FPS 1: His Illicit Affair

Chapter 7

Chapter 7

“We already let him go, Xhel.” Imporma ni Bryxse sa kaniya mula sa kabilang linya. Kasalukuyan siyang nasa banyo ng biglang tumunog ang kaniyang cellphone. Kinatok pa siya ni Traios para lang maibigay ‘yon sa kaniya.

Ayon kasi sa binata ay wala iyong tigil sa pagtunog. May kasamang masamang pukol ng tingin sa kaniya si Traios bago tuluyang ibinigay ang cell phone sa kaniya.

“Salamat, Sese! I owe you one.”

May narinig siyang malalim na buntong hininga sa kabilang linya matapos ang ilang minutong katahimikan. “Please be careful, okay? Be careful with all the people you associate with. Kaibigan kita, Xhel kaya importante ka sa akin. Dalawang taon ka mang hindi nagparamdam sa akin, magkaibigan pa rin tayo. Pwera na lang kung gusto mo akong maging kaIBIGan. Joke!” Hirit nito sa kaniya sabay tawa ng malakas.

In-emphasize pa talaga nito ang salitang ibig. Hindi naman na siya nagtaka o nailang sa naging hirit nito dahil noon pa man ay mahilig na talagang mang-asar ang matalik niyang kaibigan. Kaya kung minsan ay sinasakyan niya rin ang mga biro at hirit nito.

They were in college when they had a serious talk. Bryxse told her everything he wanted to say. He said that all he really wanted between the two of them was friendship and he tried to like her in a romantic way but there’s really nothing. He treasures her so much because he also considered her as his sister that he’ll protect and make her feel loved and appreciated at all times.

“Mabulunan ka sana sa kakatawa mo. Heh! You’re still the Bryxse I knew. Mabuti naman at hindi ka nagbago. Sige na, tumigil ka na sa pagtawa. Ibaba ko na ito. Salamat ulit, Sese!”

Tumawa-tawa pa rin ito pero hindi naman lumipas ang oras ay tumigil na rin ito. “Alangan namang maging alien ako pagkalipas ng dalawang taong hindi natin pagkikita, ‘di ba? Siya, sige na. Baka kaltukan mo pa ako kahit na nasa cell phone lang naman tayo nag-uusap. See you when I see you, Xhel. Bye!”

Ang binata na ang pumatay sa tawag. Napailing-iling muna si Lyxhel bago niya tinapos ang pagligo. Sa paglabas niya sa banyo na nakabihis na rin, nabungaran niya si Traios na nakabusangot ang mukha.

Kumunot ang noo niya dahil doon. Ano naman kayang problema ng lalaking ito?

Tumayo si Traios sa kaniyang harap nang magka-krus ang mga braso nito. “Sino ‘yong tumawag? Bakit BESTIE BF ang nakalagay sa contact mo?” May diin ang bestie bf ng sabihin iyon ni Traios. Puno rin ng kuryosidad ang tono nito.

Hindi niya tuloy naiwasang tumawa ng malakas. Sa sobrang pagtawa niya ay napahawak na siya sa kaniyang tiyan. Nakabusangot namang nakatingin sa kaniya ang lalaki at parang hindi ito natutuwa sa reaksiyon niya. Kaya naman itinigil niya ang kaniyang pagtawa at sinagot na lang ang tanong nito. “That’s Bryxse. I forgot to tell you about him. Two years din kasi kaming hindi nagkita. Bestfriend ko siya simula noong high school.”

Alam naman niyang hindi seloso si Traios pero matutuwa talaga siya kapag sinabi nitong nagseselos ito. Nakakakilig iyon para sa kaniya dahil sa unang pagkakataon ay nagselos na ang binata.

Gusto niya sanang biruin ito at sabihing nagseselos ito pero nabahag ang buntot niya.

“I hope it’s all clear to you know, babe.”

Hinawakan nito ang magkabilang balikat niya. “I wasn’t jealous.” Tila isinatinig nito ang kung anuman ang tumatakbo sa isip niya. “I was just curious. But . . . fine, I got a little bit jealous.” He admitted then bowed his head as if being jealous is a crime.

Tila naman hindi na alam ni Lyxhel ang i-re-react niya. Natutuwa siyang nagseselos ang binata pero may isang katanungan ang tumatakbo sa utak niya. May karapatan ba silang dalawa na magselos kung sa unang pa lang ay alam na nila ang estado ng relasyon na mayroon sila?