ليت البحرين تجمع ثنين صدفه

Part 24

طلع وركب السياره
فتحت الباب عشان تنزل مسكها من كتفها
سفانه: وجع وخر
سلمان : جدتي وعبود وحنان بالصاله
سفانه: يالييل
سلمان : لو انك راجعه ودخلتي وش بتسوين
سفانه: عادي بدخل
سلمان : طيب شنسوي ننتظر الى ما امك تدري انك مو موجوده
سفانه : كلم حنان هي تدري عن السالفه
سلمان : كيف اكلمها وجدتي فيه
سفانه : يوه مدري عنك
سلمان : اصبري
دخل سلمان
سلمان : ماعليه تروحون المطبخ شوي
الجده : وليه انشاءلله
سلمان : لا بس بيدخل المندوب يحط الطلبيه ثقيله وابيه يدخلها معي
الجده : جب الشرشف ونتغطى
سلمان : ويين روحو المطبخ احسن
الجده : بنقوم
قامت الجده للمطبخ ولحقتها حنان
طلع سلمان بسررعه ونادا سفانه دخلت ورقت غرفتها ناظره عبدالله ومليون سؤال براسه
عبدالله: وش صاير
سلمان: بعدين اسكت تكفى
سلمان : طلع طلع
رقا سلمان غرفته ولحقه عبدالله
سلمان : شتبي تلاحقني
عبدالله : تفهمني الحيين كل شي وش صاير
سلمان : ترا النفسيه واصله حدها وخر
عبدالله : بطلع بس بسألك ترا لاتتهرب
طلع عبدالله وانسدح سلمان ونام
رجعت حنان غرفتها عشان تذاكر وعبدالله برضو
وجلست الجده تحت

مسكت الجوال وتشوف الرسالة الي صدمتها
( اسمعي لاتكلميني ولاتتواصلين معي ولا ابي يكون بيننا شي انا كنت عارف اني مارح اقدر اسوي الي قلتيه وحتى لو اقدر مارح اسويه بعد الي صار سحبتي علي ورحت معاه ورضيتي انه يضربني بس على العموم طلعتي غلطه )
سفانه
( وش المطلوب من كلامك )
نواف
( انا بس ابي اقهرك مثل ماقهرتيني اليوم )
سفانه
( تصدق مرره انقهرت ترا كلامك ماهمني )
نواف
( طيب اقولك ؟ تراني ماخذك مضيعة وقت واكلم عشر بنات غيرك مو واقفه عليك )
سفانه
( مو قادره انام تصدق يارجال انقلع بس )
نواف
( ترا ادري انك تحبيني ومهووسه فيني بس تكابرين عكسي ما احبك ولا مهتم لك بس انتي تعشقيني الله يعينك على فراقي يالرخيصه )
ماردت عليه تكذب لو قالت انو كلامه غلط كلامه كان صح كانت تحبه ومهوسه فيه بس ماتبين له وانجرحت انه يكلم غيرها وماخذها مضيعت وقت صكرت جوالها ودمعتها على خدها

الظهر
صحى اغلب الي بالبيت وكانو مجتمعين تحت يتقهون
مهره : انس تودي اختك ؟
انس : وين
مهره: المستشفى
انس : خلي عبود يوديها
مهره : يذاكر روح انت
انس : اي واضح ناديها طيب
طلع انس وركب سيارته
دقايق وجت وعد وركبت قدام وحطت رأسها وغمضت عيونها من التعب
انس : سلمي طيب
وعد بصوت مبحوح: هلا
انس وهو يقلد صوتها : هلا ، شفيك ، ردي طيب
وصلو المستشفى
ونزلو
انس : روحي اجلسي باخذ لك موعد واجي
جلست بكرسي قدام باب المستشفى
وتشوف الي يطلع والي يدخل
جاها انس وجلس جنبها ينتظرون دور وعد
انس : اكلتي شي
هزت راسها ب لا
انس : اكيد بتتعبين ، اجيبلك شي
وعد: لا
دخل منصور
انس : منصور ؟
منصور: ياهلا والله
وعد بقلبها : خلصت الصدف ، اقص يدي اذا صدفه
منصور: سلامات عسى ماشر
انس : لا بس اختي تعبانه وجالسين ننتظر وشكلنا مطولين ، انت شفيك
منصور : باخذ موعد اسنان بكرا
انس : ماتشوف شر
منصور: سلامات .. ايش اسمك ؟
وعد: وعد
منصور: سلامات وعد ماتشوفين شر انشاءلله
وعد : الشر مايجيك
الممرضه : وعد جاسر 
قامت وعد
انس : اجي معاك ولا تروحين لحالك
وعد: بروح لحالي
راحت وعد وجلس منصور وانس
اخذتهم السواليف الى ماخلصت وعد
طلعت وعد
انس : ها نمشي ؟
وعد: يلا
انس : لاتقطعنا
منصور: يلا نشوفك
ركبو السيارة
انس : الحين ليش ماقلتيلي انك شايفه منصور الخميس ، ليش هو يقولي
وعد: ماجت فرصة اقولك
وصلو البيت وراحت غرفتها تنام