فارس : ها شقتلي
نجلاء: قلت افكر مافكرت
فارس: من الصبح وانتي تفكرين
نجلاء: فكرت ولا
فارس: بعطيك مهله للعصر
نجلاء: بعيد لك نفس الجواب لا
فارس: يمه انتي تستمتعين لما تشوفيني متضايق ترا هي مو عايشه معك بتعيش معي انا انا الي بتزوجها
تكفين لاتكسرين بخاطري طلبتك
طلع فارس وبدت تقتنع شوي بالموضوع
بالسيارة
فايز : تتزوجها ؟
سلمان: على سنة الله و رسوله
فايز: تم
سلمان: شاورها وعطني خبر واجي اخطبها من اليوم
فايز: ما اشاورها ، يكفي الي سويته معها موب بكيفها ترفض بس انت كلم ابوك
سلمان : المشكلة امي ماضنتي توافق بنقول تونا صغار
فايز : انت كلمها واذا رفضت انا اقنعها
سلمان : على خير انشاءالله
نزل سلمان متوجهه لغرفة امه
دخل عليها
نجلاء: وش تبي
سلمان: بكلمك بموضوع
نجلاء: بتتزوج بعد
سلمان: مين علمك !
نجلاء: وششو
سلمان: يمه انا ابتزوج
نجلاء: انهبلتو انتم تو اخوك والحين انت
سلمان: اي اخواني
نجلاء: فارس جايني يبيني اخطب له حنان انت واخوك متفقين ؟ وش الي خلاكم تبون تتزوجون من الحين
سلمان: انا كلمت ابوها ووافق
نجلاء: وجع ماتقول عندي ام تشاورها كذا تروح تخطب !
سلمان: انتي ماتدرين وشو الموضوع اصلا انا كلمت عمي فايز
نجلاء: الحين عمك فايز اهم مني
سلمان : انا كلمت عمي فايز عشان بخطب بنته
نجلاء: بنت عمك فايز !
سلمان: ايه
نجلاء: ونعم والله لمياء وشزينها ، بس ثاني مره تعطيني خبر موب كذا
سلمان: لاا لا موب لمياء سفانه الصغيرة
نجلاء: انتم مين داعي عليكم اخوك يبي حنان وانت تبي النفسيه ذي انا شايف شكلها الي يشوفها يقول ولد
سلمان : كل الانوثه والدلع وتقولين ولد حرام عليك
نجلاء: اقصد شعرها ودفاشتها انت وشلون ترضى تاخذ وحده مثلها
سلمان : ليش تحببين توقفين بطريقنا لليش خلي لنا حرية شوي نختار الي نحبهم
نجلاء: شف اخوك فيصل ماجاني وقال ابي فلانة وعلانه انا خطبت له من ذوقي
سلمان بانفعال : فييصل مايهمه مين بيتزوج انا وفارس يهمنا ابي وحده من ذوقي ترا بعيش معها طول العمر انا بختار شريكة حياتي
ماتخفي انها تأثرت شوي من كلامه وحست بالأنانيه
سكتت نجلاء ونزلت راسها
سلمان بنبرة هااديه : فكري
طلع برا
واقتنعت على طول خوفاً انو عيالها يكرهونها
مسكت جوالها واتصلت على فايز
نجلاء: اهلين
فايز: ياهلا
نجلاء: كلمني سلمان وانا وافقت
فايز: على خير
نجلاء: ومتى نجي نخطب
فايز: وين تجون حنا ببيت واحد بس كلمي مريم وحددو وقت كتب الكتاب
نجلاء: اجل انا اكلم مريم ونحدد انشاءالله
فايز : انشاءالله
صكرت من فايز
بغرفة سفانه
حنان: اح ماتوقعت ابوك كذا
سفانه: انا بعد حسيت انه بيضربني بس ماسوا شي
حنان : بس تكفين انتبهي لاتطيحين بالغلط مره ثانية
سفانه: اي اكيد اصلا كرهته تدرين هو الي راسل لامي
حنان: شفتي ، انتبهي تكفين
سفانه:اي انشاءالله
حنان: ودك نطلع
سفانه: طبعا احتاااج اطلع
حنان: يلا اجل
لبسو عباياتهم ونزلو
أنت تقرأ
ليت البحرين تجمع ثنين صدفه
General Fictionيتطلقون امها وابوها وتعيش عند امها بالبحرين وبعد غياب 8 سنين ترجع وتعيش حياتها عند ابوها
