< مكان اول مره نروح له>
اربع بنات كانن طالعات يتمشن وبعدها دخلن الحمام ( اكرمكم الله) وحده منهم دخلت والباقي جلسوا يعدلون ميكبهم وشكلهم
فتحوا شنطة البنت اللي داخل الحمام وجلسوا يدورون البوك مالها
على حظهم طلعت البنت من الحمام وشافتهم يفتشون شنطتها : وش تسوون انتم ؟
قامت وحده منهم ومسكتها وصرخت فيها : وينن خبيتي بوكك؟
البنت : خلونييي لا تمسكوني
كانوا ثلاثتهم عليها ومع الأسف ماقدرت عليهم
نعرفكم عالبنات
ريماس : طيببببة طيبة بنت على نياتها واحلى مافيها انها صديقة مو بس صديقة اخت تكون لك
الثلاث بنات
ماريا : رئيسة العصابة متكبرة
آلاء : اهم ماعندها شكلها وكله تمشي ورا ماريا
جود : ورا صديقاتها ب كل شي
نرجع للحمام
دخلت وهج وشافت البنات ماخذات بوك ريماس ويرمونه كل ساعه عند وحده وهي تركض ورا وحده وحده
وهج : وش تسوون
آلاء : نلعب تبين تلعبين معنا؟
وهج وهي تغسل يدها : رجعن البوك للبنت
ماريا : من عيوننا
وهج : رجعن البوك عشان محد يتعب منكن
آلاء : وش بيصير لو مارجعناها ؟
وهج وهي تمسك الفاين عشان تمسح فيه يدها : احسن لكم تردونه
تقدمت آلاء ووقفت قدام وهج ودفتها على ورا ووهج ماسكتت طبعا عطتها كف على وجهها خلاها تطيح بالأرض
قامت جود تبي تضرب وهج ومثل ماصار ب آلاء فيها
بعد دقايق معدودة
كانن الاء و جود وماريا عالأرض ووهج واقفه : قلت لكم رجعوه
راحن البنات يهربون من وهج وطلعن من الحمام
وهج خذت البوك وطلعت منه فلوس : لا تفهميني غلط بس آخذ مقابلي من هالتكفيخ
ريماس : لا عادي
طلعت وهج ولحقتها ريماس : وش اسمك
وهج : شدخلك
ريماس وهي تمد يدها : انا ريماس
وهج مدت لها يدها : وهج
مر الوقت وجا الليل
كانن آلاء وجود وماريا ب مكان فيه حفله
ماريا : وين خالد ؟
جود : لا تنتظرين مارح يجي وبعدين شفيك زعلانه
ماريا : للحين بخاطري ذيك البنت اللي ضربتنا بالحمام حتى ماقدرنا نضربها ضربة وحدة!
جاهم ولد من وراهم وهو يضحك : الحين بنت قدرت عليكم كلكم !
بنفس الوقت كانت وهج تبي تدخل الحفلة بس خالد كان واقف لها ودفها لين الجدار وكان يقرب شفايفه ل شفايفها بس بحركه سريعه منها قدمت راسها بقوة على راسه ودخلت
آلاء: هذي هي البنت !
جود : مو كأنه وراها خالد ؟
ماريا : خل نشوفها امشوا واردفت : هذي انتي مره ثانية؟ وش تسوين مع خالد ؟
وهج وهي تلف على خالد : مقدر انشغل فيكم
ماريا : انا بنشغل ودفتها
وهج وهي تفصخ الكعب اللي لابسته وبدت هواش فيهم مره ثانية هم الثلاث
< عند الجدة >
كانت طالعه برع البيت وتتنفس بسرعه من خوفها على وهج وكانت تكلم نفسها : وينها هالبنت تأخر الوقت اروح الشرطه؟
كانت تمشي بسرعة بس حست بألم في بطنها ومقدرت تتحرك وحاولت تتنفس
صوت من وراها : الجدة عائشة فيك شي؟
الجدة : لا لا مافيني شي زين انك جيت
ثابت : وش صار
الجدة : حفيدتي ماجات كانت رايحة تسجل للمدرسة ومارجعت للحين
ثابت وهو يشوف ساعته : لا تخافين بتجي الحين ان شاء الله
الجدة : شلني للشرطة تكفى
ثابت : الشرطة؟؟
الجدة : باخذ شنطتي من داخل وخل نروح
ثابت : تمام
كانوا بيدخلون لولا صوت الدراجة اللي سمعوه ولفوا على وراهم وشافوا وهج راكبة ورا خالد !!
نزلت وهج بكل برودد ووقفت قدام جدتها : هاي
الجدة بحدة : وين كنتِ لين هالساعة ! من وين راجعة ؟ وش ذا اللبس
وهج : طيب انتِ ليش بالشارع اصلا ؟ وين تروحين هالساعة ؟
الجدة : وين بروح يعني؟؟ للشرطة ندور عليك
وهج : لا يصير هذا كل يوم بتتعبين تراه
الجدة : شوفي وش تسوين قدام معلمك من اول يوم ! عيب عليك
لفت وهج تشوف المعلم وليتها مالفت فتحت عيونها من الصدمة
ثابت بابتسامة : مب اول مره ! ليتك شفتيها يوم تسرق
الجدة : وش ؟ سرقتتت؟؟!
ثابت وهو يهز راسه ب اي
الجدة : وش تقول انت ؟
ثابت : لا تخافي ماصار شي خلت الكل يصدق انها ماسرقت اصلا
الجدة : كذاب لا تبتلي على بنتي ! وش انت معلم الحين ؟
ثابت : شوفي لو قعدتي تصدقين اعيالك كل مره وتنكرين اغلاطهم بيكون ضرر لك ولهم مستقبلا
الجدة : بنتي ماتسوي شي كذا! اردفت : فهمتكك انت معك عادات خايسة ! فهمت ليش قاعد عازب طول هالسنوات على هالتفكير بتقعد ستين سنه عازب
ثابت وهو يرفع حواجبه من الصدمة وجال بنظراته ل وهج اللي كانت تضحك عليه ب صمت
ثابت : كيف ربطتي هالموضوع كله بالزواج ؟
الجدة : بربط الموضوع باللي ابيه شدخلك ؟
دخلت الجدة ودخلت وراها وهج
الجدة بعصبية : وش يقول ذا
وهج : من هالرجال اصلا
الجدة : مستأجر معي واردفت : اصلا انتي وين كنتي لين هالساعة؟
وهج : تمشيت بالحارة شوي
الجدة : بهاللبس! وين لبسك مال مدرسة؟
وهج : ماخذيت ومارح اخذ ولا راح اروح المدرسة
الجدة : صدق والله ؟ مارح تدرسين ووش بتسوين ؟
وهج : بجلس انظف مثلك
الجدة كفخت وهج على وجهها: تحسبينه سهل؟
وهج : عيل بسوي مثلك وش بسوي يعني
الجدة : عشان كذا انا جايبتك عندي؟
وهج : لا تكذبين تراك مجبورة لأنه الوالد ماقصر ورماني عندك
الجدة : ماتفهمين انتي انا طلبتك منه ! عشان تعيشين حياتك وماتضيع معه
وهج والدموع تجمعت بعينها : تكذبين
الجدة : لا تصدقين براحتك بس انا ل وش سويت كذا تحسبيني مب زعلانه على امك الحمارة وولدي الرخيص!
وهج : تكلمي عن امي زين
الجدة : مارح اسامحها لا هي ولا ولدي لين يوم الدين بسبب اللي سووه فيك ! بس لو تقولين بتضيعين حياتك بنفسك روحي دمريها
وهج : زين بس مارح تتدخلي ولا احد رح يتدخل
طلعت وهج وهي تمسح دموعها ودقت بجسم
وهج بصراخ : امشي شوي شوي ماتشوف!
ثابت : وش امشي شوي شوي بعد انتي اللي جايه تركضين مب انا
وهج وهي ترفع عيونها لا تطيح دموعها: مالي خلق لك
ثابت : تعرفين انك شخصية غربية وايد ؟
وهج : على الأقل معي شخصية ماشوف على عين وحدة عمرها ستين واقول لها حفيدتك تسرق
ثابت : ماقلت شي مهو فيك
وهج : لا تتدخل فيني ! انا مب طالبتك ولا شي ابعد عني " مدت وهج يدها عشان تدفه على ورا ولكن هو تحرك قبلها وتحرك بعيد عن موضع يدها "
ثابت : الشي يصير مره وحده بس
وهج : اوووه حضرة المعلم يعرف يدافع عن عمره بعد
ثابت : اي نوع من البنات انتي ؟
وهج :ذاك النوع لو كنت ماعجبك لا تزوجني ولدك الصغير ياعمي !
ثابت : عمي؟ عورني قلبي لأنك قلتي لي عمي
وهج : لو كنت ولد ماتحب بشفق على امك الحين
ثابت فزّ من طاري امه وتغيرت ملامحه من ابتسامة ل وجه عابس : مايحتاج تشفقين على امي لأنها فمكان مستحيل تزعل فيه ابدا
وهج وعت على كلامها ووقفت ولا تحركت
راح ثابت غرفته ودخلها
وفتح الليت وقعد عالكرسي ومسك شي صغير وقعد يتأمله لثواني معدودة
YOU ARE READING
اوهجتي ليلي وهزيتي كياني وانا ثابت اللي مايهزه شي
Actionإن كُتِب قدر شخصين معاً فسيتقاطع طريقهما ذات يوم حتماً ليحوما حول الدنيا إذا ارادا للعثور على بعض وليختبئا للهروب من البعض وهجنا وثابتنا دكاترنا الحلوين 🥹🥹 كيف بيلتقون بعد سنين؟
