اوهجتي ليلي وهزيتي كياني وانا ثابت اللي مايهزه شي

1

صلوا عالحبيب رسولنا محمد صلى الله عليه وسلم
تبدأ روايتنا بالمستشفى
كان المستشفى في حالة استثارة لأنه الوقت منتصف الليل وهالوقت تحديدا تكون الحوادث لا سمح الله اكثر شي وكانوا كل الممرضين رايحين جايين على المرضى لين مادخل واحد ومبين انه رجل اعمال من الحراس اللي حاوطوه
دخل هالرجال وواحد من حراسه كان يصرخ ويقول :دكتورررر .... من اكلممم انا؟؟ جيبوا لي دكتور بسرعههه !!
شاف واحد لابس لابكوت وراح له : انت مب دكتور؟
رد الرجال : لا انا بس متدرب
الحارس : متدرب وش بعد ! متدرب وش؟؟ روح نادي لي بروفيسوررر ولا دكتور بسرعه!! كم بنقعد ننتظر هنا بعد !! وينه هالدكتور الملعون
جا واحد من الممرضين وقال : وش اللي صاير؟
راح له الحارس : انت دكتور ؟؟؟ تعال بسرعه شوف هالرجال وش فيه
انقبض لسان الممرض من الخوف ومقدر يتكلم وكان ساكت بس !
جا الحارس يبي يمد يده للممرض ولكن فيه يد وقفته!! وكانت دكتورة وقالت : انا دكتورة وش تبي؟
الحارس : ماينفع دكتورة نبي دكتور شاطر !
الدكتورة : انا الدكتورة الوحيدة هنا !! لو مب عاجبك تشوف الباب اللي دخلت منه اطلع منه ! بسيطه هي
تكلم رجل الأعمال واشّر على حراسه الثانيين وقال : وش فايدتكم انتوا تصرفوا معها وجيبوا لي دكتور مابي دكتوره !
الدكتورة : شوف لو كنت مكانك كنت بتكلم بشكل صحيح لأنه الواضح ان جرحك عميق معك ١٥ ل عشرين دقيقة وبعدها باي باي!
الحارس : شوفي علي ! لا تتكلمي وايد ولا... ومدّ يده ف محاوله انه يدفها على ورا
ولكن اللي صار محد توقعه مسكت يده وهي اللي دفته على ورا وطيحته عالأرض
قاموا الحراس الباقيين عليها ومثل ماسوت بالأول سوت بالثاني والثالث والرابع !! لين ماكلهم كانوا عالأرض وواحد ظهره يعوره والثاني يده انكسرت والثالث دق راسه عالجدار ..
بعد ماخلصت منهم قالت : لا تخافوا بعالجكم كلكم
جا الحارس مره ثانية وقال : تمام تمام خلاص انتِ الدكتورة عالجيه ولكن شوفي لو مات هالرجال بدفنك وبدفن كل سلالتك معك !
الدكتورة : بعد لك عين تتكلم !! انت خليتني اضيع الوقت اصلا خلني اشوفه
راحت تشوفه وبدت تفحص جرحه ...

<فلاش باك قبل ١١ سنة بالضبط >
كانت فيه بنت بالمدرسة وجالسه عالسماعة وتسمع اغاني لين ماجاها معلم وقال لها : المديرة تنتظرك ب مكتبها!
راحت للمكتب ووقفت وقفة ثقة وكان ماسكة تلفونها وسماعتها
وقفت المديرة ورمت السماعة عالأرض: مديرتك واقفه قدامك !
كانت البنت ساكته ولا تتكلم
اردفت المديرة : اوكي فهمتك ... انتِ مامنك فايده .. المرة كم ذي؟؟؟ لولا خاطر امك المسكينة..
ردت البنت : ذيك الحرمة مب امي !!
المديرة : ناكرة معروف!! الحرمة عاملتك كأم.. حق من اقول انا ؟ كأنك بتفهمين عاد ... اطلعي برع ... اطلعييي
راحت البنت تجيب سماعتها من الأرض يوم رمتها المديرة وصرخت المديرة مره ثانية : اطلعييي
هنا انفلتت اعصاب البنت وقامت ورفست الكرسي اللي قدامها بقوة
انصدمت المديرة وقامت : انتي وش سويتي!! اللي رفستيه الحين من ممتلكات الدولة !! صلحيه الحين بسرعه
البنت هزت راسها ب لا وجت تطلع
المديرة : انتهت حياتك التعليمية .. انتِ غبية .. ماتعرفين شي .. ولا راح تفيدين بشي .. اطلعي .. الله يلعنك
طلعت البنت ولقت امها قدامها
الأم : تعبت منك انا ! المره كم ذي؟ صرت كل ماجي هالمدرسة اتوسل عشانك!
البنت : من قالك توسلي طيب ؟ لا تتوسلين!
طلعت البنت ووراها الأم وكان ابوها ينتظرها برع ومعه سيارته والواضح ناوي على نية
مرت من جنبه ولا كأنه موجود ولكنه لحقها ومسكها وصرخ فيها : اركبي السيارة بسرعة
البنت : بروح البيت مشي
الأبو بصراخ : وين بتروحين ؟؟ امشي قدامي بسرعه
البنت : لا تصرخ الحين اصرخ بالبيت
الأبو : اي بيت ؟ اي بيت ؟؟؟ ماعندك بيت خلاص امشي قدامي عالسيارة
تقبلت الأمر الواقع وركبت السيارة
فتحت الدريشة ولاحظ ابوها هالشي وقام يقفلها وعاندته وفتحتها وعاندها اكثز وقفلها وعاندته وفتحتها وقام الأبو ووقف بريك قوي
الأبو وهو ماد يده : خلاصصص
البنت : اضرب اضرب ماقدرت تضرب بالمدرسة وشكله بقى بداخلك صح؟
الأبو : لا حول ولا قوة الا بالله بكفخك الحين
البنت : اضرب اضرب ارتاح ! بس لا تسوي مثل ماكنت تسوي لأمي اضرب مره وحدة واقتلني
الأبو وهو فاقد اعصابه وقام يضربها اي مكان بيدينه الثنتين ويصرخ : وش سويت لأمك انا ؟؟ ها وش سويتتتت
شد شعرها وخلا عينه بعينها واردف : قولي ليي شوفي علي وش سويتتت!!
الأبو : طالعه على من انتِ ؟ شوفي حالتك حتى دمعة وحدة ماطاحت منك !
البنت : انتوا ماقتلتوا امي وبس ! قتلتوا روحي معها
حرّك الأبو سيارته متوجه لوجهه ماتعرفها البنت

نعرفكم على شخصياتنا
البنت اسمها وهج جميييييلة انفها طويل وعيونها ناعسة وعلى كثر المصايب اللي عاشتها بحياتها صارت منعزله شوي عن العالم كرهت ابوها من بعد ماتزوج على امها
الأبو اسمه جلال كان يعذب زوجته الأولى وبعدها تزوج عليها وصار مثل الكلب ل زوجته الجديدة اي شي تقوله ياه يسويه لها
زوجته اسمها نورة " نتعرف على شخصيتها البارتات القادمة "

نرجع لروايتنا
وصل جلال مكان وهج تعرفه وتعرفه زيننن
نزل ونزل شنطتها معها ورماها وبعدها فتح الباب من وين قاعده وهج ونزلها او بالأصح هي نزلت بإرادتها
وهج : وراك جايبني بيت جدتي؟ وش بسوي هنا ؟ ماحب هالمكان تعرف انت
جلال : هذي مشكلتك عاد انا مقدر خلاص
وهج : ذيك الحرمة هي اللي قالت لك سوي كذا صح ؟
جلال : تكلمي صح ! ذيك الحرمة مارست لك الأمومة
وهج : قليلة الأدب ذيك مب امي !!
جلال : ارمي عليها كلام بعد ... كافي .. سوي اللي تبينه
ركب جلال السيارة وقبل لا يحرك طلع ظرف فيه فلوس ورماه على وهج وقال : لا تتصلي فيني مره ثانيه خلاص ماعندك ابو
وكانت وهج واقفه ومصدومه وماستوعبت الموضوع الا يوم شافت سيارة ابوها تتحرك صرخت عليه : هالفلوس اللي قدرت عليها ؟ هاللي سويته عشان تريح ضميرك؟ انت ابو ؟؟ انت ابوووو؟؟... وانا بعد بخليك .. مارح اعتني فيك يوم تكبر
وطاحت على ركبتيها تصيح من هول الصدمة وصرخت اكثر : انا بنتكك!! مايصير تعقني بالشارع
طلعت لها جدتها وسمعتها تقول : انا مب زباله
الجدة : وش فيك جالسة هنا ؟ ليه تصيحين؟
وهج وهي تمسح دموعها: ماصيح ! ليه اصيح بعد
الجدة : ابوك وين ؟
وهج : ماتشوفينه راح ؟
الجدة شافت الظرف الطايح وراحت تشوف وش فيه ويوم لقت الفلوس : مافيه خير ! يجي لين هنا ومايبوس يد امه ! وش اتوقع منه ؟ مب ولد تراب
راحت لوهج وخذت منها الشنطه ودخلتها داخل البيت وجهزت لها العشاء
وهج كانت تاكل بشراهه
الجدة : شوي شوي عاد ! مارح يطير منك الأكل واردفت : خبريني ضربتي احد بالمدرسة مره ثانية ؟
وهج : مب ضرب هالمرة ... قالوا انتِ ذكية وايد ف ماتحتاجين المدرسة
الجدة : شوفي بقولك هالحارة صغيرة بتنتبهي ليدك ولسانك ولا ..
وهج : ولا ؟ بتطرديني بعد ؟
الجدة : وش هالكلام ؟ تراني مب عديمة ضمير
وهج : لو كنت عديمة ضمير مارح انصدم والله
الجدة : لا تقولي كذا وبعدين بتروحين المدرسة اللي هنا .. خلاص
وهج : غصب يعني؟
الجدة : لو مارحتي العصا جاهزه واردفت : يمكن يطلع معلم شاطر
وهج وهي تضحك : اقولك شي بس مابيه يكون هدم لأحلامك بس انا طالبة محترفة ل١١ سنة مافيه شي اسمه معلم شاطر
مرّ اليوم بسلام ورقدوا كلهم ...

نجمة🌟🌟
عطوني رايكم بالتعليقات