لعنة عابدين 🔮🪄❤️

37

حلقة 37

سمعت صوت من لور: مع الاسف نساك هاد المرة

دروت عندو شافت معاه بعصبة: نت وش راك دير هنا صاي عرفت البلاصة لصقت فيها

يوسف: في عرض ما تشكريني على اني الوحيد لي تفكر عيد ميلادك؟؟

تيسلا عقدت حواجبها بصدمة : نت؟؟  ...قصدك نت لي درت هاد الشي؟! (ضحكت بسخرية) منصدقش

يوسف : واه مشي محبة فيك طبعا جوست بصك عاونتي خواتاتي بزاف و على جال محبة راضية ليك

جبدت تيسلا تيليفونها بعدها كتبت نومرو  وهدرت

تيسلا: فجرتو المستودعت؟؟
....: رانا فطريق مدام 5 دقايق

تيسلا: انساحبو بطلت كوبات وخبات تيليفونها و راحت تقطع  الكيك بفرحة  جا يوسف رايح حبستو

تيسلا؛ وين ؟؟
يوسف: راجع لق..

تيسلا: ونا نحتافل وحدي؟ صحا ننساو بلي أعداء نهار هادا  برك و ابقا معايا نقطع الكايك...
يوسف جبد تيليفون ودخل لكامرة وبدا يصورها فيديو

شافت فيه تع وش دير

يوسف: قطعي الكيك ونا نصورك تبقا ذكرى زعما
ضحكت (ممم نبصملك بلي تركب فلوطو بعد تسوبريميه)  قصت الكايك وهي فرحانة و تشط كلات منو و قصتلو معاها  مبعد قعدو علا حافة تع الجبل و بدات تشرب وهوما ساكتين في زوج حتى بدات تسكر

تيسلا: علبالك مام انا درت فيك بليزير
شاف فيها يوسف: وش هي
تيسلا: كون مدرتلش هاد الشي كون مستودعاتك كل رماد درك

يوسف: مستحيل نأمن انك كنت تقصديني قبيل كي حكيتي فتيليفون؟؟؟
هوا راسها بالايجاب و شربت
يوسف: على شعرة كنت راح نصدق بلي ناس ملاح كي فرحتي على جال كايك و كدا قلت بلي تنساي و مش حقودة بصح الشرير يبقا شرير

ضحكت تيسلا و هدرت بثقل و تهدر بصباعها: نتوما شريريين مشيييي اناا نتوما رديتوني هكدا

يوسف: نتي اكتر وحدة قلبها كحل و حقودة شفتها في حياتي

ضحكت تيسلا: هففف شكرااا

يوسف: هدا جاك مدح؟

هوا راسها بالموافقة و شربت من قرعة و طيشتها

تييسلا و دموع في عينيها: البارح راضية باتت مع جومان تواسي فيها وهي غلطت اكبر غلطة و باعت نفسها  وشرفها ......وانا كي كنت صغيرة حرقت يدي غلطة هي ضربتني و سمعتني كلام يقتل(بدا صوتها يرجف من البكا)... وانا توجعت... توجعت بزااف بصح تعرف من واش؟

هز راسو يوسف بنفي: وشنو

تيسلا: مش من الحريق توجعت توجعت.... من هدرتها و نسيت الحريق ومن وقتها و انا منحسش

يوسف: قتلك حقودة حكاية عندها قداش من عام ومزلتي متفكرتها وزيد لي تحكي على اكبر غلطة على اساس نتي مكيش تباني مع تيم و ممديتي ششرفك ...