Sweet Escape (Intersex)

21- The Blood Ties

"Offering a lifeline through the crimson flow."

Tiffany Suzanne Holland

Bumangon ako para isarado ang curtain. Nakakatakot, ang lakas ng hangin sa labas na humahampas sa bintana. Hindi rin ako makatulog dahil sa ingay na nililikha nito.

Kinuha ko ang jacket ko at sinuot yun bago ako lumabas ng room para magtungo sa ibaba dahil nakaramdam ako ng uhaw. Nakalimutan ko kasi magbaon ng tubig kanina. Thankfully, bumalik na din ang kuryente kaya hindi na madilim dito sa hallway.

Nang mapadaan ako sa foyer, napansin ko ang main door na bahagyang nakabukas. Basa na ang sahig dahil sa tubig-ulan na pumasok sa loob ng mansion.

Agad kong nilapitan ang main door at sinarado ang pinto. Binuksan ang dim light na nasa pinaka entrance, para magkaroon ng liwanag kahit papaano.

Nakapamaywang ako habang napapakamot pa ako sa ulo ko dahil imbis na wala akong gagawin ay kelangan ko pa tuloy na linisin at tuyuin ang basang sahig.

Naisip ko na nakalimutan nanaman ni Mildred na mag double check at naiwan nya ang main door na bukas, sya kasi ang naka-toka ngayon na magdouble check ng mga bintana at pinto. Madalas kasi syang nakakaiwan ng bukas na pinto, kung minsan ay bintana kaya madalas namin sya ni Tina mapagalitan.

Papunta na sana ako sa cleaning room kung saan nakalagay ang mga panlinis nang may mahagip ang tingin ko mula sa peripheral vision ko. I suddenly stop, nakaramdam ng takot pero pilit kong sinasawalang bahala yun. Ayoko na isiping multo yun. Dahil wala naman talagang multo. Kaya hindi ko dapat tinatakot ang sarili ko.

Hinakbang ko ang paa ko para magpatuloy nang marinig ko ang mahinang daing na nagmumula sa part na ng console kung saan ko nahagip ang imahe, kaya muli akong nahintuan. Hindi ko na din napigilan ang sarili ko na lingunin sya. Ganon nalang ang gulat ko dahil sa gilid ng console table nakita ko ang isang tao na nakaupo, pero yung upo nya medyo pahiga dahil nakasandal ang likod nya sa wall. Basang-basa sya at natatakpan ng basa nyang buhok ang muka nya, kaya hindi ko makita muka nya.

Napansin ko din na basa sa paligid nya, magkahalong dugo at tubig yun. Napaatras ako, kinapa ko ang vase na nakapatong sa isang table, ito pa yung vase na ginawa namin ni Aizenberg sa Bleumountain.

Pigil ngunit malalim na paghinga ang pinakawalan ko. Nabalot na ng takot ang buong pagkatao ko. What if kung magnanakaw nanaman to tapos nakatulog lang dyan. Dahan-dahan kong hinakbang ang paa ko, sinugurado ko na hindi ako maglilikha ng kahit na anong ingay para hindi sya magising. Habang mahigpit kong hinawakan ang vase ay nakaposisyon na ako, incase na bigla nya akong sugurin, ihahampas ko talaga sa ulo nya itong hawak kong vase ng walang pag-aalinlangan.

"S-sino ka?" Lakas loob na tanong ko. Halos tumalon ang puso ko sa lakas ng kabog nito. Rinig na rinig ko. Hindi sya sumagot, mahihinang daig lang ang naririnig ko mula sa kanya.

"Sino ka!" Pag-uulit ko, sa pagkakataong ito pasigaw na ako, ngunit hindi sya nagsasalita.

Napansin ko na hindi sya gumagalaw para lang syang tulog, puro mahihinang daing lang ang naririnig ko mula sa kanya, at kahit pag-galaw ay mukang hindi din nya magawa..