البارت الاول
*****★*****★*******★*******
حلا
كعدتني امي ....
_يلا ماما نروح لبيت عمج اليوم زفة رافد ...شنو نسيتي يمه ....ضليت صافنة معقولة صارت صدك وراح اشوف زفة الشخص الحبيته من واني صغيرة... كمت لحيلي رحت يم شباك غرفتي ...واباوع على الباب اليجمعنا ...حجيت بداخلي ...جان عبالي يفصلنا بس هذا الباب ...هسه مو بس الباب ...حتى اختيارك وكسرة كلبي صار يفصلنا نصير لبعض ...بلعت الغصة ...ورحت غسلت وجهي ...واخذت الفستان الجنت محضرته حتى بعدين ماارجع هنا ...نبدل سوه ويه رنا بنت عمي صديقتي وصندوق اسراري ...
رحنالهم ...دخلنا شفت مرت عمو الي تصير بنفس الوقت خالتي بوستها ...ادري بيها جانت تتمنى اني بمكانها ...مثل مااني جنت اتمنى بس اكيد القسمة والنصيب اكبر من امنياتنا ...وعسى ان تكرهو شيئا وهو خير لكم ...اسمعه صوته وهو ينزل ويه اخوه الي يغني وفرحان بي ...
_مبارك عرسك ياخوية ومبارك عرسك ...وهو يضحك وياه ...رجعت الغصة لبلعومي ...وانا اشوف فرحته المرسومة بعينه ...سمعت رائد يحاجيني ...كرص خدي باصبعين ...
_كتكوت مايصير غير الي الله كاتبه ...
بلعت ريكي وهزيتله راسي ..باوعت لرافد ...شفته يبوس بامه ويحاجي امي وهو طاير ...عفتهم وصعدت يم رنا ...
فتحت الباب ...ودخلت سديتها واني منتجية بظهري عليه ...نزلت دموعي الجنت حابستها ...
اندارت الي ...اجتني ركض وحضنتني وهي تهون عليه ...
_كولي يالله ...ولج راح تموتين روحج ...منو يستاهل من يوم الككعو مهر وانتي يوميه تذبلين وراح تموتين روحج...حضنتها اقوى ...
_شسوي رنا ...ولج اليوم القاضية شون اتحمل اشوفهم وهمه يجمعهم غرفة وحدة ...وج محد يحس بيه راااااح اموت اختنك مجرد مااتذكر واليوم راح اعيش الاحساس ...كليلي شسووي ..جاوبتني واحس بدموعها ..
_وج شبيدي عليج ياكلبي الله لايعيش وحده نفس احساسج بالقران من حددو يوم الزفة وانا شايله همج ....وج حلاا انتي قوية ..خليج مثل مااعرفج مايكسرج رافد والف مثل رافد مو هو اخوي بس وربي هو الخسر ومتأكدة راج يتندم ...لان ماشافج وحب وحدة مثلها ...
مسحت دموعي ...مااريد اهلي واهله يحسون ...طول هالفترة مااحسسهم لان ادري اذا محرد شكو يجبرونه عليه ..
وهو من يوم الخطبها ماادري ليش حتى بوجهي مايباوع ...
_خلاص انسي ...مثل ماكلتي ماعاش ولاكان اليكسرني وانا بنت محمد ...
طبطبت عليه ...
_هاي حلا الاعرفها ...اسمع اني وخالة يصيحونه ...بسرعة طلعنا غسلنا وجهنا ...وبلشنا الشغل ...شوية ووصلو الكرايب والحبايب ...
كملنا كل شي ...وصار وكت نبدل ...كملت وانا اباوع الروحي ..شنو ناقصني وماشافني وماحبني ...امتديت ايدي على شعري الجوزي ...اتلمس وجهي ...اليشوفني يكلولي تخبلين سبحان من خلقج ...جا ليش هو ماشافني ...ليش فضلها عليه وحبها ...ليش ماحبني وانا بنت عمه وسنين كدامه ...داومت جامعة وراح اتخرج هالسنة وارفض اي شخص يجيني لان جنت متاملة راح يغار وراح يحبني مثل مااني احبه ..سمعت صوت الهلال عرفت وصلت العروس ...شلت حجابي خليتها على راسي بدون ماالفه ...نزلت جوه ماكو الولد ...وخر الكبوس وكعدوها ...خالتي ماجانت موافقة عليها بس عمي ورافد قنعوها ...باوعتلي دمعت ...معقولة حست انا احبه ...مابنت الهم تقربت باركتلها مبروك
جاوبتني من وره خشمها
_الله يبارك بيج ...شدعوة هيج مسوية بروحج ..ترى انا العروسة ...خالة جاوبتها...
__والله يبنيتي هي من كاعها حلوة وتخبل ...بس الله يسلمه جان اعمى ...دارت على خالة وهي معاجبها الكلام شقصدج خالة ...
ابتعدت مااريد يطور الموضوع وتصير مشكلة يكولون من وراها واهلي ينحرجون ...
تقربت من رنا ....شغلو اغاني البنات يركصون ...كوموها ...وهي تركص ومنطلكه ماحسيت غير تقربت مني وجرت ايدي حتى اركص وياها استحيت اردها ...باوعت امي تضحك وتصفك ...باوعت لخالة مقهورة عليه ...فرق بين امي وخالة ليش هي حست بحبي وامي ماحست ...سمعت صوت نفسها قريب من اذنبي ...
_انسي بعد صار الي حتى لو اموت راح يضل الي ...لاتباوعين فوكج اخاف تنكسر ركبتج ياحلوة ...باوعت عليها وانا مصدومة من هالحقد ماجان عندي شي وياها هي جوارينا بينهم وبين بيت عمي بيتين ...بحياتي مااذيت احد ليش انا اللازم اتأذى ...مارديتها ..عفتهم ودخلت للمطبخ ...احس الهوى شويه شوية يخنكني ...وركض صعدت لغرفة رنا من سمعتهم راح يزفونهم لغرفتهم ...رحت يم شباك غرفتها ..خليت ايدي على اذني وانا اسمع صوت الهلال ...وانا اهمس سكتو عفية ...حسوووو بيه ...حسو اكو بشر راح يموت ...كافي كافي سكتو انفتح الباب فاتت رنا وقفلتها واجتني ركض وانا اضرب على راسي بدون مااصيح ...حضنتني ...حلفتها ....
_بداعة كرار ...سكتيهم ...راسي حيطك ...اختنكت ...وهي تبجي وياي ...وتلزم ايدي ...سكتيهم سكتيهم ...راح صوتهم مر شوية وكت وانفتح باب الغرفة الكدامنا ولسوء حظي غرفتهم ...سمعت صاح خالة ...وشوية اىتفع صوت الهلال عرفت اخذها ...اندك باب الغرفة كومتني رنا ومددتني خايفة عليها وانا احس داخل روحي فرااغ ...غطتني وفتحت الباب ..
سمعت صوت خالة تقربت وكعدت يمي تمسد على راسي...
_الخير فيما اختاره الله ...مجاوبتها باست راسي وطلعت ...ثاني يوم طلع الصبح وانا بعدني نفس النومة وماغمضلي جفن ...كمت بسرعة ...طلعت غسلت وجهي ..ورجعت لبيتنا ...دخلت غرفتي وانصدمت مرار نايم على فراشي ...فز ويه فتحت الباب...فتحلي حضنه ...ركضت لحضنه وانا اطلع شكو بجي بداخلي ...وهو يهون عليه ...يعرف اكو مشاعر بداخلي اله شكد حذرني ونبهني انا جنت غبية ...
_اشش ميستاهل دمعة ...هو الخسرج .. خلي يولي ...
بعد ماحسيت بشي ...بس اسمع صوتهم يم راسي ...واسمع كرار يحجي بحركة وابوي يهدي بيه ...
_والله والله كل الديصير من وراكم من الصغر كلتو حلا لرافد لحد ماخلتوها تحبه تالي خوش بوري ضربك الن اخوك من كالها اكو وحدة بكلبي ...ها هسه ارتاحيت من مسرتو كلب بتكم من را ابن اخوك ابن اختج ...والله والله اذا صار بيها اهج واعوفكم ...نزلت دموعي ...حيييل يعني الكل يعرف احبه ولاواحد ادخل وحاول ..شبيج حلا شنو يحاولون تردين يجبروه يتزوجج ..اذا قبل يباوع بوجهج ...والله ورا الزواج يكوم ويكعد يتفل بوجهج...فتحت عيوني وانا احس نار تطلع من كل جسمي ...راحت عيوني لابوية ...تقرب باس راسي ..
_سامحيني بويه ...بيدي كسرت كلبج ...
لزمت ايده وبسته ...
_لالا بوية...صدكني فترة وانساه وارجع حلا القوية ...ضبيدك قابل تروح تجبره يتزوجني لومسويها جان كرهت روحي ...حبيبي انتو اغلى ماعندي مستحيل ازعل منكم ..قررت بداخلي خلاص صفحة واطويها والله يقويني حتى انجح ..بس قررت هالفترة مااروح لبيت عمي ...والكل ايدني وبالاخص كرار ...فدوة لعينه
