FPS 1: His Illicit Affair

Chapter 18

Chapter 18

May mga tanong na naglaro sa isip ni Traios habang nagmumukmok sa loob ng Jaguar. Hindi siya umalis sa condonium kung saan naglalagi si Lyxhel. Umalis lang siya sa floor ng unit nito dahil ang puso niya ay namamanhid na sa sakit.

Is he really that worthy of her? Or that’s what he only thinks? Paano kung mas sapat ang boy bestfriend nitong si Bryxse kaysa sa kaniya?

Never in his entire relationship with Lyxhel, he thinks so low of himself. He didn’t even feel threatened by any boy who got involved with her. Because he trusts Lyxhel so much. He knows that she only loves him.

Pero iba na ngayon. Ibang-iba na dahil may nagawa siyang mali rito. Isa pa, hindi na rin niya hawak ang puso ni Lyxhel. Nakipaghiwalay na rin ito sa kaniya kahit na hindi naman niya gusto ang desisyon na iyon ng dalaga.

Gusto niyang magwala ngunit hindi niya naman magawa dahil naisip niya na baka makaapekto iyon kay Lyxhel. Hindi niya rin naman maaaring sisihin ang dalaga sa nangyari sa kanilang dalawa. Nasaktan ito kaya tama lang ang naging desisyon nito sa relasyon nila.

Tama lang na hiniwalayan siya nito.

Dinukdok ni Traios ang ulo sa steering wheel ng ilang beses. Minumura niya rin ang sarili. Pero dahil hindi niya pinatay ang makina ng Jaguar, naglikha ng tunog ang busina nito. Na siyang nakaabala sa parking lot.

Nilapitan siya ng security at kinatok nang kinatok pero hindi niya pinansin. Nanatili lang siyang nakadukdok doon. Pinagbantaan na siya’t lahat-lahat ngunit hindi pa rin talaga siya nagpatinag.

“Sir, nakikiusap ako. Buksan niyo na ho, kung ayaw niyo hong umalis, mabuting patayin niyo na lang ho ang makina niya. Nakakaabala ang busina niyo sa lahat.”

Bumuntong-hininga na muna siya bago siya umalis sa pagkakayuko. Binuksan niya ng bahagya ang salamin at humingi ng tawad sa security.

“May unit ho ba kayo rito, sir o may binibisita? Kung may binibisita kayo, pwede namin silang ipatawag para ipaalam ang kalagayan niyo. Lasing din ba kayo, sir?”

Umiling siya. “I’m not drunk. But, yeah, I’m visiting my girlfriend. Or should I say ex-girlfriend.”

“Ah, brokenhearted kayo, sir? Dinamay niyo pa ho ang busina niyo pati mga tainga namin. Alam niyo ba, sir na akala namin ay mabibingi na kami?” Sabay tawa nito habang nagsasalita.

Maraming tao nga ang nakiusyoso at ang iba ay nakitawa rin. Pero hindi naman niya magawang matawa dahil mas matimbang ang sakit na nararamdaman ng puso niya. Isa-isa na rin namang nagsialisan ang mga ito matapos tumawa. Kaya ang natira na lang ay silang dalawa ng security guard.

Kinuha niya ang kaniyang wallet, bumunot siya ng ilang libo roon at inilahad sa security. “I’m really sorry. Here, take this. Para maps-check mo ang tainga mo.”

“Sir talaga! Mapagbiro ka rin pala. Pero hindi ko iyan matatanggap, sir. Ayos na rin naman ang tainga ko. Mabuti pa, sir na sabihin niyo na lang sa akin kung sino ba iyang ex-girlfriend niyo para matawagan namin at mapapunta rito.”

“No, it’s okay. Aalis na rin naman ako. I’m really sorry.”

“Okay, sir. Huwag ho kayong maglasing, ah. Baka mas malala pa ang gawin niyo, eh.”

Isasara na niya sana ang bintana matapos niyang tanguan ang security pero hindi iyon natuloy nang marinig niya ang boses na ilang araw niya ring hindi narinig.

“Traios? W-what . . . is happening?” she asked in a confused tone. “Kuya Bong?”

“Ayy, Ma’am Lyxhel, ikaw po ba ang ex-girlfriend ni sir? Kaya naman pala broken na broken itong si sir, ma’am.”