.
حلا
مااصدك السمعته ..كمت لحيلي...
_مع احترامي الك عمو وانت بابا مارايده اكسر كلمتكم ... بس مستحيل اقبل بهيج زواج...شنو مكسورةعيني تااتجبر على ابن عمي ..
شفت نظىات فخر بعيون كرار الكام لحيله وكال
_نفس رأيي وان جان عالرقم هي حلا ماطالعه وحدها ...حتى يكدر يأذيها ..وابن عمي يكدر يتزوج الف غير حلا .. يلا من رخصتكم ....
كام بابا لحيله ..
_شو انت ماتحشم احد... وانا كلات العقد اسبوع الجاي ...
دمعت وباوعت لابويه وكتله
_تريد تجبرني بابا ... ماكفى المريت بيه السنه الراحت ...
رجع كعد ويباوعلنا بتعب ...
عفتهم ورحت للمطبخ لحطتني رنا ..
كعدت اجت وكفت واطبطب على متني ..
_يولي ليش رفضتي....
باوعتلها ونزلت دموعي
_وليش حتى اوافق ...شنو الناقصني تااتزوجه بهالطريقه ...هو ماطايقني نوبه اجي واكمله بهيج زواج ...رنا انا احبه من المراهقه ومتت من اخذ غيري لحضنه ...وهسه اجي اطمس روحي اكثر واتزوجه باجبار من بابا وابوه تايكرهني اكثر. ...مااتحمل اشوف نظرة الاشمئزاز مثل مااشوف نظرة الكره من يوم الحبها. . صدكيني نار بكلبي ...وجوه كلبي يصيح وافقي هذا حبيبج وطز بالطريقه الراح تتزوجون ...بس عقلي رافضه مو بس الطريقه رافضه اي طريقه حتى اتزوجه ... شون ادخل حضنه وغيري جان متنعم ومرتاح بحضنه وانا اتكلظم ..وافكر هسه حضنها هسه ياسها وهسه نومها على ايده.... رنا محد يحس النار البيه ..
حضنتني ... صار صوت وفات كرار بسرعة مسحت دموعي ..
جرني لحضنه ..
_يلا حبيبه خلي نرجع لبيتنا..
هزيت براسي. ..وطلعت بدون مااسلم على احد ولحكتنا رنا ... رما ونعم الاخت ابد ماشفتها بيوم انحازت لاخوها ...دومها واكفه بصفي وتدعيلي براحة البال ..
دارني كرار اله .وباس راسي ...
_والله لو ادري بهالزواج الج راحة جان قبلت بس وعيونج...بعده ميت على زوجته ..وزواجكم راح يصير وجع وقهر عليج ...
هزيتله براسي ...
مرت يومين ..مارحت لبيت عمي ... بس رنا تروح وتجيبلي ادم ..
بالليل اندك موبايلي شفته رقم رافد ...كلبي دم بسرعة وايدي ترجف يمكن صار ٤سنوات هو ماشال اتصال عليه
خلصت الرنة وصلتني رسالة
_افتحي المكالمة بنت عمي رايدج بشغله ....
رد خابر ...
دست اوك ..وخليت السماعة على اذني ...
_وصلني صوته غمضت ورجفت ايدي زادت مدري خوف مدري ارتباك .. شونج بنت عمي ..
جاوبت بهدوء وهمس ...الحمدلله ..
_عجل غايبه صار يومين ماتمرينا ...
بلعت ريكي ...
_تعبانة ومالي خلك ..
_لاسلامتج من التعب بنت عمي ... ارد اسالج سؤال ...
_ليش رافضه هالزواج ...ارتبكت ... معقوله يعني هو قابل بدون اجبار وصلني صوته لو اكو من ببالج ...
رفعت حاجبي والغضب صعد براسي معقولة اعمى لهالدرجة شو حتى رفل الله يرحمها جان تدري احبه وحم مره تعاركت وياه وكالتله حلا تحبك ...
ليش هسه مسوي مايعرف منو بكلبي ...
جاوبته ببرود _لاابن عمي انا مخليه كرار وابويه بين عيوني ماانزل راسهم واكسر ثقتهم بسوالف تافهه ..
_اممم حلو ...جا ليش رافضه ..
_جاوبته وانا ادعي القوة ...وشنو اليخليني اقبل ...
_شوفي بت عمي مااكولج اريدج لان احبج لو شي لا انتي هذا الطالع صفح ومخوف عمج وابوج يخافون لاتنضرين ومنا علقتي ادم بيج ...خاف تتزوجين وتروحين تنتكس حالته ....وانتي هم متعلقه بيه وافقي وانا احترمج ومراح اكسرج وهم تكسبين اجر بهاليتيم ..
مااصدك الاسمعه منه ...هذا رافد لو غير للبارحة لو بيدي يموتني محسسني انا الكاتله رفل...وهسه يكولي راح احاول احبج وراح اضل احترمج مااصدك خاف موهو رديت باوعت للرقم ويت الموبايل لاذني لاوالله هو جاا شبيه متغير ومتقبل
_شو بت عمي سكتي ..
_جاوبت بحيرة ...وانا خايفه شبدله بهالسرعة ..ماادري ابن عمي انطيني مخلة افكر ..
وصلني صوته هادئ وحسيت بالدفو بصوته ...
_الج كل الوكت بت عمي ..يلا مع السلامة...
انسد الخط ...تمددت وانا ممصدكة معقولة هذا رافد ...
صار يوميه يخابرني ... ويسولفلي عن يومه ....
