لعنة عابدين 🔮🪄❤️

31

حلقة 31
دايزي: نتي صح قلبك كحل و حنا كنا مخدوعين فيك من اليوم انا ما يشرفنيش نكون معاك اصلا
تيسلا: كي تخرجي اقفلي وراك الباب
راحت دايزي و خبطت الباب و هي تمسح في دموعها
تيسلا باست المرايا كي العادة و راحت تلبس

هيام: صاي يا عمري متبكيش هي متستاهلناش والله حنا كنا مخدوعين فيها هي متحب حتا واحد ششش صاي
دايزي وهي تبكي: بصح انا كنت نحبها كنت نحسها ماما مشي ختي كنت نحس بحنانة عندهااا

هيام: صاي متبكيييش خلاصص اسكتي نحيها من بالك قح...
دايزي هزت راسها و مسحت دموعها و تبسمت: جيتي تهبلي اليوم يذوب

هيام؛ صح زعما نعجبو
دايزي: ممم مش على اساس مش هامك و جست رايحا تعتاذريي
هيام: اااا هيه هكدا أصلا حا ندير  (بقات توشف فيها)بعدي  من وجهي متشوفيش فيا هكدا  بعدتها و خرجت فطريق لقات احلام: وين على خير
هيام: خارجا برا نتغذا
احلام: ممممم زعما غذاء عادي ولا ...
هيام ضحكت: نو غدا عادي مش لي في بالك صحيح مع راجل بصح عادي
احلام: يعني درك نشوفو تبان تبان روحي برك نتي درك ...راحت و احلام كملت طلعت لقات تيسلا هابطا
احلام؛ معلبالكش هيام معمن راح تتلقا
تيسلا: منيش بادي ڨارد تع بنتك راحت وخلاتها ...
بقات احلام تشوف مبعد دخلت لبيتها
تيسلا مع الحراس : تبعو سيارتها راقبوها من بعيد
الحارس : اوك مدموزيل

ركبت في لوطو تعها و راحت لكازينو ديراكت وصلت و راحت المكتب دخلت مبعد ضغطت على زر تبعدت الخزانة و دخلت لبيت سرية و عاودت قفلت  شافت في باكيات تع الدراهم كيفاشش محطوطين و تبسمت و قالت "اوووه بابا كون قتلي من الاول بلي تخدم هكدا ما كنتش راح نعارض كنت راح نجيبلك اضعاف يعني علا هادي تنازلت لراضية على ورثك من عابدين نت دراهمك اضعاف ثرواتهم"
وصلها ميساج من قمر (شفتي الخير هداك كون تكملي بذكائك وش بدا باباك يولي اضعاف)

بعتتلها فوكال: مش نتي لي تقوليلي وش ندير وش منديرش حطت تيليفونها فااجيب و خرجت قفلت الخزانة و بقات  فالبيرو تشوف فدواسا تراجع فيهم

عند ليث و يوسف لي كانو يدرسو في المهمة جديدة تعهم
ليث: وعلاش حبسو مدة 15 يوم و رجعو قواو انو في سمانة وحدة دخلو اكتر ملي دخلوه في عوام
يوسف: كاين زوج احتمالات الاول انو تبدل المسير
تع الكازينوات ااتاني انو كاين بارات خلاف مزال معرفوش موقعهم و يتحسبو الارباح من البارات لوليلن
ليث: نضن انو مستحيل الفيديرالية تخفاهم هادي بلاك تبدلت خطة اللعب ولا المسير

يوسف: لازم نروحو و نشوفو الوجوه لي لتما ولا نديرو اي حاجا انا كرهت من هاد اللوش كامل و مخي خمج

ليث طبطب على كتافو: اي تفرا والله متكسرش راسك
شاف فيه و تبسم: يعني هديك صح ختك؟! والله حتا فزين و مش كيف كيف يا ز...