الفجر
كان ماسك جواله ومتردد يسأل عنها ويرسلها ولا لا
قطع تفكيره
عبدالله : سلطان مايرد جرب دق عليه
انس : ليه وينه
عبدالله: مادري من امس طالع ومايرد بديت اتوتر
انس : ايه عمي فايز يقول انه بالاستراحة
عبدالله : هو سألني ومابغيت اخوفه وقلتله انه بالاستراحة بس الصدق مدري عنه
انس : سألت مشاري
عبدالله : مشاري طالع
انس : اصبر ادق عليه ..... جواله مقفل
عبدالله: وش الوضع ، نبلغ الشرطة ؟
انس : هد شوي لاتتحمس
عبدالله : وش اجلس انتظره الى مايرجع
رن جوال عبدالله ( حنان )
عبدالله: الوو هلا والله
حنان : هلا ، وشتسوي
عبدالله: ابد بالبيت
حنان : ادري انك بالبيت بس اقصد شتسوي
عبدالله: ماعندي شي
حنان: معك احد بالغرفه؟
عبدالله : وصلت خير
حنان : اها يلا اجل كلمني لما تفضى ، نسولف
عبدالله: يلا مع السلامة
انس : مين
عبدالله: واحد من العيال
طلع عبدالله
تشجع ورسل لها
( اهلين فهده كيف الحال انشاءالله تمام ، حبيت اتطمن ماشفتك اليوم ولما سألت البنات قالولي انك ماجيتي عسى ما فيك شي . )
انتظر ردها وقت طويل ونام بدون مايحس على نفسه
نزل تحت وصادف سلطان كان توه داخل
عبدالله: سلطان ! وينك من امس وانا اتصل عليك ما ترد وش فيك
سلطان: مافيني شي
عبدالله : موب علي ذي الحركات وين كنت
سلطان : لاتسوي قافط ووخر بروح انام دايخ مانمت
عبدالله: طيب وين كنت وليه طالع ومقفل جوالك
سلطان: كنت مع العيال وطالع لان مالي خلق احد
عبدالله: ترا ابوك سأل عنك وقلتله انك بالاستراحة
سلطان: طيب
راح سلطان غرفته
وجلس عبدالله ودق على حنان
حنان: هلا
عبدالله : اهلين
حنان: يوم ادق عليك توقعتك لحالك
عبدالله: ايه بس سلطان ماكان يرد علي ورحت لانس اقوله ودقيتي
حنان: رد عليكم طيب
عبدالله: اي توه راجع
حنان : الله يعينهم
عبدالله: ماعلينا كيفك انتي
حنان: مدري احس بضيقه
عبدالله: ضيقه ؟ من ايش
حنان: مدري ضايق صدري
عبدالله : تخسي الضيقه اسمعي بعد صلاة الفجر بساعه تجهزي ولما ادق عليك تنزلين
حنان: ويين صاحي انت اخاف احد يشوفنا ماقدر
عبدالله: محد بيشوفك
حنان : صعبه شوي
عبدالله : اجل نسحب على المحاظرات ونطلع
حنان: مارح اداوم ، بعدين كلهم بيسحبون مافي فطور
عبدالله: اما عاد
حنان: ليه ناوي تروح ؟
عبدالله: لا .... اسمعي على اساس عندك كويز اليوم ولازم تروحين وانا عندي محاظرات مهمه ونسحب على الجامعه ونروح نفطر شقلتي ؟
حنان : اقولك قلتلهم امس مارح اروح من وين طلع كويز ، خليها يوم ثاني احسن
عبدالله : بتزعليني منك
حنان : طيب
عبدالله: يعني تروحين معي ؟
حنان: اي
عبدالله: حلوو
حنان: اذا بنطلع اجل بنام شوي على بال مانطلع
عبدالله: نوم العوافي
قفل المكالمه وجلس يقلب بجواله شوي
مشاري: السلام عليكم
عبدالله: توك ترجع
مشاري : وش تشوف
عبدالله : مدري القاها منك ولا من اخوك
مشاري : ليش شفيه اخوي
عبدالله : ليه ماكنت موجود اليوم
مشاري : قايلك اني مارح احظر
عبدالله: الكلام معك ضايع
مشاري: زين انك تدري
عبدالله: بتداوم بكرا
مشاري: ماتوقع انت وحنان بتداومون
عبدالله : حنان عندها اختبار بتروح وانا كنت ناوي اغيب بس بلقم حرمان فا قلت اروح
مشاري: خلاص ودها انت ولا تروح مع السواق
عبدالله: اي انشاءالله
رقو غرفهم ينامون
بالفندق
سفانه: ماخذ فندق ليه ! وشقتك موجوده
سلمان: ليلة زواجي وتبيني انام بشقتي
سفانه: لبسي كله بالشنط والشنط بالشقه
سلمان: عادي حلو الي عليك
سفانه: مارح انام فيه !
سلمان : اول مره اشوف وحده ماعندها بجامه لاول ليله من زواجها
سفانه: وانا شدراني اني بروح فندق توقعت نروح الشقة
سلمان: بكرا نروح الشقه ، اذا مره تبين تغيرين خوذي من شنطتي في كم شي يجي مقاسك
سفانه: شكرًا مابي
سلمان: بكيفك
دخل سلمان الحمام يتروش نص ساعة وطلع شافها نايمه على الكنب وهي قاعده
جاب لها البطانية بيغطيها
حست فيه وقامت
سفانه: ووش تسوي
سلمان: قومي نامي بسرير
سفانه: مافيني نوم
سلمان: عيونك مخيطه من النوم نامي
سفانه: قلت مابي مو غصب هو
سلمان: كيفك انا اقول نامي احسن لك لانك بتخليني اسوي شي بدون وعيي
سفانه: بنام على الكنب
سلمان: روحي بالسرير انا انام بالكنب
سفانه: لا
سلمان: ليش انتي عنيدة كذا الحين انا ابي راحتك
سفانه: بنام بالسرير بس بشرط
سلمان: وشو
سفانه: ماتقرب مني ولاتلمسني
سلمان: غيري الي عليك واوعدك اني ماسوي لك شي اليوم
سفانه: طيب
نامت على السرير وهو انسدح على الكنب
الصبح
دق عليها
حنان : هااا
عبدالله: يلا خلصي انا تحت
حنان : طييب خلصت
نزل عبدالله تحت وكانت موجودة الجده
عبدالله: صاحيه توقعتك نايمه
الجده: حاولت انام بس ماقدرت قلت انزل تحت
عبدالله: اجل مافي فطور اليوم زي العاده
الجده: ايه كلهم سهرانين مانامو الا الفجر وبيغيبون محد قايم
عبدالله: صادقه
الجده: وين بتروح
عبدالله : الجامعه عندي حصص مهمه لازم احظرهم
الجده: الله يوفقك
نزلت حنان
حنان: صباح الخير
الجده : هلا وغلا تره مابدا صباحي بشوفتك
عبدالله: وانا طيب !
الجده: وين بتروحين
حنان: الجامعه
الجده: امس انتي والبنات متفقين تغيبون
حنان: اي بس تذكرت انو عندي اختبار ومقدر اغيب
الجده : ياحبيبتي انتي الله يوفقك
حنان: امين ، يلا تبين شي ؟
الجده: لا سلامتك ، بتروحين مع عبدالله ؟
حنان : ايه
الجده : الله يحفظكم
ركبو السياره
حنان: وين بنروح
YOU ARE READING
ليت البحرين تجمع ثنين صدفه
General Fictionيتطلقون امها وابوها وتعيش عند امها بالبحرين وبعد غياب 8 سنين ترجع وتعيش حياتها عند ابوها
