اوهجتي ليلي وهزيتي كياني وانا ثابت اللي مايهزه شي

14

دلال : خالتي خالتي وين امممييي وينها ؟؟؟
نادر : وين مريم ؟؟
ام زيانة : داخل للحين ماطلعوها
انهارت دلال وماقدرت تتحمل وصرخت صرخة : اميييييي اميييي تكفونننن ماتتتحمممممللل هي تعببببباننةةةة تكفووووننن مالليييي احددددد بعدهاااا انا عايشششششة هالدنيا عشاااننننهههاااا مققققددددر قلبييي يعورنيييي تكفونننن طلعوهههااا حيييية بسرععععة تكفووون
عاصم نزل بسرعة وكان منصدم من حريق بيتهم وراح يحضن امه : ابوي بدوامه صح ؟ وزيانة بخير ؟
هزت ام زيانة راسها
تنهد عاصم تنهيده وعيونه على البيت وعلى الرجال اللي يحاولون يطلعون ام دلال من البيت !
وطلع من البيت سرير وفوقه حرمة وكانت مغطاية
راحت دلال تركض للسرير وكانت ترجف بشكل ملحوظ: لا تقولونها انها امي ! امي ماتخليني لحالي ماتخليني "كانت تهز راسها بالنفي"
قام نادر وحضنها : هدّي هدّي
دلال وهي تضربه على صدره : وش اهدي بالله ؟؟؟ اميييي هذي امي "وداخت دلال من صدمتها "
زيانة : خالي خل ناخذها المستشفى
نادر وهو يشوف عليها وكانت عيونه حمراء : اصبري
راح نادر للشرطي اللي طلّع مريم ولحقه عاصم
نادر برجفة باينه من صوته : اخر وحده طلعتوها..
الشرطي : شفيها ؟
عاصم: احنا اللي المفروض نسألكم شفيها
الشرطي : عظم الله اجركم الحريق كان قوي وهي مريضة اساسا عشان كذا ماقدرت تتحمل كل هالدخان وخصوصا ان الحريق قوي
نادر انصعق وتوقفت الدنيا بعيونه هي كانت معهم قبل دقايق تضحك وتسولف عن بنتها دلال
"قبل الحريق "
وصّل نادر دلال درس الفيزياء حقها وراح للبيت ويوم دخل
نادر : مريمييي ومناريي اشتقت لكم قد الدنيا
زيانة : خير وانا و دلال وعاصم مالنا من هالشوق نصيب؟
نادر : لا
راح نادر عند مريم وجلس بحضنها لأنها هي اللي مربيته من صغره ورقد فوقها : تدرين اكثر وحده اشتقت لها انتي ؟ ياخي والله احبك ولك معزه خاصه بقلبي "قام نادر ومسك وجهها وباسها ع راسها " انتي امي الله يخليك لنا يارب
زيانة : واو اول مره اشوف نادر جدّي
نادر ناظرها بحدة : اسكتي
ام دلال ودموعها بدت تطيح : الله يخليك لنا يارب سند وعوض من بعد ابوي وزوجي الله يرحمهم
نادر : امين
ام دلال : بقولكم شي
لفوا عليها كلهم وكانوا ينتظرونها تتكلم
ام دلال : دلال همتكم ياها والله انها نظر عيني ومارضى عليها الزعل ولا شي بس لو صار لي شي او شي
ام زيانة : بسم الله الله لا يقولها
ام دلال اردفت : احفلوها وخلوها مثل عينكم وخلوها تجتهد بدراستها وتشد حيلها عشان تدخل جراحة وهمتكم ياها
نادر : ياحبيبي يامريم تحسين شي يوجعك؟
ام دلال اكتفت بأنها تهز راسها ب لا
زيانة بابتسامة : امي كانت تقولي انكم كلكم تنامون مع بعض يوم كنتوا صغار شرايكم تعيدون هاليوم
ضحكت ام دلال: تم
نادر : دام مريم قالت تم تم
ام زيانة : عيل روح جيب دلال وخلها تجيب اغراضهم من البيت
نادر : سمّي
طلع نادر وراح يجيب نادر
"نرجع لواقعنا"
نزل راسه نادر وركب السيارة متجه للبحر

<اسامة>
دخل البيت وهو يمشي شوي شوي
ابو اسامة بسُكُر : وين داشر لهالساعة
اسامة : شغل
ابو اسامة : شغل هالساعة ؟
لف اسامة على تلفونه اللي يرن وكان عاصم
اسامة : العضيد !
عاصم : وينك ؟ تعال الكوفي
اسامة : تم
لف اسامة على ابوه وسحب غرشة الخمر منه ورماها بالزبالة وطلع متجاهل صراخ ابوه اللي يصارخ
توجه للكوفي ونزل ولقى عاصم لحاله
اسامة : غريبه وين البنت
لف عاصم عليه :شفتها الصبح
اسامة : شفيك
عاصم : احترق بيتنا
اسامة وهو فاتح عيونه: يعوضكم الله اهم شي كلكم بخير ؟
عاصم هز راسه بالنفي : خالتي توفت
اسامة وهو يمسح على ظهره : الله يرحمها يارب ويغمد روحها الجنة
تمتم عاصم بآمين