اوهجتي ليلي وهزيتي كياني وانا ثابت اللي مايهزه شي

2

< يوم جديد الصباح >
كان فيه معلم يجي المدرسة كل يوم ب سيكل
نزل من السيكل وكانت كل انظار البنات عليه من وسامته وطوله وعرضه !!
دخل المدرسة ولقى قدامه بنت يدرسها اسمها سارة
المعلم : سارة
سارة : هلا
المعلم : اخذي الشنطة داخل الصف
سارة : شايفني خدامة عندك؟ تعطيني هالمهمة كل يوم ؟ ليش يعني
المعلم : من يعلم ؟
راحت سارة ودخلت الصف واخذت الأغراض معها وبعدها بدت الحصة وكان موضوع الدرس عن العقل والقلب
اردف المعلم وبدأ بالقلب وطلع قلب خروف وخلاّه بطاولة سارة وسألها : قولي لي وش هي وظايف القلب؟
سارة : يحب
كل الصف ضحك والمعلم معهم و رد عليهم : جواب حلو بس هذي حقيقة غلط! واردف : تعرفون ليش ؟لأنه الدماغ هو اللي يختار الشخص اللي بتحبوه مب قلبكم لأنه الدماغ يعرف وش اللي تحتاجوه ويوم يشوفه يعرفه بسرعة يعني الحب يبدأ بالدماغ وبعدها يعيش فالقلب اذا مانسيتوا هالشي او ماغلطتوا فيه بترتاحون وايد .. فهمتوا ولا؟
الصف : فهمنا
المعلم : حلو خلينا نكمل

نعرفكم على معلمنا
المعلم : ثابت المفروض دكتور جراحة بس ترك هالوظيفه ولجأ للتعليم وحبّه ابوه وامه متوفيين من وهو صغير بس فيه واحد ربّاه وكبره
سارة : بنت دلوعة ابوها وماتحب احد ياخذ شي لها ومعجبة ب ثابت اشد الإعجاب

< نروح لبيت جدة وهج >
فتحت غرفة وهج وفتحت ستارتها ودخلت الشمس عليها وعلى وجه وهج تحديدا
الجدة : صباح الخيرر
وهج وهي تحاول تغطي وجهها : ابي ارقد
الجدة : اوه اوه قومي قومي بتتأخرين عن اول يوم بالمدرسة !
وهج : مالي خلق
الجدة وهي تطلع ملابس حالها لاحظتها وهج وسألتها : على وين ؟
الجدة : المدرسة
قامت وهج ولبست ونزلت تحت وكان جدتها تنتظرها
وهج : بروح المدرسة لحالي
الجدة : وش هالعناد ؟ اللهم صبرك
وهج : انا ولا انتِ؟
الجدة : تمام عيل شلّي هالعسل واعطيه المدير وسلمي عليه
وهج : تمام
الجدة : وفيه هنا محل قدام يبيع ملابس مدرسة اخذيهم
وهج وهي تهز راسها ب اي راحت
مشت وهج واول زباله شافتها قدامها عقت فيه العسل " استغفرالله"
وراحت السوق وكان ثابت بعد بالسوق
وهج وقفت قدام بسطة واحد يبيع اشرطة افلام وحاولت انه تسرق واحد وكان ثابت بالمثل يدور له على فلم معين ف نادى راعي البسطة وراح لثابت وهنا وهج استغلت الفرصة ودخلت الشريط داخل ملابسها ويوم جت تبي تروح شافها راعي البسطه ومسكها من وراها : وين رايحه ؟ وش سرقتي
وهج بصدمه : ها ؟؟ انا !! متى سرقت
راعي البسطة : افتحي الشنطه خليني اشوف
وجلس يسحب منها الشنطه لين ماخذاها وبعدها فتح ومالقى شي!
وصرخ: وين خبيتيه!! تكلميي؟
وهج : ماخبيت شييي! ماخذيت شي بسم الله
جا ثابت : وش صاير هنا
راعي البسطه : وش بيصير بعد ؟ سارقة شريط فلم وهو رخيص اصلا
وهج : ماتفهم انت ؟ اقولك ماسرقت ؟
ثابت : تقول ماسرقت ياعم خلاص
راعي البسطة : انت ماتعرف عيال هالجيل
ثابت : اعرفهم لأنهم طلابي
راعي البسطة : عيل تعرف انه الحين بتتوسل وبتقول سامحني ؟انا طالبة
وهج : انا مب طالبة !! وبعدين حتى لو جبت الشرطة وافتريت علي تراني ماسرقت شي عيب عيب والله
راحت وهج ولحقها ثابت اللي كان شاك فيها ومن اول مابعدت عن المكان طلعت الشريط من ملابسها ومن سوء حظها شافها ثابت وصفق لها من وراها
لفت على ورا وشافته قدامها وهو يقول : برافوا برافوا احييك
وهج : وش
ثابت : خدعتي وسرقتي الناس؟ وخليتي واحد صدقك مثلي بموقف صعب
وهج : مافهمت؟
ثابت : اقول اني دافعت عنك قبل شوي عشانك طالبة
وهج : ومن قالك اني طالبه؟
ثابت : تحسبيني ماعرفت كذبك من وجهك؟
وهج : شدخلك فيني؟
ثابت : من يعرف؟
وهج : وش من يعرف؟ اقول انقلع عني
ثابت : الحين بتطلعين الشي اللي سرقتيه وبتعتذرين من راعي البسطه
وهج بضحكة : بأحلامك ولا تقرب مني
راحت وهج ولكن وقفتها يد ثابت قامت ولفت على وراها ورفعت رجلها ورفسته بقوة على بطنه
ثابت : شسويتي انتِ
وهج : قلت لك لا تقرب مني !
ثابت : صح قلتي
ثابت كان طايح بالأرض ومصدوم من اللي صار فيه
وهج ضحكت وشافت فيه باص جاي وركضت تركبه وراحت عند الدريشة وسوت باي باي ل ثابت

نجمة 🌟