ليت البحرين تجمع ثنين صدفه

Part 15

ركبو السيارات

وكانو كلهم تعبانين ونايمين بالطريق
بسياره سعود كان معه فارس وحنان ومشاري وسلمان
كان مشاري نايم بالمرتبه الاخيره وسعود قدام يسوق وسلمان قدام وحنان وفارس ورا
حاطه راسها على الشباك وتناظر الطريق وتفكر قطع تفكيرها
فارس : جاك النوم ؟
حنان : شوي
فارس: خذي راحتك نامي عادي
حنان : لا بنام بالبيت احسن
فارس: الطريق طوييل بتجلسين كذا طول الطريق
حنان : اي عادي

بسياره سلطان
سلطان يسوق وجنبه عبدالله
وورا فهد واثير وفهده
فهده كانت لابسه سماعتها وتشوف مسلسلها
وفهد واثير نايمين
سلطان بهمس : شفيك ياولد موب على بعضك
عبدالله: مافيني شي
سلطان : تعلمني فيك
عبدالله: حتى لو فيني شي بقولك الحين ؟
سلطان : تقولي بعدين ؟
عبدالله: نشوف

وصلو الفجر الرياض
وكانو ينزلون الشناط من السيارات ويحطونها عند الباب ، وكل واحد ياخذ شنطته ويرقيها لغرفته
كانت تدور شنطتها من بينهم ومو لاقيتها
سلطان: بغيتي شي
حنان: شنطتي مو لاقيتها
سلطان: شوفي برا يمكن تلقينها
طلعت برا وكانت لسا بسياره تقدمت تنزلها بس ماقدرت
شافها عبدالله ونزل الشنطة وحطها على الارض ومشا
تنهدت وعرفت انه كان زعلان عليها واخذت شنطتها ورقت غرفتها

وكلهم اتجهو مباشره لغرفهم ينامون

اثير : اف مالي خلق اداوم الأحد ، اكلمك انا
اثير بصراخ : الووو بنت وين وصلتي
وعد : خير لاتصرخين
اثير : اكلمك
وعد: اسكتي بنام ، وصكري اللمبه
صكرتها وانسدحت بسريرها
وكانت تفكر بمنصور الي شافته وماتكذب لو قالت انه حلو واعجبها
شالت الفكرة من راسها بأنها صدفه ماتتكرر ويمكن الولد متزوج او في بنت بحياته او خاطب

عند عبدالله
كان يمشط شعرها بعد الشور وشاف رسالة سلطان
سلطان: نطلع ؟
وماكان يبي يقوله عن الي صار لانه بيهاوشه ومن هذا الكلام
صكر جواله ونام

بغرفة حنان
رتبت شنطتها ولبست بجامتها وجلست بفراشها
وفتحت جوالها
سلطانه : مو ناوية تنزلين شي ، اشتقنا لصور الي الي كنتي تنزلينها
حنان: انشاءالله قريب
سلطانه : والله جد زمان ماشفنا وجههك الحللو
ردت حنان عليها بقلب وصكرت جوالها
وانسدحت عشان تنام وبدت تفكر بكلام عبدالله وهل يمكن انه قست عليه ، بس هي ماسوت شي ولا جاوبته حتى يعني ما له حق يزعل نامت وهي تفكر

البحرين
نجود : تقول ابوها مات
خالد: الله يرحمه شلي مزعلج لايكون تحبينه للحين
نجود: اي حب شتقول انت بس بنتي بهذا الوقت محتاجتني ولا ليش جت
خالد: شنو المطلوب الحين
نجود : بنتي بترجع عندي ماتعيش عندهم ابوها وراح
خالد: بتجيبين البنت بالغصب !
نجود: خالد انا احس بتأنيب ضمير لانو
خالد بمقاطعه : لانك تزوجتيني ؟ لكذا تحسين بتأنيب ضمير
نجود: لا لا بس اقصد اني خليت بنتي وعشت حياتي وماسألت عنها
خالد: واهي بعد عاشت حياتها