اوهجتي ليلي وهزيتي كياني وانا ثابت اللي مايهزه شي

9

ثابت : بتقولين !
وهج : لا
ثابت : طيب ياوهجي ... خليني اصّح بس وبعدها بنشوف
قامت وهج مباشرة وطلعت من الغرفة ودخلت مكتبها وهي ماسكه قلبها : وش صار بسم الله ..

<جسّار >
العصر
كان توه يقوم رقاده قام وغسل وجهه وصلى ونزل
جسّار وهو يتحمحم : احم احم
ام جسّار : اصبر
ريفانا : امشي دلال خل نروح غرفتي ... جسّار صد بنصعد
جسّار: صديتت
صعدوا ريفانا ودلال
ام جسّار: تعال يالكذاب
جسّار: افا افا يا ام جابر تراني ماكذبت بس سويت مقلب
ام جسّار: ماحبيته
ضحك جسّار: معليه يا يمه وينه هالجابر
ام جسّار: فالشغل
جسّار: يشتغل اكثر مني وشو ذا
ام جسّار: بعد مارقوه صرنا مانشوفه
جسّار: يلا يمه تامرين على شي بطلع
ام جسّار: وين ؟
جسّار:بروح ادور بالحارة
ام جسّار: طيب
طلع جسّار وبعدها استوعب انه نسى تلفونه بالبيت ورجع

< ريفانا>
صعدوا فوق ودخلوا الغرفة
دلال : واخيرا لحالنا
ريفانا : غرّدي شفيك ؟؟ وضعك مب عاجبني من واحنا تحت
دلال بخنقة : تعبت من الدراسة ومن ضغوطات البيت
ريفانا : الدراسة تذكري انها فتره وتعدي اما ضغوطات البيت حاولي انك تسفهي
دلال وهي تحط يدها على وجهها وتطلق دموعها
ريفانا حضنتها وخلتها تصيح لين ماهدت : قومي غسلي وجهك
طلعت دلال وهي منزله راسها خايفه لا احد يشوفها ودقت بجسم عريض ورفعت راسها وشافت جسّار
اما جسّار اللي كان داخل مستعجل واصطدم ب جسم انثوي صغير ونزل راسه عشان يشوف وليته مانزل
شاف عيونها الباكية اللي جذبته انجذاب غير طبيعي وانفها المحمر
حاولت دلال انها تلف عيونها عنه
ولكن جسّار نطق بصوت غير مسموع وايد : عيونها الباكية .. جذبتني واسرتني
دلال : ابعد وبعدين صد تراه عيب
جسّار وهو وعى على نفسه : اعذريني
راح جسّار غرفته وهي راحت المطبخ تغسل وجهها وتشرب ماي
جسّار وهو يروح المطبخ عشان يشرب ماي بعد
دلال : خير لاحقني
جسّار وهو صاد : ميت عليك عاد عشان الحقك
دلال : عيل وش تبي
جسّار: ماي
دلال : طيب اصبر خلني اخلص بعدها ادخل!
جسّار : الحين تشوفيني دخلت انتِ؟
دلال وهي تشرب ماي : خلصت
جسّار : اطلعي طيب
طلعت دلال ومرت من جنب جسّار اللي شمّ ريحة عطرها للمرة الثانية
جسّار: اكيد انها دلال بنت الجيران
رجعت دلال مع ريفانا
ريفانا : مابغيتي تجين!
دلال : تفاهمت مع اخوك شوي
ريفانا : جسّار ولا جابر ؟
دلال : جسّار فيه احد غيره ؟
ريفانا : شصار
دلال : ولا شي شافني الحمار وبعدها قلت له صد وصد
ريفانا : شكله طاح ومحد سمى عليه
دلال : اسكتي اسكتي وين هو ووين انا
ريفانا : اي شفيك انفجرتي
دلال : تخيلي اني مخلصة مذاكرة انجليزي كاملة ويوم جيت احل اختبار تجريبي اليوم عالمنهج كامل حليت كل شي تقريبا بس يوم جيت ابي اشوف اجوبتي طلع ثلاثة ارباعه غلط اول شي مسكت صيحتي بس بعدها ماقدرت وصحت تخيلي تتعبين طول اربع اشهر واخر شي نصه غلط !
ريفانا : قولي الحمدلله وربي م بيضيع تعبك كلشي خيره وتراه كله اختبار تجريبي ان شاء الله بالصدق ماتنقصين ولا درجة
دلال : اميننن امين يارب
ريفانا : خلينا من هالدراسة جتني مراره منها
دلال : يلا طيب سولفي
ريفانا : متى بتروحون الديرة
دلال : بالعيد ان شاء الله
ريفانا : ان شاء الله
وكملوا سوالفهم ...