حلا
مرت الاربع سنوات وانا بس عايشه بجسم روحي ماتت من يوم زفتي ...كل يوم يتقرب مني ...بس حتى يخليني اكره روحي ... مدااكدر اتحمل ...ومنا خالة السنة الفاتت صابتها جلطة ..ماريد اعوفها ... وهي جزئها الايسر ثكل ويادوب تكدر تحركه ... بس ضعفت ووجهي اصفر مصار عندي اطفال لان هو ميقبل يجيب مني اطفال واصلا مافكرت ولااريد ...هو انا ماادري نهايتي شنو بس متاكدة مااكدر اضل وياه للموت ... اريد اكبر ادم وخالتي تكون بخير واعوفه ...
اتذكر من اربع سنين من واجهته وكلي داانتقم منج عالجنتي تحسسين رفل بي ....
نزلت دموعي
_شمحسستهاة...انا انا الجنت اموت يوميه من اتخيلها بحضنك ... انا الجنت اموت من اشوفها تدلع عليك ولابينت ولاحجييت ...شمسويه الها ... حتى من ماتت ماخل... ماخلاني اكمل ضربني راشدي ...لزمت مكان الراشدي ثاني مرة انضرب ...مرة من هي عايشه وهسه من كيته ..
_رفع اصبعه ...وهو يهدد بيه .. ديري بالج تجيبين اسمها على لسانج ... شو صدك خلي اسئلج شو ابو الرسائل اختفي من عقدنا .... مو المفروض يتخبل من يعرف بيج عقدتي ... لو اصلا هذا كل خطة وتدبير.... حتى اخذج ... ترى ادري كلها خطة منج ... وهاي انا ابن العم اليخاف على بنت عمه واخذتج بس اخذتج حتى اطيح حظج يوميه ...
عافني بالكاع ...ودموعي مستمرة ...معقولة هيج شايفني حقيرة ورخيصه ...اجذب بس حتى اتزوجه ...بس صدك ليش اختفى ... صح كلامه ... راسي كام يوجعني ... منو اله مصلحة يخوفني هيج ويختفي ...
***★"""""”★*******
رنا
هالاربع سنوات مرت عليه بسعادة واشكر الله يوميه واحمده لان رزقني بكرار... صار عندي علي ...وحاليا حامل ببنوته ... من تخرجت وتزوجت كرست حياتي لزوجي ولاطفالي ..
عايشه احلى حياة ويه خالتي وعمو ... مافرقوني عن بنتهم حلا ابد ...بس حلا اخخخ حلا ...انا وكرار نشوف الندم بزواجها من رافد شكد احاول اعرف البينهم ...تبتسم بحزن وتكول الحمدلله مرتاحة ... وين الراحة وانا دوم اشوف الدمعه بعيونها ..حتى كمت مااكعد بصف كرار ولااشاقيه خاف رافد ياذيها مااريد تنقهر من نشوفنا احنا مرتاحين ...صح تنكر بس متاكدة اختي مو مرتاحة ويه رافد ...وكرار هم يحس نفس احساسي بس مابيدنا شي لان احنا الاثنين حتى لو نحجي احتمال صاحبة الشان تنكر وكتها مانكدر نسوي شي ...كرار شكد يحجي ويه رافد ...رافد من يوم التزوج حلا علاقته ماضلت مثل قبل ويه كرار ...ودائما اشوف الخجل بعيونه ..جاليش هيج تسوي يخوي ... فزيت على ابني الاجا وحضني ... وخله ايده على بطني ..ماما اختي ....
_ابتسمت وحضنته اي كلبي دادا هنا
بسته وطلعت يم خالة... وكلت اروح اطمن على ماما ...كالت راح تجي وياي
رحنا لبيت اهلي .. سلمت على ماما وبوستها ..ورحت بوست دنفوش ..ورحت ادور على حلا ...
رجعت سئلت ماما كالت دتشر ملابس فوك ...
رحت لغرفتها انتظرها. ...
شويه واجت ...من شافتني ابتسمت ...وحضنتني ...
_شونج حلوش
_هلاو كلبي ...اليشوفنا ميكول كل ساع نشوف بعض ..
ضحكت وكعدت بصفها ..
_ولج تعاي كعدي كدامي حتى بنتي تطلع نفس عمتها ..
ابتسمت بقهر ..
_بس كون حظها مايطلع على عمتها ...
باوعتلها وهي تحجي بقهر ..لزمت ايدها ليش متحجين البينكم ... حتى نكدر نحل اذا السالفه تنحل ...
_هفيت على وجهي ...ماكو ش...اكو شغلات ماتنحجيي....
_براحتج ...لاتنسين انا اختج مو اخت رافد ... حضنتني ...وشهكت ...
_وخرتها اسم الله عليج من الشهكة ..حلا مااعوفج اذا ماتحجيلي ... مسحت دموعها ورادت تحجي سمعنا صوت رافد ... كامت لحيلها ..وكالت
_يلا خلي نطلع .. استغربت خوفها ...
طلعنا شافنا وفتحلي حضنه ...ابتسمت وحضنته ..شونه كرار وياج ...
_جاوبته بقصد ...نفسك انت ويه حلا ...اختفت ابتسامته وباوع لحلا ...الي هملته وراحت لامها تسلم عليها ...وتسويلهم عصير ..
"******★*******★******""”"""""""
جنة
لزم ركبتي بدون مايضغط عليها ..دموعي نظلت ..ويجي امير باذني ...عاف ركبتي بدفعتي لورا ...وكعد على ركبه كدام الامير...ونزلت دموعه ...
فتحله حضنه ...
_ماتعرفني لك ... ضحك امير وحضنه لان انا مشوفته صور صهيب ويدري هو ابوه ...
_بابا ...حضنه ومسح دموعه ...
_رفع راسه وباوعلي ... هذا الشي راح يشفعلج جزء بسيط من عقابج ... بس لان ماضميتي عن ابني انا ابوه ...
رحت كعدت عالكرسي ...
اجت خالة وشهكت من شافته ...باوعلها وكام لحيله ...
_باوعلي ...لمي هدومج تانولي ... بلعت ريكي ...
_مااا مااريد ..باوعلي وهو رافع حاجبه ...
_مسمعت ..
_مااىيد ارججعع لهذااك البيت ... ابتسم وتقرب مني كمت لحيلي ..ورديت لورا ..وخالة كالت اسمه ...رفع اصبعه بوجهها ..ولاكلمة لاتخليني انسى فرق العمر واأذيج ..
سكتت خالة ...ورد باوعلي ... لاتخليني اعاقبج بابنج ...واضوكج الضوكتيني ياه وانا بعد اربع سنين اكتشفت عندي ولد ..انتي راح يكون قاسي من اخفي ابنج واخليج مثل المخبله ماتعرفيله طريق ...
الج ١٠دقايق انتظرج انا وابني بالسيارة ...الدقيقه ١١انا وابني نطلع ونختفي وادزلج ورقه الطلاق
_طلع وكعدت ابجي ..خالة تقربت كومي يومه...خذا مبينه متخيل لاصدك ويحرمج من ابنج ...
_وانتي خالة ...
_خليج بابنج وانا ادبر روحي ...
_مااكدر اعوفج خاله ...عفتي جوارينج والتعرفيهم لخاطري ...
_باستني وكومتني ...يلا يمه ..بسرعة ...
