၀မ်ဇီဟယ်သည် ၀မ်ယွမ်ရှန်း၏ စကားကို မတုံ့ပြန်ခဲ့ဘဲ သူမအသံကိုသာ ကြားနေရသည်။ ၀မ်ယွမ်ရှန်းထံမှ ဖုန်းခေါ်ဆိုခြင်းဖြစ်သည်ကို သူသိလိုက်သောအခါတွင် သူသည် ဖုန်းချချင်သော်လည်း နောက်စက္ကန့်တွင် ဝိန်ချင်းထံ ဖုန်းခေါ်ဆိုခြင်းဖြစ်သည်ကို ရုတ်တရက် သိလိုက်ရပြီး စိတ်ကို တွန်းအားပေးလိုက်သည်။
"ဝိန်ချင်းက ဒီမှာမရှိဘူး၊ မင်းပြောစရာရှိရင် နောက်မှပြန်ခေါ်လိုက် ။" ၀မ်ဇီဟယ်၏ အသံသည် တည်ငြိမ်လွန်းကာ လုံးဝမတုန်လှုပ်ပေ ။
"သူ ဒီမှာမရှိဘူးလား၊ သူ ဘယ်လိုလုပ် မရှိဘဲနေနိုင်မှာလဲ ။ သူ့က ဆဲလ်ဖုန်းကို ဘယ်တော့မှ ကျန်ခဲ့တတ်တဲ့သူမဟုတ်ဘူး " ၀မ်ယွမ်ရှန်းက ရွဲ့စောင်းသော စကားလုံးများဖြင့် ပြောလိုက်သည် ။ သူမသည် ၀မ်ဇီဟယ်ရှေ့၌ ဟန်ဆောင်ဖို့ ဘယ်တုန်းကမှ စိတ်မ၀င်စားခဲ့ပေ ။
"နင်နဲ့ဆက်ဆံဖို့ ငါစိတ်မရှည်ဘူး ။ မြန်မြန်ဆန်ဆန် ဝိန်ချင်းဆီ ဖုန်းပြန်ပေးလိုက်..."
၀မ်ဇီဟယ်သည် မီးဖိုချောင်ထဲတွင် အလုပ်ရှုပ်နေဆဲဖြစ်သော ဝိန်ချင်းကိုကြည့်ရန် ခေါင်းလှည့်လိုက်သည်။ ဝိန်ချင်းသည် မြေပြင်ပေါ်တွင် တစ်ဝက်တစ်ပျက် ငုတ်တုတ်ထိုင်နေပြီး ဆေးကြောထားသော ပန်းကန်ခွက်ယောက်များကို ဗီရိုထဲတွင် စေ့စေ့စပ်စပ်ထားနေကာ သူ့နောက်ကျောသည် အလွန်ပြင်းထန်ပြီး အာရုံစူးစိုက်မှု ပြင်းထန်နေပုံရသည်။
မူလက ၀မ်ဇီဟယ်သည် ဝိန်ချင်းထံ ဖုန်းကို လွှဲပေးချင်ပေမယ့် အကြောင်းတစ်ခုခုကြောင့် သူ့စိတ်ထဲမှာ နားမလည်နိုင်တဲ့ အတွေးတစ်ချို့ ရုတ်တရက်ပေါ်လာခဲ့တယ် ။ ၀မ်ယွမ်ရှန်း နဲ့ ဝိန်ချင်းတို့ အချင်းချင်း ဘယ်လိုသိခဲ့ကြတာလဲ။
လွန်ခဲ့သည့် ခြောက်နှစ် သို့မဟုတ် ခုနစ်နှစ်အစောပိုင်းတွင် ၀မ်ယွမ်ရှန်းသည် သူမတွင် သူမနှစ်သက်သောသူတစ်ယောက်ရှိနေပြီဟု တစ်ဖက်သတ်ကြေငြာခဲ့ပြီး ထိုလူကို သူမလက်ထပ်တော့မည်ဖြစ်ကြောင်း သူမမိသားစုအား တစ်ဖက်သတ်ကြေငြာခဲ့သည်။ ၀မ်ယွမ်ရှန်းသည် နှစ်ပေါင်းများစွာကြာအောင် ထိုသူတစ်ယောက်တည်းကိုသာ သဘောကျကြောင်း အခိုင်အမာပြောဆိုခဲ့သည်။
YOU ARE READING
After Being Dumped by his Son's Father
RomanceAuthor 迷之鹿 Status 75 Chapters ဝမ်ဇီဟယ်တွင် ရက်စက်ကြမ်းကြုတ်သော ဖအေတူ အမေကွဲ ညီမလေးတစ်ယောက်ရှိပြီး ရက်စက်သောညီမတွင် သူမလက်ထပ်လိုသော ယောက်ျားနတ်ဘုရားတစ်ပါးရှိသည်။ ဤအရာနှစ်ခုသည် မူလက ဆက်စပ်မှုမရှိသော်လည်း တစ်နေ့တွင်၊ ကြမ်းတမ်းသောညီမ၏ နတ်ဘုရားသည် ထိုစဉ...
