سلمان: اجلسي
سفانه : سلمان جايبنا مستشفى ؟؟
سلمان : لاتتحركين بحجز موعد وارجع
سفانه: الله يصببرني
دقايق ورجع لها
سلمان: يلا
سفانه: وين
سلمان: مو تبين نرجع الببت امشي
،
،
الليل الكل نام
دخلت نجلاء على امها
الجده: بسم لله فيكم شي
نجلاء: لا ارتاحي بس بكلمك بموضوع
الجده: وشو العيال فيهم شي
نجلاء: لا بس ريحي بقولك
الجده: وش قولي
نجلاء: بخطب لفارس
الجده: وش تبيني اخطب معك ولا تشاوريني
نجلاء: بخطب له حنان بنت ماجد الله يرحمه
الجده: ونعم بس توها صغيره
نجلاء: اي عادي شوفي سفانه بنت فايز صغيره وتزوجو وشفتيهم اليوم ما شاء الله طيور حب
الجده: قولي للبنت واسأليها مالنا كلمه من بعدها
نجلاء: انا كلمتها لي شهر سألتها وردت لي انها موافقه
نزلت دموع الجده
نجلاء: وش فيك
الجده: ليت ابوها فيه يفرح لها
نجلاء: الله يرحمه نفرح فيها حنا ان شاء لله
الجده: ازين ما اخترتي والله
نجلاء: الحين اخطبها من مين
الجده: من اخوانك
نجلاء: خلاص اكلم فايز ولا جاسر
الجده: جاسر
نجلاء: خلاص بكلمه الحين
الجده: الصباح رباح كلميه بكرا الحين نايم
نجلاء: اذا كان صاحي قلتله
طلعت نجلاء وارسلت لجاسر
نجلاء : صاحي ؟
جاسر : اي
نجلاء: تعال غرفتي بكلمك
جاسر : عسى ماشر ؟
نجلاء: خير تعال
طلع لها نجلاء وجلسو
نجلاء: انا بخطب حنان لفارس وبخطبها منك
جاسر : انتي واخوك فيكم شي البنات صغار اي زواج الحين ! مايجووز لكم
نجلاء: وش فيها لاتزوجو وهم صغار والبنت موافقه
جاسر : موافقه ؟
نجلاء: ايه انا سألتها لي فتره وقالت لي انها موافقه وكلمت امي وقالت نخطبها منك
جاسر: انا لازم اسألها
نجلاء: اقولك سألتها موافقة
جاسر : ناديها
نجلاء: طيب بس اسمع عقد القرآن بأقرب وقت لو بكرا نبي نستعجل زي ما استعجلنا بخطبه سلمان
جاسر : ليش العجله
نجلاء: ونبي نعلن بكرا
جاسر : صاحيه انتي
نجلاء: اي
قامت نجلاء متوجهة لغرفت حنان
فتحت عليها الباب كانت جالسه على السرير تناظر جوالها
حنان : طقي الباب !
نجلاء: ليه مغبيه شي ؟
حنان : شتبين
نجلاء: عمك بيكلمك
حنان : يكلمني ؟
نجلاء: اي انا خطبتك منه وهو بيسألك وتراني قايله له اني سألتك من قبل و وافقتي
حنان : وافقت ؟
نجلاء: انتي حره انا خيرتك ياتتزوجين فروسي يا
حنان : خلاص
طلعت حنان ولحقتها نجلاء
جلست حنان
جاسر : نجلاء تخلينا لحالنا
نجلاء : وليه
جاسر: نجلاء !
طلعت نجلاء والفضول الف
جاسر : قالتلي عمتك انها بتخطبك وانها سألتك وانتي موافقه
سكتت حنان
جاسر : انتي موافقه ولا انك مستحيه من عمتك انها تزعل لاتسوين شي مجبوره عليه
حنان: موافقه
جاسر : اكيد تراك بأمانتي
ضاق خاطرها تمنت امها و ابوها موجودين يمنعونها تتزوجه بس مافي احد تستند عليه و توثق فيه
حنان : ايه
جاسر : موافقه ؟
حنان : اي
جاسر: الله يوفقكم ازين من اختار ما شاء لله
ابتسمت له
جاسر : عمتك فرحانه تقول ابي كل شي بدري لو نعقد القرآن بكرا بس انا رفضت
حنان : عادي ماتفرق معي
جاسر: اجل بكرا نعلمهم ونشوف على الاسبوع الجاي يجون عمانه وابوه ويخطبونك رسمي ان شاء لله
حنان بغصه : طيب
جاسر : الله يوفقكم ويكتب الي فيه الخير لكم
حنان : امين ، عن اذنك بروح انام
جاسر : تصبحين على خير
،
دخلت غرفتها والدنيا مقفله بوجهها شافقه على نفسها وش سوت بحياتها عشان يصير لها كذا معقوله عشان عبدالإله بس هي ما كانت متقصده كانت تدافع عن نفسها نزلت دموعها وجلست على الأرض تبكي على حالها
،
عكس فارس الي كان بيطير من الفرحة بعد ما قالت له امه انها خطبتها
فارس : احلفي بذمتك
نجلاء: كل هالفرحه عشانك بتتزوج
فارس: احبببها احبها
نجلاء: انا امك ماحبيتني كذا
فارس: شلون بنام ماتوقع بنام من الفرحه
طلعت نجلاء متوجهة لغرفتها
،
،
ماسكه جوالها وتسمع الفويسات الي كان يرسلها لها دموعها تنزل
دخل عليها فهد قفلت الجوال بسرعه
جلس جنبها ومسح على راسها
فهد: الى متى يعني بتجلسين حاجره نفسك وتبكين
فهده : فهد انت كنت تحبه ؟؟ ليش مو مهتم فهد هو اخوونا ما اشوفك متضايق ولا تبكي مكمل حياتك عادي
فهد : يعني لازم ابكي وازعل قدامك ؟ انا احاول قد ما اقدر اتجاوز الموضوع يافهده لو الصياح والزعل بيرجعه كان شفتيني مشقق نفسي عشان يرجع بس شنسوي ادعي له
فهد : فهد انا احس قطعه من قلبي انشالت
سحبها لحضنه
فهد : بسم لله عليك وعلى قلبك لاتقولين كذا تراني احبك دايم احمد ربي عليك مايهون علي اشوفك زعلانه ، إذا عبدالإله مات وصار فيك كذا اذا انا مت وش بتسوين
فهده: ماتموت لحالك تاخذني معك
فهد: بسم لله عليك
باس راسها
،
الظهر
طلع من الحمام مشغل اغاني ويمشط شعره
انس وهو يدندن : باكر تظلم حياتك بعد مايهجرك
دخل مشاري وسحب منه الجوال
انس : ووجع شغل الاغنيه
مشاري: رابح والظهر ؟
انس : مالك دخل
مشاري: لا وتتجهز لصلاة الجمعة خير ان شاء لله
انس : اخلي الفرقه من اليمين ولا اليسار
مشاري: اخوك فيه شي ؟
انس : ليه
مشاري: من امس نايم لايصير فيه شي
انس : مدري
سحب البطانيه الي كان حاطها على وجهه
مشاري: نايم ؟ عبدالله
انس بدلع : عبدالله
مشاري: وش اقول يعني
انس : خله تلقاه مواصل يومين وقاعد يعبي طاقه
مشاري : طاقه ياشيخ انقلع
انس : والله بس انت ماتعرف لانك مو دكتور
مشاري: ربط المواضيع
انس : تخصصك اعلام وتسولف
مشاري : شفيه الاعلام
انس : اصلا مدري شلون مصاحبك وانت تدرس اعلام
دخل سلطان عليهم
انس : جا المهندس
سلطان: شفيه عبدالله للحين ماصحى
انس : شفيكم كلكم مستغربين
سلطان: بنصلي الحمعه للحين ماقام قوموه
انس : يعني على اساس يصليها هو
مشاري : على الاقل مايشغل رابح وهو يتجهز للصلاه
انس : ياحبيبي هذا باور طاقه لانك تدرس اعلام اكيد ماتعرف وش معناها
سلطان: عبدالله
فتح عيونه
سلطان : قم يلا بنطلع نصلي صلاة الجمعة
هز راسه ب اي
انس : يلا حبايبي اطلعو
طلع سلطان و مشاري
انس : عبود قم
عبدالله بصوت مبحوح : اطلع
انس : بطلع بس قم
قام عبدالله ودخل الحمام اخذ له شاور وطلع
لبس ثوبه ونزل
باين على وجه التعب
بعد الصلاه الكل موجود يتقهون
عبدالله حاط راسه على كتف سلطات ومتكتف ويناظر الأرض
وفارس الي عيونه على حنان مو مصدق انها بتكون زوجته وشريكة حياته
حنان الي ضايعه وخايفه من رده فعل عبدالله لما يعرف انها بتتزوج فارس
اثير بصوت خافت : عبدالله
لف عليها
اثير : فيك شي ؟
عبدالله: لا بس مصدع
اثير: ترا في بغرفتنا بندول خذ لك
عبدالله: الحين برقا
رقا عبدالله
نجلاء: مدامكم مجتمعين بقولكم خبر
فايز : خير وشو
نجلاء: ترانا بنخطب حنان لفارس ان شاء الله
تعابير الصدمه بانت على سلطان
سعود : وحنا اخر من يعلم ؟
مهره: ما شاء لله ازين ما اخترتو
مريم: اي والله يازينها
الأنظار كانت عليها رقت غرفتها منحرجه
دخل غرفه اثير اخذ نوعين نازل يسألها وقف على الدرج يسمع المباركات لفارس واسم حنان مرتبط معه
سعود : فارس حنان حلو شوي يليق مو مره
فارس : ياحبيبي حبنا اكبر من اسماء
بعد الي سمعه رقا غرفتها بدون تفكير فتح عليها الباب كانت جالسه على كرسي التسريحه وتناظر المرايه متوتره
حنان: عبدالله !
عبدالله بانفعال : صددق ؟؟؟ الي اسمعه تحت صدق يباركون لفارس على خطبته لك
حنان: عبدالله بعدين نتكلم اطلع تكفى لايشوفنا احد
عبدالله: حنان وش فيه شي عند فارس مو عندي وش الي خلاك تحبين فارس وتكرهيني
حنان: عبدالله ترا بتضيع نفسك وبتضيعني معاك اطلع
عبدالله: ابيك تضيعين مثل ماضيعتيني ، انتي تركتيني عشان تروحين تحبين فارس ؟
حنان: عبدالله انت مو فاهم شي
عبدالله: انا الي طلعتك من ضيقتك وسترت عليك على سالفه مشعل ووديتك تقابلين امك
وكلام كثير يذكرها بكل المواقف الي صارت بينهم
تحت
لاحظ سلطان ان عبدالله و حنان مو موجودين
رقا بسرعه باب غرفه حنان مفتوح وعبدالله واقف منفعل وحنان تحاول تهديه وتطلعه
دخل عليهم سلطان
سلطان: عبدالله
دخل انس
انس : وش فيكم
سلطان: خذ عبدالله واطلع
مسكه مع كتفه ويحاول يسحبه
طلعه انس وراحو الغرفه
جلس على الكرسي وصدره يرتفع وينزل ودقات قلبه تزيد حط يده على وجهه وكان ينتفض
بغرفه حنان
كانت دموعها تنزل
وسلطان يناظرها
سلطان : ماتستاهلين حب عبدالله لك
طلع سلطان وقفلت الباب على نفسها
تتمنى لو يفهمونها ويعرفون انها مجبوره
YOU ARE READING
ليت البحرين تجمع ثنين صدفه
General Fictionيتطلقون امها وابوها وتعيش عند امها بالبحرين وبعد غياب 8 سنين ترجع وتعيش حياتها عند ابوها
