည့်တည့်ကို စိုက်ကြည့်နေသည် ။ သူ့မျက်နှာသည် ဖျော့တော့ပြီး နှုတ်ခမ်းထောင့်များ နီမြန်းလာကာ ကားကို ဖြည်းညှင်းစွာ ရပ်လိုက်ပြီး အံကြိတ်ကာ ပြောလိုက်သည် ။ "သူငယ်ချင်း"
တကယ်တော့ ဝိန်ချင်းရဲ့ ကျိုးကြောင်းဆီလျော်မှုမရှိတဲ့ မေးခွန်းကို သူ ဂရုမစိုက်ချင်ပေမယ့် ဝိန်ချင်းရဲ့ယခင်စိတ်ထားအရ ကားထဲမှာ ပြဿနာဖြစ်လာနိုင်မှာကို စိုးရိမ်မိတာကြောင့် ဝန်လေးစွာ ပြန်ဖြေခဲ့တယ်။ " ဟုတ်တယ်"
ကံမကောင်းစွာပဲ၊ ဒီအကျင့်ဆိုးရှိတဲ့ ဝိန်ချင်းအတွက် ထိုအဖြေက ရပ်တန့်မသွားစေခဲ့ပါဘူး။ သူ ခေါင်းကို လှည့်ပြီး ၀မ်ဇီဟယ်ကို စိုက်ကြည့်ရင်း သူ့မျက်လုံးများက ၀မ်ဇီဟယ်၏ မျက်နှာအသွင်အပြင်ကို ဖြည်းညှင်းစွာ စိုက်ကြည့်နေသည်။
"သူငယ်ချင်း?" ဝိန်ချင်းက နှုတ်ခမ်းကို မြှောက်ပြီး ပြုံးနေသော်လည်း အေးစက်နေသော အညိုရောင် သူ၏မျက်လုံးတွေနဲ့ စိုက်ကြည့်နေသည် ။ "သူငယ်ချင်းလား ၊ ရည်းစားအသစ်လား ?"
၀ိန်ချင်း၏ မျက်လုံးများသည် ဖြောင့်စင်းနေပြီး ၀မ်ဇီဟယ်၏ ဦးရေပြားကို ထုံကျင်စေသည်။
သို့သော် ၀မ်ဇီဟယ်ကို ဒေါသထွက်စေတဲ့အရာက ဝိန်ချင်းက သူ့ကို အမြဲတမ်း ဒီလို စစ်ဆေးမေးမြန်းတဲ့ အတွက်ကြောင့်ပင် ။
မီးရောင်အောက်တွင် ဝိန်ချင်း၏မျက်နှာပေါ်ရှိ ရွဲ့စောင်းသော အပြုံးတစ်ခု ရှိနေပြီး သူ၏ ပြောင်ပြောင်တင်းတင်း မျက်လုံးများသည် မီးလောင်နေသည့်ဓာတ်ဆီပုံးကဲ့သို့ ဖြစ်နေသည်။
"သူက ငါ့ရည်းစားအသစ်ဖြစ်တော့ရော ဘာဖြစ်လဲ၊ ဝိန်ချင်း လူတိုင်းက အရွယ်ရောက်ပြီးသား ၊ ကလေးသာသာ လှည့်ကွက်တွေကို မကစားနဲ့၊ အဲဒါက စျေးပေါတယ်ဆိုတာ မင်းသိလား။" ၀မ်ဇီဟယ်က လှောင်ပြောင်သည်။
ဝိန်ချင်း၏ မျက်နှာပေါ်ရှိ အပြုံးအတုများသည် ခဏတာ အေးခဲသွားသည်- "တကယ် ချစ်သူအသစ်လား?"
၀မ်ဇီဟယ်သည် သူ့ကိုယ်သူ ရေရွတ်နေပုံရသည့် ဝိန်ချင်း၏ စကားများကို မကြားချင်ယောင်ဆောင်ကာ စကားတစ်ခွန်းမှ မပြောဘဲ မီးစိမ်းပြပြီးနောက် ကားကို စတင်လိုက်သည်။
YOU ARE READING
After Being Dumped by his Son's Father
RomanceAuthor 迷之鹿 Status 75 Chapters ဝမ်ဇီဟယ်တွင် ရက်စက်ကြမ်းကြုတ်သော ဖအေတူ အမေကွဲ ညီမလေးတစ်ယောက်ရှိပြီး ရက်စက်သောညီမတွင် သူမလက်ထပ်လိုသော ယောက်ျားနတ်ဘုရားတစ်ပါးရှိသည်။ ဤအရာနှစ်ခုသည် မူလက ဆက်စပ်မှုမရှိသော်လည်း တစ်နေ့တွင်၊ ကြမ်းတမ်းသောညီမ၏ နတ်ဘုရားသည် ထိုစဉ...