اوهجتي ليلي وهزيتي كياني وانا ثابت اللي مايهزه شي

8

فلاش باك قبل خمس سنوات مع ثابت
كان داخل مقر الأعداء بحيث انه يعالج رئيسهم ! ولكن كان متفق على هالمهمة من زمان مع عاصم واسامة عشان يهجمون عالعدو اللي صارلهم سنين يحاولون يمسكون
دخل ثابت وراح مباشرة ل غرفة الرئيس وكان يوهمهم انه يعالجه ولكن كان مايعالجه وحالته تدهور قدامه والاكسجين ودقات القلب ينقص مع مرور الوقت
ثابت: انتوا جبتوني على مرحلته النهائية ... مقدر اسوي شي!
الرجال: كيف ماتقدر تسوي شي؟؟؟
ثابت : مقدر !
الرجال : طيب بشويش
ثابت : طيب الحين خلاص هو قريب بيموت
الرجال : كيف؟
ثابت : جيب لي ورقة وقلم
طلع الرجال واهجموا كل الشرطة عالمكان ومسكوا رئيسهم وكل احد
الرجال : ياحمار طلعت معهم!!
ثابت اكتفى بأنه يبتسم له بس
قاموا واخذوا الرئيس وعالجوه عشان يعرفون مكان كل العصابة !
ولكن العصابة تصرفت قبلهم وخطفت وهج واخت عاصم وعذبوهم تعذيب مايطري على بال احد
بعد اسبوع مسكوا كامل العصابة وحرروا وهج واخت عاصم ولكن ثابت ماكان يبي يشوف اثار التعذيب عليها

نرجع ل حادث ثابت
خذوه الإسعاف ل مستشفى ابوه وهنا كانت وهج الجّراحة الوحيدة
وهج وهي تركض للاسعاف : شفيه
الممرض: نزيف في الدماغ
وهج : شي ثاني؟
الممرض : لا
وهج : طيب افحصوه ب غرفة الفحوصات وبعدها على غرفة العملية
كانت وهج طول هالوقت تشوف على الدرب وماتشوف على وجه المريض
سووا له فحوصات وبعدها دخلت وهج للعملية
وقفت وهج بصدمة ورجعت خطوة ل ورا من صدمتها ! ثابت اللي كان معها قبل دقايق بصحته طايح الحين قدامها ! شجّعت نفسها وراحت تسوي له عملية وبعد ماخلصت حطته ب غرفة خاصة
وراحت ل راكان
وهج : دكتور راكان
راكان: قولي
وهج : ولدك ...
راكان بضحكة : اييي بيشتغل عندنا الحمدلله
وهج : صار له حادث
انصعق راكان وتغيرت ملامحه ميه وثمانين درجة وركض من دون لايحس لين ماوصل ل غرفة ولده
ومثل حالة صديقه اللي كان يحسبه راكان ولده كان ثابت بشحمه ولحمه ملفوف بالأجهزة
راكان بدموع : تأكدوا لي تكفون هذا ثابت؟
وهج وهي تهز راسها ب اي
راكان : كذابه كذابه كذابه !
راحت وهج واتصلت ب الممرض فيصل عشان يجي ويهديه

< عند عاصم واسامة >
اسامة : هي ماقالت لك وين المستشفى ؟
عاصم : يحمار اسعاف جت تاخذهم يعني اقرب مستشفى من هنا
اسامة : طيب يلا خل نخلص من هالاثبات
عاصم : يلا يلا وصلنا
نزل عاصم ووراه اسامة ودخلوا المستشفى وكلهم وقفوا يسلمون عليهم لإنهم معروفين بهالمستشفى من قوتهم ومن كثر مايجون يعالجونهم هنا
كانوا ماخذين محط الانظار كلها من وسامتهم وطولهم وهيبتهم !
عاصم : السلام عليكم
موظفة الاستقبال : وعليكم السلام
عاصم : فيه هنا قبل ساعة تقريبا جت اسعاف ماخذه ام واب وولد كبير
موظفة الاستقبال : خليني اشيّك بس
عاصم : تمام
بعد ثواني
موظفة الاستقبال : محمد بن علي آل هاشم وزوجته وولده ؟
اسامة : اي هم
موظفة الاستقبال : طيب الطابق الثالث الغرفه رقم ٢
اسامة : يعطيك العافية
راحوا عاصم واسامة وركبوا المصعد
كيان بصدمة : انت اللي اتصلت بالاسعاف
عاصم واسامة بحكم انهم كانوا صادين عن الحرمه الموجودة ب المصعد مالاحظوا ان هي نفسها اللي يبونها عشان الاثبات
عاصم : اي حن وجايين عشانكم
كيان : ليه
عاصم : المدير مالنا سوالي عقاب وقال ان لازم اجيب له اثبات إنّي كنت اساعدكم !
كيان بضحكة : عقاب ؟ صف اول انتوا
عاصم : اسأليه
كيان : طيب اتصل فيه بقول له
اسامة : مارح يصدق
كيان : عيل وش يبي؟؟
عاصم : لا عادي اتصال بس
اتصل عاصم ب المدير وطلعوا من المصعد
عاصم : السلام عليكم مدير جبنا اثبات
المدير : وينه
عاصم : البنت اللي ساعدتها بتقولك
قام عاصم وعطى كيان التلفون
المدير : ووش يثبت لي انك ساعدتها ؟
سمعت كيان هالسؤال وردت : بعد وش تبي اثبات اكثر من كذا ؟
المدير : انتِ من ؟
كيان : اسمع ترا موظفينك ماشاءالله عليهم ماقصروا معي طيب ولو تبي اثبات ابحث عن المرضى إللي بالمستشفى اللي قريب من مركزكم بتلقى ثلاث مرضى باسم كيان بنت محمد آل هاشم! وبعدين لو تبي اثبات اكثر امشي الكاميرات وش فايدتها ؟؟ ولا تعاقبهم تراهم ماقصروا وخلهم يرجعون بيوتهم لإنه الواضح انهم تعبانين !
المدير : ان شاء الله
كيان : يلا باي
سكرت كيان التلفون وعطته عاصم واسامة
كيان بابتسامة : خلاص ارجعوا بيوتكم تفاهمت معه
عاصم : يعطيك العافية
اسامة : ماقصرتي
كيان : ماسويت شي!
وكان فيه دكتور يركض ل جهة كيان : كيان صح؟
كيان وهي تهز راسها ب اي
الدكتور : ابوك قام وامك بعد بس باقي سيف
كيان بابتسامة : والله ؟
الدكتور : والله
لفت كيان عليهم : يالله

بعد ثلاث ايام
كان ثابت صاحي وحوله ابوه وكان ابوه يقرأ عليه قران
ثابت : لهالدرجة خوفتك ياراكان ؟
راكان وهو يحاول يكذّب سمعه لف على مصدر الصوت وشاف ثابت قايم : قمت قمتتت اللهم لك الحمدددد
ثابت : معقوله اروح من هالدنيا واخليك يبه؟ نروح ونقعد مع بعض
راكان وهو يحضنه : الحمدلله
سجد سجود شكر وبعدها قام وقعد بالكرسي اللي مقابل ثابت وجلس يكلمه ب كل شي صار
ثابت : وهج سوت العملية ؟
راكان : اي والله
ثابت : خلي احد يناديها بشكرها
راكان : تمام
بعد دقايق معدوده دخلت وهج وهي منزله راسها
ثابت : ارفعي راسك يابنت جلال
رفعت وهج راسها وشاف عليها وكانت عيونها تحكي مدى تعبها بهالثلاث ايام ! مارقدت غير ساعتين او اربع
ثابت : من ارهقك ياوهج ؟
وهج : شغل المستشفى
ثابت بابتسامة : طيب شكرا
وهج : على وش
ثابت : العملية
وهج : ولو ماسويت شي هذا واجبي
راكان بضحكة: وش ماسويتي شي ! طول هالثلاث ايام وانتي معي
وهج : اردّ لك معروف زمان
ثابت باستغراب : معروف زمان ؟
راكان : سر بيني وبينها !
ثابت : طيب
وهج : تامرون على شي ؟
ثابت : اي
وهج وهي تنتظره يكمل
ثابت وهو يشوف على راكان : ولا شي خلاص
راكان : احس انها طرده من هالنظرة ف بطلع
طلع راكان وبقوا ثابت ووهج لحالهم بالغرفه
ثابت : عسى هالقلب لان على قلبي الثابت !
وهج : مارح يلين ياولد راكان
ابتسم ثابت من " ياولد راكان " : ومتى بيلين
وهج : الله اعلم
ثابت : طيب
وهج : استأذنك
ثابت : لا خليك وبعدين وش هالرسميات بيننا
وهج : ليه فيه شي بيني وبينك عشان مايكون رسميات ؟؟
ثابت وهو يسحبها من يدها ويحضنها : انتِ كلك لي ! ومحد بياخذك مني سامعه ؟ وبعدين هالقلب بيلين قريب ان شاء الله !
وهج كان قلبها يدق بسرعه وتحس انه بيطلع من مكانه من قوة دقاته وفتحت عيونها من بعد كلامه
ثابت : قلبك خير دليل على رضاك
وهج وبدا وجهها يحمر من كلامه الواضح
ثابت : وبعدين وشو له كل هالزعل ! انتِ لو تعرفين وش صار معي بتسامحيني
وهج بهدوء: وانت لو تعرف وش صار معي بتاكل اصابعك ندم على انك خليتني
ثابت وهو يرفع راسها ويحط عينها بعينه : شرايك تقولين لي وش صار معك وانا بقولك وش صار معي !
هزت وهج راسها مباشرة ب لا
ثابت : بتقولين !
وهج : لا
ثابت : طيب ياوهجي ... خليني اصّح بس وبعدها بنشوف
قامت وهج مباشرة وطلعت من الغرفة ودخلت مكتبها وهي ماسكه قلبها : وش صار بسم الله ..

هذا اللي قدرت اكتبه اليوم 🫣
معي اختبارين اليوم دعواتكم
نجمة 🌟
علّقوا 🤍🤍