ليلى
علاقة ارام خربت اكثر ...ومنا حلا خابصتني برائد ...مااريد انطيه فرصة ..ماعندي ثقة بيه...
اليوم جمعة يعني يوم الاستراحة ...طلعت ب١٠شفت خالة كاعدة وصافنة ..ادري مشتاكة لارام ..اخذت موبايلها جان كدامها ...خليتها كدامها ...
_خابري...
_لا ...الابن اليمشي عالباطل ...مو ابني ...
كعدت بصفها ..
_خالة ...لاتربطين علاقتي انا وارام بعلاقتكم ..
دمغتني ..
_ليش حضرتج غريبة لو شنو ...انتي بنتي ...اذا تقبل هالشي اولا ...ولج هذا ارام الجان يركض ويصيح اختي ...وكل فترة من يشوفج مشتاقه لياسر يركض يوديج ...هسه تجي بنت الحرام وتفرككم ...راح اطك...
_كولي يالله خالة...اصلا ارام اخويه مستحيل ازعل منه ..واذا تردين هسه اخابره ...قاطعتني ابد...اريد هو يحس بغلطه ...مو نمشي على مرامه وغلطه ..يلا كومي تريكي. ..وعوفج من ارامو ...
حضرت ريوك...نزلو هو وليندا...كلت هسه يجي ويعتذر من خالة...ارام المجان ينام اذا امه خلكها ضيك ...باوع عليه وشافني من الشبك ...لبس نظارته ...ولزم ايدها وهي تضحك بحقارة ...وراحو ...انسد الباب بقوة ...
_منو يمه..
_ارام وليندا طلعو ...
_اي خلي يولون ..كامت لغرفتها ادري ضاجت ...دك موبايلي ...حلا مكالمة فديو ...
انفتح موبايلي وانا مصدومة من الداشوفه...هذا شنو حلا ...
***★****★*****
حلا
من حجتلي ليلى علاقتها المتوترة بابن عمها ...وحالة رائد وحتى حالتها ...قررت اتدخل واحاول اصلح بينهم وبالذات وانا شايفة تغيير رائد كل هالفترة.....من يوم الطلك ريما مقبل ندخل لغرفته كله هو ينظفه ...شكد رنا رادت ..ماقبل ..وملابسه يخليها بسلة الي بصف الغسالة ...كبعا من طلك ريما انطاها حتى غرفتها وحقوقها بالكامل ...واشترى غرفة جديدة ..ومن وكتها انحرمت علينه دخلت غرفته ...ويقفلها والمفتاح وياه...
بيوم راح ويه رافد ...
اجاني فضول اشوفها. ..اريد اعرف شضام ..
ادري راح تكولون متبتي وره كسرة ايدج من ورا الفضول ...يمعودين هي عيشه وحده وموته وحده ...اهم شي ارضي فضولي ...فتحتها وانا مصدومه ...حرفيا صدمة...كل الحياطين صور ليلى ..وفوك الجربايه ...صورة جبيره الها...وكدام الجربايه ميز التواليت ..يعني من يتمدد يضل صافن بيها من المرايا ..دكيت بسرعة مكالمة فديو لليلى .
_شوفة عينج هذا غرفة رائد مو كتلج ميقبل ندخل غرفته كله هو ينظفه..ويقفله ...كل هالحب ...والتغيير مستاهل فرصة ..
_ماادري حلا ...هذا واصل مرحلة الهوس خاف اجيه االنوبه يطلع مخبل ..
عوجت حلكي ...
_مو شكول واحد يحبج هيج ...
_انجبي انجبي ..
سئلتها
_متصالحتو ويه ارام ..
اتنهدت ..
_حتى ويه اهله ميحجي ...مقهورين عمو وخاله ...بس ميردون يتنازلون اله ...وادري لخاطري ...بس ليش اكو نسوان هيج تخرب بين الابن واهله ..وهمه ممقصرين عليها بشي ..
_بيهن دودة حبيبه ...المهم فكري ...
سديتها وكلعت بسرعة ...قفلتها ورجعتها لمكانه ..
اسبوع وراح اشيل الجبس ...
خالة كدامها القران ..عفت ادم والعابه ...وكتله ..
_ابقى يم حبوبه ..اروح اغسل الكراج...
_خالة حتى حجيها متغير كوه ينفهم ..
_يمممه ااييدج..
_لتخافين خالة مااخلي يلوحها ماي ...رجعت كملت ..
وانا بديت اغسل بيها ...رنا جابت من جم يوم ...وكلت الماما لاتجينا تبقى يمها ...وانا ادبر روحي ...مرات رائد يساعدني ..
كملت ..حنت مطلعة دجاج من الليل ومنكعتها بخل وملح وثوم وبصل ...اشويها بالفرن ...ساعدني رائد بيها.
نكعت التمن ...وخليت الدجاج ...وكطعت خضراوات ..وبعارات وسلفنتها بورق الزبد فوكها ورق الالمنيوم... وخليتها بفرن الطباخ...
كملت كل شي ..وكت الصب اجو رائد ورافد وعمو ...وعمو جاب خالة ...ورائد يساعدني ... ورافد هم كام ..يساعد ...
ادم راح لابوه ..
_بابا وكلني ...
باوعله ...وصاح بي انت مو طفل اكل روحك ...عرفت العقدة التفسية جايه بوجه هالطفل الله ليسامحج رفل...
عمو حجه عليه ..ورائد اخذ ادم لحظنه يهدي بي ويوكله ...
كعدت ومو قابله تصرفة...مباوع لاحد ...اكل شويه ودك موبايله ..
_ها شونك لك ...يمته رجعت ...ها خوش ...اي اي ماشي حخابره...
_منو رجع سئله عمو ...
_عماد بويه جان من سافر من جم سنة اليوم راجع...
سئله رائد .
_هذا يمتى سافر ..واكول ليش بس صهيب يجي ...
حجه بمناسبة صهيب ...
_باجر راح يجي ويبقى عالغده...
حجيت انا هالمرة ..هو وزوجته ..
_لا لا هو وابنه يجيب يلعب ويه هذا ...
كلنا نباوعله مو راضين بتصرفه ...
