ليت البحرين تجمع ثنين صدفه

Part 25

حنان: الو
عبدالله : هلا بذاا الصووت
حنان : فاضي
عبدالله: فاضي وافضى عشانك وش بغيتي
حنان: ودك نسولف شوي
عبدالله: اي ودي
حنان: اي شسويت
اخذتهم السواليف
حنان : اي صح اليوم تخيل مين جاني بالمطبخ
عبدالله: مين
حنان: فارس
عبدالله بانفعال: وش يبي
حنان: يبي يسألني من وين الشاحن والي فهمته انه يبي رقمي لانه قال ارسليلي رابطهم بس ترا ماعطيته
عبدالله: يعني انتي قايله السالفه عشان تقهرينني ولا وش بالظبط
حنان : شدخل اقهرك بس جت ببالي وقلت اقولك
عبدالله: لاعمرك تقولين لي عشان ما اقوم واذبحه شيبي فيك !
حنان : احسه طيب
عبدالله: اسحبيها لا اجي غرفتك واضربك
حنان: ماتسويها
عبدالله: الا اسويها
حنان : طيب تعال يلا انتظرك
عبدالله : اسحبيها حنان !
حنان : شفيك معصب مره خلاص اسحبها ، ماتوقعتك انفعالي كذا
عبدالله: تراك قهرتيني
حنان : يعني ..... تغار علي ؟
عبدالله: شدخل مو غيره بس تدرين اني ما احب ذي الحركات
حنان : عادي ترا ! قول انك تغار علي من فارس
عبدالله : اي اغاار عليك وابيك لي اناا وبس ولو بيدي ما اخلي احد يكلمك ولا يلمسك ارتحتي ؟
حنان : شدعووه حب تملك هذا
عبدالله: تقدرين تقولين
حنان :  طيب تبي شي
عبدالله: ليه
حنان : بنام مو قادره افتح عيوني
عبدالله: يلا مع السلامة
حنان: تصبح على خير
عبدالله: انتتي الخيير كلله
حنان : يااقلبي
صكرت ونامو

سعود: عدلي اسلوبك وش قله الادب ذي
اثير: مابقى الا انت تعلمني الادب
قام سعود
سعود: اي اعلمك
خافت اثير
اثير: طط طيب اسفه
سعود:هههه شفيك خفتي ؟
اثير: ماخفت !
سعود: بس حلوه بجامتك
ناظرت اثير لبسها وكانت لابسه بجامه ورديه وعليها قلوب مع روب ابيض
اثير: ماسألتك
توجهت للباب تبي تطلع
سعود: خذي
رما عليها الشاحن وضرب راسها مسكت راسها
اثير: وجع
سعود: امزح معك
مسكت راسها وعطته ظهرها
قام سعود
سعود: جاك شي
مسكت الشاحن
اثير: انقلع
مسك كتفها
سعود: امزح معاك والله مو قصدي
اثير: طيب شتبي ؟
سعود: مابيك تزعلين مني
اثير : وايش الي بيهمك لو زعلت
سعود : شقصدك
اثير : وش بيفرق معك كرهي ولا حبي لك ترا بالنهايه ماني اختك ولا صديقك ولا واحد من عيال عمي
سعود: والي يقولك انتي اغلا منهم
عطته كف
اثير : يالوصخ
ومشت
مسك خده وعض شفايفه يحاول يمسك نفسه
رقت اثير غرفتها وهي تركض
دخلت الغرفه وانسدحت بالسرير بسرعه وغمضت عيونها تتمنى الي صار حلم

بغرفه فارس وسلمان
فارس : احس اني ندمت
سلمان : على
فارس : لاني قلتلكم اعرف فيصل ولد امه بيروح يقول لامي كل شي
سلمان : حرام عليك لاتظلمه فيصل يبيلك الخير
فارس : بس انا خاايف من امي
سلمان : افا تخاف من امي ، هههههه
فارس : هي تكرهها اكيد بتطلع عيونها لما تدري اني ابي اتزوجها
سلمان : ترا امي كلام ولسان بس
فارس : تقوله صادق
سلمان: المهم مو امي المهم حنان اذا هي تحبك ولا لا
فارس : يحصل لها
سلمان : يالمرااهق اتكلم جد اكيد مابتتزوجك غصب
فارس : بس وش ناقصني عشان ترفضني
سلمان : مو شرط انك ناقص ، يمكن في احد ثاني بحياتها
فارس : لا يارب
سلمان: لاتتأمل انها بتوافق حط كل الاحتمالات
فارس : لا انشاء الله توافق
سلمان : انشاءالله انا بنام
نامو

الصباح
طق الباب مره ، مرتين ، ثلاث
فتح الباب شوي
سلطان: ادخل ؟
لمياء بصوت مخنوق : ادخل
دخل سلطان وشافها جالسه على السرير وكان يشوفها كيف متغيره ونحفانه وعيونها متنفخه ووجها الي باين عليه التعب
سلطان: لمياء
صكر الباب
سلطان: وش فيك متغيره
لمياء: مافيني شي
سلطان: تكذبين علي
لمياء: تعبانه بس
سلطان: والي يتعب يصيح ؟
لمياء وهي تبلع ريقها : ماصيح
سلطان: ليش اللف والدروان قوليلي الصدق
لمياء: بس لو قلتلك مارح تقدر تسوي شي وبتزعل علي انا وامي وابوي
سلطان: انا اخوك معاك مو ضدك مستحيل ازعل عليك حتى لو كنتي غلطانه
لمياء : بس الموضوع ماتقدر تحله
سلطان: طيب علميني يمكن اقدر
لمياء: ما اقدر
سلطان: قوليلي اسمعك
لمياء: ما اقدر اقولك ما اتخيل تشوفني بالشي الي بقوله ، قول لوعد تقولك
سلطان: اسمع من الغريب وما اسمع منك ! الحين وعد تقولين لها وانا لا
لمياء : فيصل
سلطان: شفيه
لمياء: بيتزوج
سلطان: وخير يا طير وش عليك منه
لمياء: بس انا
سلطان: بس انتي وش
لمياء: بس انا اء احبه
سكت سلطان
لمياء: شفت محد يقدر يسوي شي
سلطان: لاتضايقين نفسك ، وقومي البي بسرعه عندك جامعه
توجه للباب
لمياء: سلطان
لف عليها
لمياء: لاتقول لامي وابوي شي ، طلبتك
سلطان: انشاءالله لاتشيلين هم ، بس قومي يلا عشان ما تتأخرين وتاخذين حرمان
طلع سلطان
اخذت لها شاور ولبست ونزلت عشان تفطر

حنان: الو
عبدالله: الساعه كم محاظرتك
حنان : 10 ليه
عبدالله: اجل اذا نزلنا قولي محاظرتك 8
حنان : محاظرتي 10 اروح من 8 ليه
عبدالله: عشان تروحين معي
حنان : مشاري محاظرته 9 اتوقع فا بروح معه
عبدالله : قولي 8 وخلاص
حنان : طيب لاتنفخ
قامت من السرير ولبست تيشيرت بيج مع بنطلون اسود فكت شعرها وحطت ميكب واخذت عبايتها الزيتيه بيدها ونزلت

على الفطور
كانو كلهم موجودين الا سفانه الي كانت نايمه
سعود كان يناظر اثير طول الوقت
واثير ماكانت تحط عينها بعينه
وعد: يلا ؟
اثير: ايه يلا
قامت اثير ووعد
لمياء: شوق متى تطلعين
شوق: بروح مع السواق بعد ساعه
لمياء: زين عشان نروح مع بعض
عبدالله: بروح انا مشاري تجي ؟
مشاري: لا محاظرتي 9 بروح بسيارتي
حنان: محاظرتي 8 بجي
عبدالله: يلا

بارت 26 و 27 راح ينزل بالليل لاني راح ازيد كم
حدث عطوني رايكم ❤️‍🩹