FPS 1: His Illicit Affair

Chapter 8

Chapter 8

Hinihintay ni Lyxhel na sagutin ng ina ang tawag niya. Sa isang restaurant siya sa BGC pumunta dahil kumalam ang sikmura niya. Tahimik ang restaurant dahil wala pang gaanong taong naroroon. Iyon ang pinili niya kaysa sa restaurant na lagi niyang pinupuntahan dahil puno iyon ngayon.

She doesn’t know why she’s calling her mother. She doesn’t even know what she’s going to tell her the moment she answers the call. All she knows is that she just wanted to call her.

Ngunit hanggang sa ibigay na sa kaniya ang in-order niyang pagkain ay hindi pa rin sinasagot ng ina niya ang tawag. Itinuon na lamang niya ang atensiyon sa kinakain na hindi naman niya talaga kinakain. Mas mabuting sabihin na pinaglalaruan niya lang ang steak.

“My hunch is right. Ikaw nga iyan, Xhel.”

Agad na napatingala sa nagsalita si Lyxhel. Nakita niya si Bryxse pero hindi ito nakasuot ng police uniform nito. Simpleng white T–shirt at jeans ang suot nito. Noon pa man ay ganoon na talaga manamit ang kaibigan. Kung hindi puti ang suot nitong T-shirt ay itim naman. Nagbabago lang talaga ang damit nito kapag school uniform nila ang isusuot ng binata.

Tumayo si Lyxhel para bigyan ng isang yakap ang kaibigan. Nag-beso rin siya rito. “What are you doing here? Wala ka bang pasok?” Saad niyang tanong sa matalik na kaibigan matapos itong yakapin.

“May pasok pero na-miss ko kasing kumain kaya naman nagpunta ako rito. Bakit? Am I not allowed to eat here?”

“Sira! Maupo ka na nga at mag-order ka ng kakainin mo.”

Bumalik na sa kinauupuan niya si Lyxhel habang si Bryxse naman ay naupo sa katapat nitong upuan. Tumawag ito ng waiter at sumenyas na mag-o-order ito. Mabilis namang lumapit ang waiter dito at kinuha ang order nito.

Si Lyxhel naman ay sumubo sa pagkain niya.

Nang makaalis na ang waiter, siya naman ang binalingan ni Bryxse. “So, what must be your problem? Is it that boy, again? That Gionne boy?”

Lyxhel wasn't able to contain her laughter. “Boy?”

“Oh, bakit? Hindi ba at boy naman talaga iyon? Mukha nga rin itong mama’s boy. A man won’t do what he did to you, Xhel. A man pays respect, not harasses women or anyone. Remember that, okay?”

“Nag-sorry naman na iyong tao. And he looks sincere when he asks forgiveness. I don’t know what happened to him after he was detained at your precinct but you know, I noticed that something changed about him.”

Lyxhel knew that Bryxse wasn’t still convinced of what she said even if he doesn’t argue with her anymore. She understands her best friend but he should give Gionne a chance. Wala namang masama sa pagbibigay ng pagkakataon lalo na kung kaya naman noong tao na magbago talaga. “Give him a chance, Sese. Paano niya maipapakita na kaya niya talagang baguhin ang sarili niya at gawi niya kung hindi siya mabibigyan ng pagkakataon, ‘di ba?”

Isang ngiti na muna ang iginawad nito sa kaniya bago nagsalita. Itinaas din nito ang mga kamay na hudyat na para bang sumusuko siya. “Oo na. Heto na, oh. Wala na akong sasabihin pa. Just be careful, okay?”

“I will, Sese. I will.”

Dumating na ang in-order ni Bryxse kaya naman naging tahimik silang dalawa sa pagkain. Pa-minsan-minsan ay nangangamusta sa kaniya ang binata. Sinasagot naman niya pabalik ang mga katanungan nito.

Siya rin ay nangangamusta rito. Hindi naman nagtagal ay nagpaalam na sa kaniya ang matalik na kaibigan dahil kailangan na nitong bumalik sa presinto nila. May kaso kasi na kailangan na asikasuhin.

“Goodbye for now, Xhel. Just give me a call if you need anything, okay?” Bumeso ito sa kaniya kaya naman bumeso rin siya rito.

“Okay, I will. Thank you, Sese! Thank you very much.”