🐬حلقة 45🐬
ناضت هيام و دايزي عندها بعد ما ستأذنو بش يطمنو عليها
طلعو لقاوها خارجا من دوش و حاكماً كرشا وراسها طلقت رحها فسرير
هيام: نتي بخير بيك حاجة؟؟؟
دايزي:تيسلا وجهك صفر نوضي ندوك لطبيب
تيسلا؛ نوو منروحش خليوني مش قادرا نهدر
هيام؛ تيسلا صاي نوضي هدي صحتك
تيسلا: مبيا والو جست ششربت بزاف صراتلي هكدا
دايزي: بصح عندك بزاف ونتي هكدا بلاك معدتك مريضة؟!
دخل يوسف عليهم شافو معاه في زوج باستغراب
وهي تخطفت من بلاصتها
تيسلا: مبيا والو تقدرو تخرجو و متزيدوش تجيو صداقتنا انتهت مش هكا(شافت في دايزي)
شاف يوسف في دايزي غمزها و دارلها براسو بش يخرجو و قفل الباب وراهم و قرب تكا على الكوافوز بقات تشوف فيه من ساس لراس
يوسف: صافا شوي
هزت تيسلا يراسها : ايه
يوسف: شحال عندك حمل
تيسلا: شهر و نص
يوسف: تقدري طيحيه مزال الحال بصح
شافت فيه تيسلا وحلت عينيها:
حاجا ما تعنيكش هادي صاي نت لي عليك تقفل فمك و ما تقول لحتى واحد بالحكاية هادي و صاي
يوسف : تنا..... انا النق.... لي جاي نعاونك
ضحكت تيسلا باستهزاء: تعاون شكون ... شكون قالك محتاجة معاونة أصلا صاي متأمنش روحك و مدابيك ما تدخلش في أموري احسنلك قالو يعاون انا تيسلا عابديين مش جومان
يوسف: انا اذا حبيت نعاونك جيت بصك كنت واقفة مع خواتاتي و بديت نشوف فيك بلي ناس ملاح بصح نتي قلبك كحل و معقدة و مريضة نفسية لازم تتعالجي و احسنلك نزلي الطفل خاطر راح تكوني اسوء ام فالدنيا هادي و صدقيني حتى البيبي راح يكرهك وراح يتمى كون ما جبتيهش نتي معقدة و كتلة تع أمراض نفسية احسنلك تنهي حياتك ڨاع مشي غير البيبي
تيسلا كانت قاعدا تسمع فيه و قلبها يتكسر مع كل كلمة قالها وخرجت كي سهم ترسق في قلبها مبعد هدرت بكل برود كأنو لي داخل مش نفس شخص
تيسلا: اذا خلصت تقدر تخرج برا كلامك وفرو لنفسك لي معقد من نسا وخايف انو تعرس و تخونك مرتك كيما مك دارت مع باباك
بزق فالارض و هز يدو يضربها مبعد تراجع و خرج ديراكت مع خرج راحت لدوش و بقات تشوف فالمرايا وهي حاكماً في كرشها وتهدر:
هوا عندو صح انا راح نكون اسوء ام مقدرتش حتا نحميك ولا راح تكون عندي جرأة اني نجييك أصلا كيفاش شقدرت نحمي روما كامل وكي وصلت فيك منجمتش
لاحت يدها وشافت فااحقنة لي مدهالها امير البارح طيحو بيها هزتها و غمضت عينيها و تكركبو الدموع مبعد خذات نفس و ......
عند هيام لي كانت مع دايزي في بيت ميهرا
ميهرا: تيم مزعوج بزاف من حكاية جومان البارح رحتلو للبيت قالي اخرجي صنن ندير فيك حاجة نندمو عليها في زوج
دايزي: ونتي وش درتي
ميهرا: قتلو متقدرش دير بصك انا مش كيما ختك
أيا جا حكمني من دراعي و شاف فيا شوفا تع موت و خرجني و قفل الباب
دايزي شافت في هيام لي كانت قاعدا و تخمم نزعجت من هدرة تع ميهرا على ختها....
JE LEEST
لعنة عابدين 🔮🪄❤️
Romantiek#حصريا على marwa كرونيك بعنوان :🔞لعنة عابدين 🔞 بقلم الكاتبة :Ramaa #مافيا_عائلة_دولة_عصابات_هوس_مازوخية_سادية_هوس_انتقام_🔥🔥 حب_التملك_تضحيات_حفلات... الكرونيك راح تبين انو سعات تصرفات الانسان مش هي حقيقتو و انو كاين لي يتصنع الحب و هوا اكبر حا...
