لعنة عابدين 🔮🪄❤️

36

حلقة 36

باقي القصر كل واحد لاتي  مع حاجتو

جمان تتعارك مع امير
و قاتلو بلي مش راح طيح طفل و مش حا تكتبو باسمو و بقات ترخس فيه و تعبرلو على ندامتها انها حبتو

هيام راحت الاحصنة مع ميران و بقاو يتعرفو على بعضاهم كتر و يڨصرو
ليث ودايزي خرجو يتغداو في بحيرة وهي مستمتعة كأنها طفلة صغيرة
  مكانش حوايج مميزين صراو بزاف تيسلا راقدة و يوسف فالخدمة....
جا ليل و جتامعو الكل في طابلة العشا عادي كيما كل يوم هبطت تيسلا وهي لابسا بيجامتها و شعرها مكركب و تبان مريضة قعدت و بداو ياكلو

ليث: تيسلا مريضة؟؟
نفات براسها و كملت تاكل شافت فيها قمر و باستها من خدها و حكمت يدها حطت فيها بروش على شكل دلفين و هدرت

قمر: عيد ميلاد سعيد العاقبة المزيد من نجاحات هادي بروش صممتها انا بطلب من باباك لي كان راح يعديهالك في عيد ميلادك هدا

شافت فيها تيسلا و هدرت: شكرا عجبتني بزااف شابة

شافت فيهم و عتاذرات بش تنوض حكمتها راضية من يدها : بنتييي سامحيني مش قصدييي ننسااك والله

ليث: تيسلا صوري ختي نعوضهااك والله

شافت فيهم كامل و تبسمت بقهر وهزت راسها و طلعت لبيتها بقاو هوما كامل يشوفو

حكمت قمر يد راضية: معليش عوضيها مرة خلاف

يوسف ببرود: مفهمتش علاش قلبتوها دراما فجأة

ليث وهوا يشوف معاهم : مثلا خاطر ديما بنات عابدين يندارلهم عيد ميلاد يجيبو عام و صحافة تحكي فيه و ختي ديما تفوتو مع بابا و ماما وحدهاا وترميولها هداية مش حتا تعبر علا واش تحب شاف في راضية و هدر :

حبسي ما تعيشي في دور الضحية و جربي عيشي دور الام
خرج و خلاهم وهوما كملو عشاهم و كل واحد طلع لبيتو غير ميهرا و تيم خرجو مع بعضاهم
هي كانت توجد في روحها لبست غوب ضهرها كامل عريان و لبست فوقها جيلي تع فرو و دارت مكياج شباب بزاف و لبست طالون و خرجت شافتها راضية جات تحكي معاها حبسها يوسف
راضية: الحقها تعييش شوف وين رايحا

يوسف: صاي علبالي وين راح تروح

راحت ركبت و حرقت طول لبلاصتها لي في جبل غير وصلت لقات نبايل بلون الاسود و طابلة صغيرة فيها كيكية نوار غير وصلت ضحكت و هدرت بصوووت: اوووووووووه  تيييم يييااااا ربي كنت عارفة مش راح تنساااني هففففف