بعد مرور سنة
جنة
جبت ابني الامير ...وقدمت هندسة نفس ماحلمت ...بس مسائي لان حم سنة مامقدمة رحت للمسائي ...لان دوامه قليل ومااكدر اعوف امير ...صح الاقساط هوايه ...بس الحمدلله خلال هالسنة جان عندي الذهب وجمعت فلوس من شغلي هم ...
اعوف الامير يم خالة...واروح اداوم ولزمت خط ...
تعب هوايه بس يستاهل ...هذا حلمي ...
ارجع للبيت ركض لابني اشمه واحضنه ...اشم بي ريحة الغالي ...ياترى هم مشتاكلي ...لو يريد يكتلني لان انهزمت ...نزلت دموعي ..
_اموري ..سامحني لان دااحرمك من حنان البابا ...بس صدكني ماما تعبت ...
تشبع منه اكل ..وارجع اشتغل وراها ادرس لقبل صلاة الفجر ...يلا اخذ ريست وارتاح ...جوه عيوني صايره اسود من ورا السهر والتعب ...
***★******★*******
حلا
ورا اخر سالة اشعار جتني اختفى من انطيته بلوك ...
بس اليوم هم رجع دزلي اشك نفسه لان نفس الاسلوب ...
الرسائل نفسه ..هالمرة قررت انطيه لكرار بس مااحجيله عن الرسائل القديمة لان راح يضوج لان ضميت عليه ...
رناوي حامل بالشهر الثالث ..
رفل جابت ولد ادم ...
طبعا رائد طلك ريما ...ورجع يدور على ليلى ...
وشكد راد انطي رقمها مقبلت لان هي حلفتني وهو احترم وسكت ...
عمر ادم ست شهور ...مرات رنا تجيبه اموت عليه دنفوشي ...اضل ابوس بي واشم بي هذا ريحة حبيبي ...
جم شخص اتقدملي ارفض واهلي مضغطو عليه ...لان يعؤفوني حساسه ..ويدرون بعدني مناسيته ..
سمعت صوت كرار ...طلعتله ..
_الله يساعدك ...
_هلا كلبي ويساعدج ...
باس راسي ورنا تقدمت باس راسها ...ولزم ايدها ..
_كرور بعد العشاء اريد نكعد مثل قبل ونسولف عندي سالفة وياك ...
عكدو حاجبهم اثنينهم ...
_شكو كلبي ..
ابتسمت ماردت اقلقه. ..
_ لاتخاف كلبي نفس قبل نسولف مو انت صديقي القريب ...
_اكيد عمري ...يلا رنوش...اروح اسبح وانتو صبو ابويه جاي وراي.
_بعيوني ...
رحنا نصب ..ونجهز الميز ...
فات بابا تقربت باسني وباس رنا ..وفات لغرفته ...
طلعو وكعدنا نتعشى ...وكالعادة بدون صوت ...كملنا انا رحت
اسوي الجاي ...كرار كال جيبي الجاي للحديقة ...
رحنا وكعدنا
_ها حلوش ..
_شوف كلبي مااريد اخوفك ..بس من البارحة دتجيني رسائل غريبة انكي حظر يجي يدز من غير رقم ...
عكد حواجبه ..
انطيته الموبايل.
يباوع ..للرسائل ..
_هاي شنو ...شنو هالرسائل مرة غزل ..مرة تهديد .. خاف مريض نفسي هذا ..
خزيت جتفي ماادري. ..
_صدك لان بيها رسائل كاتب ..راح اجيج الايام الجايه اذا رفضتيني اموتج ...لو اذا ماقبلتي بي اخطفج ...
كام كرار لحيله ...يريد يحفي توتره لااخاف بس وين انا هسه يلا حسيت بخوف من شفت ردة فعل كرار...
_راح اخذموبايلج ...وانتي لاتخافين ماكو جلب يكدر يوصلج لو يخوفج وانا موجود...اخذني لحضنه ...
_لج تخافين وانا اخوج ...
ابتسمت
_الله يحفظك النا حبيبي ...
ماحسينا غير على صرخة من بيت عمو ..ركضنا واشوف خاله تصرخ وتبجي ...رافد طلع من غرفته ركضى...
لحكو الولد وعمو ...
_شكو خالة. ...
_مصيبة خالة ....رفل عد اهلها. ..امها خابرت تبجي تكول بنتي انكتلت...
لطمت على صدري ...
_يمه اسم الله خاله شتكولين ...ان شاءالله ماكو شي ..
وصلو بابا ورنا وماما ...
وحجيتلهم رنا وماما كايلو خالة يهدون بيها ...وبابا يخابر بيهم ...شويه ولحكهم ...
_يارب مايصير بيها شي ...يارب لاتيتم هالطفل البريء ... ربي احفظها لخاطر ابنها ورجلها ...
رجع رائد ...ركضناله ...
_لاتسئلون شي ...مقتوله بطلقة ...ليش ومنو محد يعرف ...كعد بتعب راحت رنا جابتله ماي وخالة صاحت
_شنو يعني ...وين جانت ... مو بيت اهلها...
_بلي وىا بيت اهلها مقتولة شعدها بره ومنو ماندري ..امها تكول عبالي نايمة ويه ابنها من سمعنا صوت طلقة ركضنا ونشوفها ميته ...الطلقة براسها ...
خالة بلشت تلطم. ...كلنا مصدومين. ..ليش حتى تنقتل ...
ماخذيها للطب العدلي ..وراها تحقيقات ...بلشت ..ورا جم يوم القضية تسجلت ضد مجهول ...
سوولها عزه ...امها وخواتها يلطمون ويبجون حقهم وهي جانت اخر عنكود ... وادم يم رنا ... وخايف من الصياح ...والبحي ...اخذته ورحنا لبيتنا ... ابجي عليه راح يعيش يتيم الام بهذا العمر ..انا وصلت لهذا العمر مرات هوايه بعمري احتاج امي ...حضنته لصدري ...يبجي ...كمت خابرت رنا ...تجيبله حليب ومميه ...
جابتهن وهي تبجي وكابلتني ..شويه وراحت كالت عيب ...
مرت الايام وادم بقى يمي ..ورنا بقت يم اهلها ...وماما تجي تبدل وتطمن عليه تروح ...
كرار رجعلي الموبايل ...كال بعد هالموضوع اشوف سالفتج...
هزيتله راسي ...تقرب باس ادم بحضني باوعلي بعتب ...
_لاتعلقينه بيج ولاتتعلقين بي ..
ابتسمت بحزن ..
_لاكلبي بس لحد ماابوه يرتاح ويجي ياخذه ...
هزلي براسه وباس راسي وطلع ...
مرت الايام وخف الزيارات ...اندك باب المطبخ بقوة ..رحت وادم بايدي ...بس فتحت الباب انجر ادم مني ...وصاح بيه وهو يعت بايدي اللزمه
_ديري بالج تتقربين من ابني سمعتتتييي ...
