كلش صعب
من تبتعد مجبور عن شخص
وكل شي بيه يريدلك كربه
واتعس شي بالفراك
من ماريد اعوفك
بس اعوفك
*******★******★******
حلا
خابرتني رنا حتى اختار وياها ملابسها لان راح نروح نخطبها لكرار رغم حجو بس كرار كال مااريد ابقي اي شي بخاطرها حتى لو بسيط وهي تريد مثل الاتراك تقدمله كهوة مالخة من يخطبوها وجيبلها ورد وشوكلاته ....دخلت من باب المطبخ شهكت ويه دخلتي وانا اشوف اكثر منظر موتني قتلني ....رافد فز ...بس هي بالعكس تقربتله اكثر ...بس هو رجع ابتعد شويه ...عاطت بيه ...
_ليش ابتعدت عني ...ليش تخاف تشوفنا سوه ...
_لااخاف ولاشي تضل بنت عمي وبنيه خاف تشوف هيج شغلات ويضل بعقلها وبعدين تغلط ...لو تحب تج... وسكت من شاف نضراتي المصدومة
متحملت كلامهم ...صحت بي
_دير بالك تشكك بتربيتي ...عيب عليك انا بنت عمك وتربيت كدام عيونك ...شنو اغلط ...لو احب اجرب ...والله والله اذا مره ثانيه شككت باخلاقي ردي راح يوصلك بلسان عمك وابن عمك ...
كبل رحت لغرفة رنا وانا اسمعها تصيح وتحجي لان ماجاوبني من هددته ...
قفلت الباب ...شفتها فاتحة الكنتور وحايره ...اخذت نفس مااريد اكسر فرحتهم ...صاحتني ..تاي ليش تاخرتي ...كوليلي شلبس ...جاوبتها ...باعي البارحة من جنت افكر بيكم تخيلتج بالفستان الرحنا بي لعرس ابن خالو احمد ...
_صدك ...جا خل اجربه واشوفج ...
جان فستان من فوك ضيك ومن جوه كلوش وبيها فصوص كرستال جبيره لونها اوف وايت ...ولبست حجاب زيتوني لان الفصوص جان زيتوني ...طلعت فد شي ....دمعت من الفرح اغلى اثنين على كلبي ...راح يكونون كلب وشخص واحد ...حضنتها ...
_الله يتمملكم على خير مااصدك ..راح تصيرين ببيتنا ...
جاوبتني وهي طايره
_ولااني مصدكة حلا ...الف الحمدلله يوم الج والله يجبر كلبج ويدزلج ابن الحلال ...ابتسمت بحزن
_امين ...
نزلنا جوه
شفت اهلي واصلين ....
رحنا للمطبخ ...شفت خالة دتسوي عصير ...ورنا راحت تسزي الكهوة ...ضحكت خاله وكالت
_مخابيل هي مال اتراك ...
ضحكنا ...اخذت العصير والكيك وياها ....دخلنا شفت كرار متضايك بكعدته ومنزل راسه شفت كاعدة الخاتون مقابيله ولان هي متلبس حجاب من هاي منزل اخوية راسه ...
رحت قدمت العصير وخالة بايدها مواعين الكيك ...شفت رافد اشر لها كومي اخذ من امي ...هزت جتفها وضلت تلعب بخصلة من شعرها ..حيل بيك يبن عمي ....
كعدت بصف اخوية ....لحد مافاتت العروسة ....كمت من يمها ملكيت مكان غير بصفه ...رحت كعدت بصفه واني عيوني مافاركت العرسان. ...
سمعت صوتها عود دتحجي ويه رافد بس نيتها تسمعني ...
_هسه فاخ..دو...من كعدت بصفك ...
ردت اصيح ببس من شفت السعادة بعيون الكل ...استغفرت ربي واني اهدي بروحي ...
ماخلصت هالليلة ...غير واني راح اطك...
من فتت اجيب موبايلي من غرفة رنا ...طلعت شفتها واكفه وهي متجتفه ...
_يمتى يصير عدج احساس ...وتفهمين خلاص الجنتي تحبيه صار ملكي ...
تجتفت مثلها ...
_مدام واثقة شكو جاي يمي ...دفعتها خفيف حتى اروح ...ماحسيت غير وكعت روحها ..وهي تون ...واشوف رافد عيونه عليها وبعدين باوعلي ...
_شفت شون دفعتني ...كتلك ...كتلك تحبك وراح تأذيني لان تريدك ...
ماحسيت غير براشدي فر راسي ...وجرني من حجابي ..
_وتحجيلي عن الشرف وين الشرف وانتي مخليه عيونج على رجال متزوج ...
دفعته ...وطلعت والدموع متحجرة بعيوني ....
