لعنة عابدين 🔮🪄❤️

34

حلقة 34
ناض يوسف خرج و لحقو ليث
والبنات كامل تجمعو عند جومان في بيتها

هيام؛ نتي كيفاش تغلطي غلطة كيما هادي مع يوسفف يا ربي مع يووووسف
نورهان: نتي تبلعي متبقايش ضغطي عليها كتر

هيام: والله يا عيني هدي ختي مش ختك بش نذكرك برك

جومان: صااااااي متبقاوش دابزو عند راسييي اخرجووو عليااااااا كااامل منحبش نشوفكم

شافو مع بعضاهم و خرجو كامل
طبطب باب تاعها بعد لحظات

جومان: قتلكم منحبش وحدة فيييكم عندييي

دخلت راضية: بنتي هدي انا
مسحت جومان دموعها : ااا خالتي اسفة حسبتهم البنات
جات قعدت حداها و عنقتها وجومان تاني بادلتها الحضن
راضية: كامل نغلطو بنتي ونتي درتي حاجا مليحة كي مخبيتيش حملك ولا طيحتي البيبي و درتي غلطة خلاف نتي صح غلطتي انا احسن كي مخبيتيش هاد الشي بنتي
جومان: يعني بابا راح يسامحني هوا و ماما ؟! ميبقاوش يكرهوني؟؟
راضية: وشكون قالك مهوش مسامحك هوا جست مقلق منك وزيد مستحيل يكرهو بنتهم لي كول عمرها ما غلطتش على جال غلطة وحدة
باستها جومان: تمنيت انك تكوني نتي هي ماما شكرا بزاف ريحتيني خالتي
راضية: انا نعتابرك كيما بنتي بضبط نتي و جميع الاحفاذ لي هنااا ولادي و نخاف عليكم
باستها جومان: معليش ترقدي معايا اليوم محتاجتك
راضية: انا أصلا جيت بش نرقد معاك كيما كنتي صغيرة ونغنيلك غنايتكم لي تحبيها
ضحكت وسط دموعها و رقدتها في حضنها
وتيسلا برا تبسمت بقهر و عينيها مدمعين بعدما سمعتهم و راحت
لبيت تيم دخلت طول لقات عندو ميهراا معنقها.....
عاودت قفلت الباب و خرجت راحت لبيتها قعدت دور حول نفسها ومبعد عيطت لميران رفد عليها
تيسلا: روح لدارك راني جايا
ميران : اوك اني فدار أصلا
هزت بعضاها و خرجت هزت المفتاح و راحت لوطو. هي بالبيجاماا وصلت عندو منعوها الحراس
جبدت سلاح من خصرو وكانت راح تيري فيه حتا حبسها ميران شافت فااحارس بتحدي و دخلت لدار ...لحقها هوا راحت جبدت قرعة ويسكي من عندو و بدات تشرب منها دفعة وحدة
ميران: اوه نضن هاد المرة مشي رشقة ...تبني مهمومة
شافت فيه و راحت عندو قربتلو  نحاتلو سبتة تع سروال

حكملها يدها: مديريش حاجا نندمو عليها في زوج
مسمعتلوشش و نحات سبتة والبستي تاعها و تمددت علا كرشها فالارض و هدرت بلا ما تشوف فيه : اضرب بكل جهدك

ميران: و شراكي ديريي تيسلا نوضي سكرتي بلاك

تيسلا بعياط: ميرااااان قتلك اضررررررب لا ننهي حياتك درك بعد
هز سبتة و بقا يشوف فيها مبعد تنفس و بدا يضرب فيها بشوي و هي غير نقلو زيد زيد
حتا طرشق دم و زهڨت هي بزاف بش حبس و لاح سبتة فالارض

قعد فوق فوتاي و بقا يتنفس كأنو كان يجري  وهي بقات على حالها ومكانش دموع في عينيها بزاف غير مرغرغين دورت راسها شافت
و هدرت بهدوء : هاد الشي منحبش واحد يسمع بيه

ميران: تهناي نتي بنت الغالي

تيسلا: جيب حاجا حطهالي فالجرح ..
شاف في ضهرها لي كان موشه و يسييل بدم راح حابلها ثلج و علبة تع اسعافات و بدا ينضفلها ....