ليت البحرين تجمع ثنين صدفه

Part23

الصباح الساعه 7
مسكت جوالها بانزعاج من صوت الجوال الي يرن
سفانه : خير
نواف: انزلي
سفانه : وين
نواف: انزلي بسرعه انا عند باب بيتكم بكلمك
سفانه: انت صاحي بعدين شايف الساعه كم
نواف: اي شايف وانا مختار ذا الوقت عشان ما انكبك يلا بسرعه
سفانه: مارح انزل
نواف: لاتخليني اطق الباب واناديك تعرفيني مجنون واسويها
سفانه: وجع طيب بنزل بس عطني ربع ساعه
نواف: يلا انتظرك لاتطولين
صكرت الجوال
لبست تيشيرت ابيض ضيق وبنطلون اسود حطت روج وبلشر ومسكره رتبت شعرها بيدها ولبست عبايتها الكحليه وحطت عطر دورت المفتاح عشان تقفل الغرفه ومالقته وحطت مخده وغطتها بالبطانيه  ونزلت وهي تسحب رجلينها خايفه احد يشوفها طلعت بسرعه وركبت
سفانه: بسرعه امش
نواف: اهخ يالبييه انتي كذا حلوه حتى لو انك توك صاحيه
سفانه : نواف تكفى امش لايشوفنا احد
مشى نواف
سفانه : وش فيه ليش مطلعني من البيت وش الشي الي ماتقدر تقوله بالجوال
نواف: اني احببك ومو ماخذك لعب
سفانه: اي حب وخرابيط
نواف : وش اسوي عشان تقتنعين اني صدق احبك
سفانه: اخطبني
نواف: ها ....
سفانه : ها اشوفك تلعثمت وين الي يحبني
نواف : بس انتي صغيره وانا صغير وللحين ماكونت نفسي ووين بعيشك وكيف بصرف عليك
سفانه: عادي خطبة بس الى ماتكون نفسك
نواف: الأمور ماتنحل بذي الطريقة
سفانه: اجل كيف تنحل اطلع معك واكلمك الى ماتخطبني كذا تنحل
نواف : سفانه شفيك تدرين انو امي اصلا بترفض اخطبك بتقول تونا صغار
سفانه: انا اعرف حركاتك تبي تخليني انا الي اتركك مو انت والسبب انت اصلا
نواف: انتي متأكده اهلك بيوافقون اصلا
سفانه: لا بس على الاقل اعرف انك رجال وقد كلمتك
نواف : مادري شقولك .... بفكر بالموضوع
سفانه: رجعني البيت طيب
نواف: خل نتمشى طيب
سفانه: مابي
نواف : مو على كيفك بنروح نفطر
سفانه بصراخ : ماابي
نواف : لاتصرخين

سلمان: يارجال نغير جو
وليد : يلا ماوراك شي
سلمان: وين تبي بس
وليد : في مكان حلو بفتح لك اللوكيشن
شعل سلمان السياره متجهين للمكان

وصلو
وجلسو داخل على الطاوله مسك نواف المنيو وبدا يطلب
نواف: اطلبلك على ذوقي
ماردت عليه
طلب نواف لهم الاثنين وبدو ينتظرون الطلب

دخل سلمان ووليد جلسو اوت دور
انتبه سلمان لسفانه الي كانت جالسه داخل مع ولد وعرف انه نواف الي كانت تكلمه وواضح من وجهها انه متضايقه مسك نفسه وهو يشوفهم

نواف: زعلانه ؟
ماردت عليه
مرر يده على فكها
نواف: كل هذا شايلته بخاطرك علي حرام عليك نواف الي يحبك تزعلين عليه كذا
سفانه: وخر يدك مو زعلانه
لفت راسها وفك يده
نواف: مو زعلانه .... وجهك فاضحك
سفانه: خلاص قلتلك مو زعلانه
نواف: ليش معصبة طيب
سفانه: لأني ...
نواف : لأنك ايش
سفانه: اءء خايفه
نواف : افا خايفه وانا موجود
مسك يدينها
نواف: مادام انا معك ماتخافين
بلعت ريقها وتنهدت