حلا
الايام الجاية ...مرت باسوء حالات ...رافد الي كلما يوصله رسالة يتخبل علينا ....وعلاقته بادم خربت اكثر واكثر ...فتحت الجبس. ..شويه ارتاحيت ...
واحركها بهداوة ...
كمت انظف على كيف...
وكالعادة غرفة رائد مقفولة ...
كملت كل شي ...وطبخت سويت تمن وفاثوليا ...وسويت زلاطة ادم يحبها ...
خالة جبتها الحمدلله وضعها متحسن ويه المساعدة توكف لحيلها وتمشي على كيف . . والعوجيه تستند عليها ...
مااريدها تبقى وحدها ... وتضوج من تفكر بوضعها هسه وقبل. ....خالة محانت تكعد ابد دومها تلاكي شغلة تلهي روحها بي ...
اباوع لادم ...صاير منطوي ...لايضحك حتى لعبه كله عرك وضرب ...اخذت نفس ...والله هالولد حيتخبل من وره اب وام ميسوون فلس ...
رائد ...اجا وركض حضن امه ...وباسها يو وم ولج يوووم ولت سنين الوجع والحزن والوحدة ...ولج يمه ردتلي روحي
يوم ردتلي كليبي ....
حجت خالة بالكوة ...
_شكككو يوووم اول ممرةة اشوفك فرحان من سننييين ...
_ولج يمه ردتلي ليلو حبيبة كلبي وافقت تتزوجني يممممه...
فرحت خالة ...وبين الفرح بوجهها ...
عالغده رائد حجه ويه عمو ورافد ...فرحو لفرحته وقررو بعد جم يوم يروحون ويخطبوها ...طبعا رائد كلي اكون انا الوسيط ...وانا احاجي خالتها وكأنو انا خطبتها لابن عمي. .هو شافها من اجتنا ...
خابرت ليلى
هاولج خاينة ثاري الماي تمشي جوايه وانا مالي علم ...
****★***★******★******★
ليلى
عمو تعب هوايه ...وادري غياب ارام اثر عليهم هواية ...ادري عمو متعلق اهوايه بارام..وخالة هم...بس ميبينون كدامي ..
رجعت علاقتي برائد... شكد حاول يجي مقبلت كتله بعدنا باول الطريق....قبل ...
رجع غنى..
فقضيت ليالي من هوى
لازال فؤادي ما رتوى
لازلت اراك ولست ارى فبماذا سابدا ياترى...هل سبق ان هام احدهم
سئلته ...
مجنت ادري صوتك هالكد حلو...صدك هالاغنية حلوة...
_مرة سمعتها براديو من اول كلمة جيتي ببالي واتخيلت وانا اغنيها الج ...وانتي ماكو اغنية سمعتيها واتذكرتيني بيها ...
جاوبته...خليها سكته..
_لابربج ...احجي...
_والله ليش الجذب كل اغنية بيها خيانة تخيلتك وتخيلت انت وياها ...وتخيلت حبنا الضاع من وراك ..شكلت لروحك من خنتني...
سكت ...وحجه مبين العبرة بصوته...
-جنت حقير ونفسي دنيئة...ادري مراح تنسين ..ومتأكد راح اتعب هوايه لحد ماارجع ثقتج...بس حالف مااضيعج من ايدي مرة ثانية ..
_راح اتعب واتعبك وياي ...الشك راح يكون جزء من حياتنا...
_انا اقبل ... المهم تصيرين الي ...اول ماافوت من الباب الموبايل يضل يمج...ومااطلع غير للشغل واضل مكابلج
جاوبته ...راح نتعب رائد ...وراح تمل ...
جاوبني بسرعة...لا لا والله مراح امل ولااكل ...بس تكونين الي ووياي ...انا قابل بكل شي المهم تسامحيني...
_الله كريم ..طلعت من غرفتي سمعت صوت ارام وليندا...
وعمو صوت ضحكه من دخلت ارام دار وجهه وليندا تباوعلي باستهزاء
_تعاي يمه ..اشرتلي خالة كعدت يمها..
_خالة دكتليي حلا تسلم عليج وتربد تحاجيج.
_شكو يمه...
_من رحت ابن عمها شايفني ...وكايل لاهله اذا اتقدم يوافقون حجه عمو...
_وانتي شنو رأيج بويه ..
_عمو ...لو سألتني قبل جم اسبوع جنت اكول لا... بس شفت الدنيا تفتر بيه ..والجنت اكول عليه اخ ويند بين يوم وليلة ينكلب ...الركضلي بيوم التخرج...وسوه كل شي جان ياسر الله يرحمه مواعدني بي...باعني برخص...صرت اخاف على روحي لايصير بيكم شي لاسمح الله وانذب بالشارع بكلمة...فاختاريت اتزوج انا هم وابني عائلة ومااضل منتظره احد يكونلي سند ..
ولاباوعتله...تقرب ارام وكعد على ركبه كدامي ..
_لزم ايديه ..مراح تسامحين اخوج اذا غلط...
مجاوبته وخالة كالت .
_يمه مامقبولة هالكلام....اذا ارام قصر انا وعمج بشنو قصرنا..وخرت من ارام العفته بالكاع ..وركضت لخالة ...لالاخالة ..والله لو تنطيكم عمري ..مااوفي حقكم ...سويت روحي زعلانة متردين تشوفيني متزوجه ومستقرة ترى راح يصير عمري بعد سنتين ونص ثلاثين ...يعني عنست ..حضنتني ..لابمه بس هم راح تبعدين عني .
_راح اجيج كل اسبوع وانتي هم تعالي ...انتي وعمو ..
ثاني يوم ..خابرتني حلا .. وحاجت خالة..وكالته من سنين يحبها ...ومطلق شفت خالة ضاجت...ومن سدت كالت
_يمه شنو ناقصج وتاخذين مطلق..
اضطريت احجيلها انا احبه ماما...من كتلها ماما ...حضنتني بقوة وتبوس بيه ..
_هاي هيه يمه حياتج ...المهم تنسعدين..
اخذت نفس ...
طلعت من الدوام ...وشفت سيارة ارام ..اخذت نفس...نزل من شافني ...اتقرب مني ...
_حك ذيج الايام والسنين الحلوة... انطيني فرصة نحجي سوه...هزيتله براسي راح كال للخط انا اخذها ...راح...
صعدنا ..رحنا لمطعم abc مطعمي المفضل..
اخذت ستيك لحم ...يخبل طعمه .
وهو طلب همبركر..
اكلنا ..وخلصنا ...من وصلنا خابرت خالة وكتلها فرحت من درت جاييني للدوام ...
كملنا ...طلعنا لبارك وكعدنا..انتبهت موبايل جم مرة دك ..قفلها ..
_جاوبها لاتصيرلك مشكلة.
باوعلي بخجل ...
_طالع ويه اختي ...الميعجبه يدك راسه بالحيط..
اخذت نفس..
_لاتخرب حياتك...لخاطري ...كلها ايام وراح اروح...تضل انت وياها ...لاتفكر بيه...لزم ايدي...
_سامحيني ليلو..ادري اذيتج...وعاديت اهلي وعاديتج لخاطرها ...بس من حجيتي اول البارحة كرهت روحي ...انت اختي وبنت عمي قبل لااعرفها واتزوجها ...والبارحة تعاركت وياها كتلها ليلى اختي واذا ميعجبج علاقتنا الله وياج..
جرني لحضني...مراح تسامحين اخوج الغبي ..
ابتسمت وحضنته قوي..لاتحرمني منك ..مااتحمل يكفي خسرت ياسر لاتخليني اخسرك...
_المهم انتي موافقة عالزواج لو بس تردين تتزوجين وخلاص..
_لالا الحمدلله مقتنعه بيها ...
***★****★*****★*****★****
رنا
نومت ريام وعلي ...الحمدلله تحسنت حالتي...
سكعت صياح عمي وكرار ...طلعت ركض ...وخالة. واكفة ...
_شافني عمو وسكت باوعلي كرار ..واشرلي تعالي . رحت يمه لزم ايدي ..
_مو حجيتلج سالفة ذيج الجلبة...عرفت الموضوع عنها ...اشرتله اي ...
_مو عايفتني ويوميه جايه وابويه يتهمني انا منطيها وجه ..هاي زوجتي وبنت اخوك كدامك واسئلها شكد احجيلها عن هالجلبه وشكد مضوجتني ...
جاوبت عمو ...
_لاصدك عمو ...هي صار هوايه متعوفه ...وكرار يكول مبين اخوها موافقها من هاي مستقويه ..ونخاف نسوي شي ووينكلب علينا ...
كعد عمي بتعب ...
والحل شنو ...شراح نسوي ...خاف عمك ينتبه ...
حجه كرار ...انا هسه اروح لعمي واسولفله ...اصلاالولد حجيتلهم ويدرون ..
عمو هز براسه باس راسهم ورحنا لغرفتنا ...ذب القميص وكعد بتعب ...
_ولج اول مرة ابويه يباوعلي بهيج نظره ...
طبطبت عليه ...
_هذا امتحان ربك الك ياشيخ كرار حاجيته بضحك ...
_اي وانتي فرحانة لان واثقة عيوني متشوف غيرج ...
_ايووون ... الف الحمدلله من الله خلى شخص مثلك قسمتي ....تطلع ومااعندي اي شك بيك وواثقة مراح يجي يوم وتكسر كلبي ...
حضنته ...ومقورة عليه مبين التعب عليه ...باوعتله
_معقولة ماكو حل ..
باوعلي وضحك ...
_ماضل غير اروح اشتكي عليها بتهمة التحرش ....ضحكت ...حجيت بخوف
_كرار انتبه هالمرة ناويه نيه ...
_الله ويانه ياروح روحي ...
_ونعمه بالله ..
****★*****★******
جنة
اكل باظافيري ...اريد افاتحه بالموضوع ..وهو من جوه الجوه يباوعلي مبتسم ...والموبايل بايدي ...امير نايم ...تقربت كعدت كدامه ..باوعلي من ورا خشمه ورجع يباوع لموبايله...
حمحمت ...باوعلي وذب موبايله
_خير جنة خاتون كبين وراج سالفة وجايدة مبين من توترج ...
_شوف ...شسمه...
_هسه شفتهمت انا .
حجيت بسرعة
_اريد اشتغل ...
باوعلي رافع تك حاجب ...ججيت بانفعال ..ماتعبت كل هالفترة حتى اكعد بالبيت ..
_امم ..
_اي فاريد اشتغل
_المطلوب ...
_تفتحلي مكتب ...
_تمام ...وتمدد ينام ...
دغيته باوعلي .
_يعني تسويلي ..
_موكلت تمام ...
حضنته ممصدكة ...
حضني ...وخرت منحرجة ..
_اسفة اندفعت ..
_جرني لحضنه ...واليغلط يدفع ثمنه ...
..........
كعدت الصبح ... كدام المرايه واكف. ..يمشط بشعره ..
كمت لبست الروب. .
_صباح الخير ...
جاوبني
_صباح الورد ...
اتقرب باسني وابتعد ..راح اكعد امير وننزل وانتي سبحي ولحكينا ...
دخلت سبحت ولبست تراكسود وشلت شعري شويه نشفته مابيه حيل ....
نزلت جوه ...كالعادة سارة كاعدة بصفه وساحلة روحها ..ردت اكعد كدام كال ..
_سارة ياريت تغيرين مكانج هذا مكان ام ابني جنو هي باوعتلي بحقد وكامت حجت خالة ..
_والله زمن من انهزمت ...حلفت تذبحها من تلاكيها وهسه صارت ام ابني جنو ..باوعلها ...والله يا جنات خاتون من قارنت افعالها ويه افعالج وبعدج ممتحاسبه على شي لكيت فعلتها اهون بالاف المرات عالسويتي انتي ...على الاقل جان عدها دافع لافعالها اما انتي ماشفت اي دافع غير الحقد على مرة ميته من جم سنة. ...
باوعتله والوجه اصفر ..
_عن ششنوو تحججي انت ..
_خليج بعيدة عني لا يلوحج طشار ياام صهيب ...
كام وراح ...
قبل الظهر اجو خواته. ..
اوهو مراح نخلص ...من كبرنا كرهوني مدري امهم بدلتهم لو ضمو السالفة لان من جنا صغار جنا صديقات
فاتت
جنان _اوهو صبحنا بوجه البومة يعني يومنا زفت ..كعدت رجل على رجل ...والعب بشعري ...اذا كل هالجمال وبومة جا وجهج شنو ...تقربت بتهجم كمت بسرعة لزمت ايدها...وحجيت باعصاب ..اكسر ايد التنمد عليه يبت عمي ..جايه تكعدين ساعة ساعتين اكعدي بادبج. ..
هي تباوع وراي .. وكامت تبجي ..ودفعتني خفيف ..شفت شفت ياابن امي وابويه انطردت من بيت ابويه ...درت وجهي من شفته اتجتفت ...اباوعله ...
اعتذري ...
باوعتلهم يباوعولي بمكر ..
_بببس هي ..
صاح اعتذري منها ياجنان ..وهي فزت ووخرت منه ..
_جا انا شسويت... عدل شعرها ..جا ماتدرين اليرفع ايده على جنة شنو مصيره... بلعت ريك رفعت حاجبي وباوعت على اخته الثانيه جوان ... خالة وسارة انكلب وجوهم ..
_مثل ماكالت جنو تجون تكعدون بادبكم واخليكم على راسي يامرة اخو سارة...
باوعتله وردت باوعتلي وحجت بحقد
_اعتذر جنة ...جنت متضايقه لخاطر سارة ...
_عادي ...اتقربت من صهيب اول مرة اسويها من رجعت حضنته ...
_الله يساعدك حبيبي ..
_باس راسي
_ويساعدج يبت روحي ..
تغدينا وانا فرحانة ...من خلصنا و كت روحة البنات ..اندار صهيب كال سارة ..يلا بويه خلص وكتج ..روحي لاهلج ...كلهم شهكو حتى انا انصدمت شنو يعني حلص وكتها ..تقربت ونزلت دموعها ...لا لا عفية صخيب ...انا موافقه اضل وياك هيج ...بس فدوة طلاك لا .. لزمت رجله احبك صخيب من وانا طفلة ومااردت غير وقبل بالجزء القليل بس اكون وياك .. وهو واكف ولاتحرك ولاباوعلها ..حجت جنان ...
_معقولة تخرب بيتك وبيتس لخاطر وحده نهزمت سنين الله اليعلم شسوت...قاطعها من راحلهل بهجوم وخنكها. .حدج لهنا يابت امج ...اذبح اليجيب اسمها بالغلط مو عاد تحجي بشرفها ..تشرفج وتشرف عشيرتج ...اخذي بت خالتج وولو.
خالة حجت بدموع. _اريد تخرب علاقات الكل لخاطرها ...
_واحرك الكون لخاطرها. .. العده كلمة يحتفظ بي لنفسه ...اخذ امير ولزم ايدي واخذني فوك ...دخلني وكعد عالجربايه ..وامير نزل بالكاع ..اشرتله يروح للالعابه ..
كعدت يمه ...
_شكو صهيب جا اذا ماتريدها ليش تزوجتها ...
_انجبرت جنو ..
_شنو ...شون وانت ماكو واحد يجبرك على شي مامقتنع بيها ...انجبرت لخاطرج ...
**★****★*****★******★
شيماء
قررت اتخلص منه ..بس شلون ماادري ...
طبعا بحجة ماعدي احد حتى موبايل ماعندي ... والفترة الجان بالمصح من درى حماي جابلي موبايلي طلع روحي من وراها واخذها ...
اشوفه يوميه يتأنق .ويطلع ...ومن يرجع يراسل ويضحك ... وهو فرحان ..وتبلش ليلتي السودة ... تعبت تعبت ...اريد اخلص روحي ...الطريقه الوحيدة اوصل للشخص الديأذيه عماد ...واساعده ويساعدني بالمقابل ... هو الوحيد يكدر يطلعني من
هذا الجحيم ...
بليل رجع منتهي فد مرة
طلعت موبايله اليراسل بيه
فتحته ممخليله قفل ...
طلعت بره ...شفت الرسائل ومنها طلعت الرقم وعرفت يراسل بمنو ...
كتبت رقمه .... مسحت البرامج الفتحته ...وقفلتها وضميت الرقم الكتبته ...ورديت نمت بمكاني وانا اباوعله ...مناقصه شي من ينام طفل بريء جا ليش وصل لهنا خالة دوم تكول من ورا ابوه خبله وكرهه بالعالم كرهه حتى باخوته...
***★***★*****
حلا
الايام سيئة ..الوحيد المفرح خبر زواج رائد الراحو وطلبوها وردو الموافقه مقررين بعد اسبوعين المهر والعقد ... بس الصار كرهنا بكل شي ...
بيون رجع رافد متخبل ..ورائد وعمو يجرون بي ... وادم ركض لابوه راد يسوي مثل رائد ويهدي بابوه ...الصار دفع رافد وكال
_روح من وجهي يانغ .. ولك اكرهك اكرهك... جريت ادم وصحت بي .._تستاهل كل الصار بيك ...ولك طفل ماخلص منك ومن عصبيتك تستاهل كل اليضير بيك ...ادم ركض ...عبالي راح لخالة ...بس فزينا بضربات قويه عالباب. ..ركضنا واحد من جوارينا ..كال ولك رافد ابنك ضربه سيارة وانهزم...وكعت بالكاع ممصدكة ...ورافد انصدم واكف بمكانه رائد وعمو ركضوله...صحت بيه
_كوم ياجبان ...الله ياخذك والله اذبحج اذا يصير بابني شي ..سمعت الله ياخذك ويخليه ...
دخل رائد يجر بي .. وانا الطم ...وسمعت صوت وكعه انداريت خالة واكعة ...ركضتله ...عبالك ميته ... لطمت ركضت جريت موبايلي ... خابرت كرار ..
_الحكني كرار ...خالة خالة وكعت ...
اجا كرار بسرعة واخذناها وانا احجيله الصار خابر رائد ماكو .. ميجاوب ولاواحد يجاوب ... وصلنا للمساشفى ودو خالة للطوارئ.... كالو ماكو ضغطها مؤتفع ...حمدت ربي مو جلطة..
ركضنا نسال على ادم .. صاح كرار هذا رافد ...ركضناله حرار كله ...شلونه ادم..دموعه على خده صحت بي مووكت دموعك وينه ...اشر لغرفة ركضنا ....كالو بالغمليات نزيف عده ...ضليت ادعي وعمو من درى بحالة خالة كرار وداه الها. ..ضليت ادعي ربي يشفيه ...طلع الدكتور ...
_جنت متمني اطلع واطمنكم ...الولد وصلنا وهو منتهي نزف بالدماغ وللاسف مكدرنا نسيطر عليه ...الله يصبركم انا لله وانا اليه راجعون ...وكعت بالكاع ...واحس اذني توشوش ..مااسمع غير مات ..وكلام رافد ...انداريت واكف مصدوم ويمه رائد ....
****★******★*****
يتبع ...
بارت من وكت خفت ماالحك انزلها بالليل كالعادة غلسو عالسحكات ماعندي مجال اراجعها بيوم اعدل كل السحكات
