အချစ်ကြီးလို့အမျက်ကြီးတယ်ဆိုတဲ့အတိုင်း အနောက်ဒေသ၏သခင်လေးJungkookက သူ၏ကြင်ယာတော် သခင်လေးJiminအပေါ် အချစ်လွန်၍နည်းလမ်းမှားကာ ချစ်မိခဲ့သည်။မတရားသောနည်းတို့ဖြင့် ကြင်ယာတော်ကိုအနားတွင်ခေါ်ထားနိုင်ခဲ့သော်လည်း အသက်ရှုနေသည်မှလွဲ၍ ကျန်သည့်လှုပ်ရှားမှုများမရှိတော့သော ကြင်ယာတော်က လူသေတစ်ကောင်ကဲ့သို့ပင်။
အိပ်ပျော်လျှင်အိပ်မက်ဆိုးတွေမက်တတ်ပြီးကယောင်ကတမ်းဖြစ်တတ်သည့်ကြင်ယာတော်က အမြဲတမ်း ငူငူငိုင်ငိုင်ဖြင့်သာ...........။
အိပ်မက်ဆ်ိုးတွေ၏နှောင့်ယှက်မှုကြောင့် မအိပ်စက်ရဲသောကြင်ယာတော်သည် အမြဲတစေအိမ်၏ပြတင်းပေါက်အနားတွင်ထိုင်ကာအပြင်ဘက်သို့ခံစားချက်မဲ့စွာငေးကြည့်လျက်ရှိသည်။
နက်မှောင်ရှည်လျားလှသည့်ဆံနွယ်တို့ကိုလည်းဖြီးသင်ခြင်းမရှိတော့ပဲ အမြဲတစေဖားလျားချထားပြီးဝတ်ရုံတို့ကိုလည်းပြီးစလွယ်သာဝတ်ဆင်ထားတတ်သည်။ လက်ထဲတွင်တော့ကျောက်စိမ်းရောင်ဆံထိုးကို မလွှတ်တမ်းကိုင်ထားတတ်သည်။
အချစ်ကြီးလွန်းသောသခင်လေးကလည်း သူ၏ကြင်ယာတော်စိတ်ပျော်စေရန်မျိုးစုံကြိုးစားသော်လည်း သူကိုယ်တိုင် သူ၏ကြင်ယာတော်စိတ်ကိုသတ်ထားခဲ့သည့်အတွက် ကြိုးစားမှုကအရာမထင်လာပေ။
အထိကရုဏ်းဖြစ်ပြီး ရက်သတ္တပတ်ကျော်အကြာမှာ ဂျိုဆွန်းပြည်၏ဘုရင်မင်းမြတ်ထံမှဆင့်ခေါ်စာရောက်လာသဖြင့် ကြင်ယာတော်အားသူ၏ညီမဖြစ်သူ Byeol နှင့်စောင့်ကြည့်စေကာခရီးနှင်ခဲ့သည်။
========================
"ကျုပ် Jeon Jungkook.... ဘုရင်မင်းမြတ်ထံအခစားဝင်ပါတယ်"
အရိုအသေပြု၍ဝပ်တွားကာနှုတ်ခွန်းဆက်လိုက်တော့ ဘုရင်မင်းမြတ်က သူ့အားနေရာတွင်ထိုင်စေသည်။
"အခုလိုခေါ်တွေ့ရတယ့်အကြောင်းအရင်းကို အသင်သိမှာပါ.......အသင့်လုပ်ခဲ့တဲ့လုပ်ရက်တွေက ကျွန်ုပ်နဲ့ဂျိုဆွန်းပြည်ကိုမထီမဲ့မြင်ပြုလိုက်သလ်ိုပဲ"
"အဲ့သလိုဖြစ်ဖို့ရည်ရွယ်ချက်မရှိပါဘူး....ကျုပ်လုပ်ခဲ့သမျှကကျုပ်ရဲ့ကြင်ယာတော်ကိုပြန်လိုချင်ရုံပါပဲ ဘုရင်မင်းမြတ်.....စိုးရွံ့မိပါတယ်"
YOU ARE READING
ရန်သူမှကြင်ယာတော်သို့ { Completed 🍎}
Randomအချစ်ကြီး၍အမျက်ကြီးခဲ့သူနှင့် နှလုံးသားနှင့်ရင်းကာချစ်ခဲ့ပြီးအသက်ဖြင့်ရင်းကာမုန်းတီးခဲ့သူ
