ليلى
عبالي من اطلع من المحافظة خلاص راح انسى مل شي ...تالي انصدمت من انام عالمخدة ...اتذكر حنية ياسر ...اتذكر سوالف رائد...واتذكر ريما الجانت اخت ... ....وتنزل دموعي على اخ اخذه مني الموت وعلى حبيب خذلني وذبحني واخت طعنتني ...اتذكر جنت دوم احجيلها عن رائد وشكد يحبني وراح نتزوج بس اتخرج هالسنة ...بس مجنت ادري هي من ورا ظهري اخذته مني ..يمكن هو محبها ...بس كدر يتقرب منها ...يعني مجان يحبني مثل مااني احبه ....جا ليش انا مجنت اشوف غيره ...جم واحد يجي يعترف ....اهملهم ومااقبل اخونه حتى اصدقاء شباب مجان عندي ....شون كدر يخوني ويه منو ويه ريما الجنت احجيله عنها وشكد تحبني واحبها ...واحنا روح وحده ....اكلنا وطلعاتنا ...صح من فتنا للجامعة مو هالكد وبالاخص انا تعرفت على حلا البنت الملتزمة الي شكد حاولت تقنعني البس حجاب ماجنت اقتنع ...بس بسببها هوايه التزمت بالصلاة ....بس وره سوايه ريما كرهت شي اسمه صداقة...
اندك موبايلي ...انصدمت شنو هالعين القويه والجرأة العدها ...
اجاني صوت بجيها ...
_ليلى الله يخليج مالي غيرج ...فدوة لاتسدين الخط...
جاوبتها بعد مامسحت دموعي ...
_خير ...شنو هالجرأة العندج ...وج والله كل ليلة افكر شون كدرتي تخونيني وتباوعين بعيوني ولاكأنو طعنتيني ...وج من وراج كرهت شكو صديقة عندي ...بحياتي متخيلت تطعنيني ..شكو داكة ديري بالج تخابريني مرة ثانية ...والله افضحج وميهمني شي ...
_استاهل استاهل كل كلمة ...لان خنتج ...وخنت حتى اهلي ..فدوة ليلى ...فدوة مالي غيرج ...وج اهلي يذبحوني اذا درو تعرفين ابويه شنو ...
اتوترت ...
_شتدرين ..
_فدوة من يوم السمعتينا رائد انطاني بلوك ...فدوة وكعت بمصيبة ...
_شنو هالجرأة وشتردين تردين اخابره يفك عنج البلوك ويرجعلج ...عساج بابو زايد ...
ردت اكمل كلامي
حجت بهمس مخنوك
_انا حامل ...
فتحت عيوني وعدلت كعدتي ...
_شنو ...
_والله حامل واذا اهلي درو اروح بيها ...فدوة ليلى كليله بس يتزوجني وراها خلي يطلكني ...فدوة ماعندي غيرج ...تذكريلي فد ذكرة حلوة بيناتنا ...بداعت ياسر لتعوفيني ...
_رجفت وانا نمصدكة وين واصلين بعلاقتهم ...صح سمعتهم بس متوقعت واصلين لهنا حامل مرة وحدةة..جاوبتها بهدوء ...تمام انا راح احلها....قفلتها بوجهها ..
كمت اروح واجي ...وانا شعليه ليش حتى اوعدها او اساعدها... اوف ليلى ياما اخوج كال لاتضلين طيبه الطيب ينوكل بهذا الزمان ...خطرتلي حلا اكيد هي راح تساعدني ...
خابرتها ...
_اجى صوتها ...هلا بذاته ...شكو داكه ولج ...صار اسبوع متجاوبيني ..
اتنهدت بقهر ..
_عذريني حلا المريت بيها موسهل ريما كرهتني بشي اسمه صداقه ..
_ولي ولي مو الكل هي ...المهم شونج ...
_موزينة حلا ...اكول حلا اكدر اطلب منج طلب ...
_اكيد كلبي ...
_ممكن تودين الموبايل لاخوج ...ارد احاجيه ...
سكتت اكيد استغربت ...جاوبتني بحيرة
_ليلو انتي تدرين اخويه كولش متدين مو مال يحجي ويه وحدة غريبه...
_ادري كلبي ...اكيد بوجودج ...
_تمام ...
****★******★********
حلا
استغربت طلب ليلى ...وخاصة صار اسبوع ماتجاوبني ...رحت لغرفة كرار ...بعد ماسمحلي ادخل ...
_هاكلبي شكو ..كام لحيله من شافني لان جانت الساعة ب١١الليل ...
_كرار مااعرف شكول هاي ليلى تريد تحجي وياك بوجودي ..
ادري استغرب حتى انا ..
اشرلي احجي ..
_ليلى...كرار ديسمعج ..
_السلام عليكم خويه كرار ...ادري مستغرب لان ردت احجي وياك ...لان اكو مصيبه راح تصير اذا ابن عمك ماحلها ...
حجه كرار بخوف ...
_ياستار مصيبة شنو ..
سمعتها تنهدت وحجت بخنكة ..
_ماادري حجولك الصار بينا لولا ...المهم رائد منطي بلوك للابنيه الخاني وياها ...وادري هسه تستغربون بعدني ادافع عنها ..بس لان ادري اذا رائد ماتزوجها.... هالابنيه اهلها راح يكتلوها ...
شهكت ..
_شنو هالحجي خيتي ..ليش ..يكتلوها ....
_لان الي صار بين رائد وذيج الابنيه اكبر من مكالمات ورسائل ..اخذت نفس ..الابنيه حامل ...
فتحت عيوني مصدومة حتى كرار حسيت اختل توازنه وكعد مهدود حيله ...
_ولان حلا حاجيتلي عنك وانت متدين ومتقبل بالغلط ومتأكدة رائد مراح يوافق لان بتفكيره هي الخربت بيني وبينه ...بس بالنسبه الي الغلط الاكبر عليه لان الرجال المهم انا ردت اوصللكم الراح يصير اذا ماحليتوها وحتى اذا لاسمح الله اذا صار بيها شي انا مرتاحه لان سويت العليه ..مع السلامة حلا ...
قفلت الخط ....باوعت لكرار المخلي راسه بين ايديه ..رفع راسه باوعلي ...
_سمعتي المسوي هذا الجلب ...
نزلت دموعي ...ممتوقعين من رائد ابد ...خاصة انا لان عبالي يحب ليلى ...
كام لحيله لزم وجهي ..
_ديري بالج هالحجي يطلع منا ...
هزيت راسي بلا ...
اخذ موبايله وطلع ...رجعت لغرفتي ...
خابرت رنا ...
_هلاو رناوي ...شونج...
_هلاو عمري ...مشتاكتلج ولج
_انجبي العصر جنا سوه ...
_هههههه شسوي معندي غيرج ...هاي شنو ...
خفت ...
_شكو شصاير ..
_دااسمع هوسه بغرفة رائد
بلعت ريكي عرفت كرار هناك ...
فد ساعة ورجع كرار ...ووجهه صاير احمر ...
فتت وراه ...
_شصار ...
_الجلب مقبل ...لحد ماهددته بعمي وابويه...يلا قبل.. ولج ماصدك لهسه ...ابن حجي احمد يطلع منه هيج....احنا صح معروفين بشغلنا بس قبلها انعرفنا باخلاقنا..
كعدت بصفه طيطبت على متنه ...اهدا بعد كلبي ...الله يعدي هالبلوة على خير...
وصار وتقدمنا لريما انا مااطيقها ...انا وكرار الوحيدين نعرف وطبعا حلفني كرار مااطلع هالسر ...وانا حلفتله ....
الخطوبة والزفة ماطولت ٣اسابيع ...بيت عمي استغربو من السرعة ...بس كرار قنعهم لان غريبة مو زينه الخطوبة الطويلة يحبون كرار هوايه ....
بيوم الزفة خابرتني ليلى ..
_شونج ليلو...
وصلني شهكتها ...
_شوني ...خلال شهرين خسرت اخويه وعائلتي ...وخسرت حبيبي وخسرت صديقتي ...شوني راح اموت من الفرح...اسئلج بالله ..فرحان بعرسه...
عرفت درت اليوم زفته..
_اذا تصدكيني راح اكولج اليشوفه يكول اليوم رايح جنازة مو زفته ...من يوم الطلبوها وعقد عليها ماطالع وياها ولااختار وياها شي ...ولاشفنا ضحكة بوجهه من يوم العفتيه...ليلو حاسه رائد روحه ماتت بروحتج...
انسد الخط ...
اتنهدت ببقهر عليها ...العاشتها هي اصعب من العشته انا..انا جان حبي من طرف واحد ...بس همه جانو يحبون بعض وبيناتهم وعود تالي كسرها ...الله يعينها...شفته كاعد بصف ريما والموبايل على اذنه ومبين الوجه اصفر ...ردت اعرف شبيه ...من شفته راح لغرفة رنا ...تقربت ...
_لا لا والله مبيج نقص ...والله انا الناقص ليلو ليلتي مداكدر انساج...ليلو بس كليلي اكو فرصة ثانية النا ....لا لا تسدينه ليلى ..لاااا دخلت بسرعة ...
_رائد فدوة ...اسكت راح يسمعوك...
تقرب مني...
_شسويي راح اموووت وج راح اموت...
_انسى كل الصار وانطي فرصة لروحك ولريما...
صاح بيه...
_شنسى ...انسى حب خمس سنين ...انسى كل الحب والغزل والوعود البينا ...ولج انا ميييت متتت ...
_ماشي بس اسكت ..خلي هالبوم يعدي لايسمعون عمو وبابا ...
عقته ورجعت ...اشوف ريما شكلها طبيعي مو مال وحدة مجبورة ...ولامال وحدة راح تتزوج شخص ميطيقها والادهى سرعة التفاعل بينها وبين رفل زوجة رافد ...الله يثخن لبنهم عاد شون اثنين...تقربت رنا...
_اكول هالاثنين شبسرعة صارو كلب واحد ..
_شمدريني...انتي كاعدة وياها لو انا...
/***★******★*********
رنا
راح يصير جم شهر والخاتون بعدها متشتغل شي ...
وراح تجيناخاتون ثانية ..وتعاي يالفلبينية رناوي ...
اليوم عالغدة متحملت لو اضل على امي اصير فلبينية من صدك..
_بابا ...رافد..مااردت ادخلكم بهالشي بس لو اضل على ماما ماتحجي تخاف لاتزعل صار جم شهر متزوج... لو مامتزوج اضل اخدمك بعيني للحد مااموت بس الله مايقبلها راح تجيني امتحانات اخر السنة ...
_شكو رنا...
_رافد كول لرفل ...تساعدني انا وماما ميصير امي وكت الامتحان متقبل اشتغل وهي الله يهديها تكضيها بغرفتها بس وكت الاكل تطلع ...
باوعلها رافد مصدوم ورجع باوعلي ..
_يعني كل هالفترة ..رفل مامشتغله شي....
باوعتلها الوجهه صار اصفر...كامت لحيلها وهي تبجي...
_جذب والله اشتغل الاكدر عليه داانضف غرفتي مهتمه بيك وبلبيك ...بس هي متحبني ...لان مبينه منو ديعبي براسها عليه...واريد تخرب بينا...صاح ابويه بيها...
_شقصدج ..اكو من يعبي براسها ...
جاوب راف_ماكو شي بويه سوالف نسوان ميخصنا متحملت وحجيت ...
_دام تعرف سوالف نسوان جا ليش ذاك اليوم ضربتها لحلا من ورا الخاتون...ابويه كام لحيله ..
_شنو شنو ...انت ضربت حلا ...لك ليش ...
جاوبت هي ...
_عمو هي ...
صاح ابويه...
