اوهجتي ليلي وهزيتي كياني وانا ثابت اللي مايهزه شي

10

< عند دلال وزيانة >
زيانة وهي تشوف دلال جايه من دون كلنكس : يحمار وين الكلنكس
دلال بتوتر : مالقيته
زيانة : شفيك بسم الله وجهك قالب احمر
دلال : ولا شي بدخل عنك انا

فجأة انهارت وهج وماقدرت تتحمل وصوت شهقاتها كان مسموع ! جا اللي كان يسمعها وقعد جنبها : امشي خلني اخذك لأبوك
لفت وهج على الصوت ولقته ثابت وانصدمت : انت وش جابك هنا ؟
ثابت : نفس السؤال اللي بسألك اياه ! انتِ وش جابك هنا
وهج : تجاوب على سؤالي بسؤال؟
ثابت : عاصم عزمني
وهج : وانا زيانة عزمتني
ثابت : لا بالله ؟ وزيانة هذي وش تقرب لك ؟
وهج : وانت بعد عاصم هذا وش يقربلك ؟
ثابت : صديقي
وهج : حتى انا صديقتي
طاحت دمعه من عينها
ثابت وهو يمسح الدمعه : امشي خل نروح لأبوك
وهج : مابي اروح عندك !
ثابت : للحين مالان هالقلب!
وهج : بروح استأذن من البنات وبروح بسيارتي
قامت وهج من دون لا تسمع رد ثابت
ثابت : عيل والله وانا حلفت انك تروحين معي وبنشوف انا ولا انتي!
دخلت وهج عالبنات : بنات انا استأذن .. مستعجلة والله واعذروني
ريماس وهي تقوم وراها : على وين
وهج : بعدين بعدين والله مستعجلة
ريماس : من تبينه يردّني؟
وهج : شوفي جسّار بكلمه لك لو قدرت او وحده من البنات
ريماس : تمام انتبهي عالطريق

طلعت وهج وراحت متجهه لسيارتها وكان ثابت واقف قدامها
ثابت : انا حلفت انك ماتروحين الا معي!
وهج : متى حلفت ؟
ثابت : حلفت وخلاص امشي قدامي
وهج : مابي
ثابت : يا بنت جلال امشي !
فزّت وهج من اسم ابوها وقعدت تفكر هي كيف بتلاقيه بعد كل هالسنوات ! وبعد ماسوا فيها كل شي
ثابت وهو يمسك يدها ويسحبها معه وهي كانت تحاول تفك يدها لكن بسبب بنية ثابت ماقدرت عليه ركبّها قدام وركب من وين مكان السواقة
ثابت : انا شقلت بتروحين عندي!
وهج وهي تصفق : احييك احييك
ثابت : اي مستشفى ؟
وهج : مستشفى ****
ثابت : اوه بعيددد ... حلو عشان اكلمك
وهج وهي تلف عليه : من قالك بتكلم !
ثابت : بوضّح لك وين كنت هالخمس سنوات ولا ماتبين؟ لو ماتبين عادي مارح اقول اتعب هالحلق
وهج وهي تشوف عليه وبلعت ريقها وقالت : قول
ثابت : قبل خمس سنوات بالضبط انا كنت متفق مع عاصم واسامة طبعا عاصم اللي رحنا بيته اليوم المهم انه كانوا يحاولون يمسكون عصابة كاملة ورئيسهم وماقدروا عليهم سنوات ولكن فجأة خططوا خطة انه يوم يمرض رئيسهم انا اعالجه طيب وجا اليوم اللي لازم اروح اعالج رئيسهم اول شي خوفتهم انه بيموت وبعدها هجموا عاصم واسامة بتقولين ليه بعد ماخلصت مارديت لي ؟ بقولك اني كنت خايف عليك ! هددوني فيك وبأبوي وماقدرت افرط فيكم !
وهج وهي تشوف عليه : طيب
ثابت : قاعد ابررلك واخر شي طيب!
وهج : من قالك برر؟
ثابت وهو يوقف السيارة قدام المستشفى: صحيح محد قالي بس قاعد اوضح لك !
وهج وهي تنزل : تمام
نزلت وهج ودخلت المستشفى
تنهد ثابت من زعلها اللي منصدم منه ! وكأنها كبرت السالفة
ونزل وراها