بعد مرور سنوات
نرجع لأول حدث بالرواية
الدكتورة اللي كفخت كل احد هي وهج!! وهجنا ✨
حققت حلم جدتها والحين هي بأفضل مستشفى بالعالم
جسّار : وهج
وهج : هلا
جسّار : وش سويتي كل المستشفى يتكلم عنك؟
وهج : ابدد ربيت ناس تحتاج تربيه وادب!
جسّار : طيب المدير يناديك
وهج بتأفف: يالله
راحت وهج للمدير
وهج طقت الباب
المدير : ادخلي
دخلت وهج
المدير : هذا اول يوم لك هنا ! وكذا تسوين
وهج : ماسويت شي استاذ راكان
راكان : الا قولي وش ماسويتي !! وش ذا
وهج : يقولون مايبون دكتورة وكان المريض بيموت ومحد كان موجود من دكاترة المستشفى بالله قولي لو كنت مكاني وش كنت بتسوي
راكان : ابد بكلمهم باحترام
وهج برفعة حاجب : يعني الحين انت تحاول تقنعني انّي ماكلمتهم باحترام؟
راكان : معرف
وهج : اسأل الممرض فيصل وهو بيقولك كان موجود وشاف كل شي والحين عن اذنك !
طلعت وهج من الغرفة وشافت ان المستشفى ف حالة توتر كلهممم كل الدكاترة وكل الممرضين !
استغربت الوضع وعلى طول راحت ل جسّار : وش صاير هنا
جسّار : يقولون ان ولد المدير الحين داخل العملية وبين الحياة والموت
وهج بهمس : طيب شفيهم متوترين ؟ مهو ولد المدير وش دخلهم هم ؟
جسّار وهو يأشر على واحد واحد : تشوفين هالناس كلهم كان ولد المدير وايدددد معهم وكأنه اخوهم ولا واحد بهالمستشفى مايعرفه ولا يعرف فضله
وهج : انا ماعرفه
جسّار : يوم يقوم بالسلامة ان شاء الله بتعرفينه
وهج : ومن قالك ان ودّي اعرفه؟
جسّار : شرايك تروحي تكملين شغلك ؟
وهج : تبي الفكة شكله ؟
جسّار : الصدق اي
وهج بتمثيل : واه مقدر مقدر بصيح ... اقول انقلع عني بس
جسّار : الله يعين اللي بياخذك
وهج : الا ياحظه
جسّار : وهج توك اليوم اول يوم جايه وش هالميانه
وهج : شخصيتي كذا
جسّار : الظاهر مارح تروحين انا اللي بروح
وهج : احسن روح
< نرجع عند راكان >
من اول ماطلعت وهج دخل عليه مباشرة دكتور حازم
حازم : دكتور راكان ولدك ثابت جابته الاسعاف وحالته خطرة
راكان فزّ من كرسيه :ها كيف؟؟؟
حازم : معرف يقولون حادث سيارة
راح راكان ل غرفة العمليات وشاف اللي ماتمنى انه يشوفه ثابت على السرير والاجهزه عليه من كل مكان والدكتور قاعد يسوي له عملية
طلع راكان وقعد عكرسي من الكراسي ووهج كانت ماره وشافت حالته قعدت جنبه : استاذ شفيك
راكان : ولدي يا وهج ضناي قاعد يحارب داخل بالعمليات وانا مالي يد اسوي شي
حط يده على وجهه وبدت دموعه تنذرف وهنا وهج اول مره تشوف احد بهالضعف وواضح بعيونه وكأنه فقد الأمل
وهج : صلي على النبي واستهدي بالله وقوم توضى وصلي لك ركعتين وادعي ان الله يقومه بالسلامة
فجأة دخل واحد وقاعد يصرخ : ابوييي وينه وينه فيصل ؟ وتقدم نحو راكان وقعد يهزه : ابويه وين فيصل تكفى قول انه حيّ
كان راكان بمثابة جسد بلا روح ! هو يسمع بس ماكان معهم ولا شي من شدة الصدمة قبل شوي شاف اللي بالعملية وكان ثابت كيف الحين ثابت بصحته وعافيته قدامه !
راكان : ثابت ؟
ثابت : لا قرينه
راكان بدا يفرك عينه وضربه ثابت على راسه : انا انا اي ثابت
قام راكان وحضن ثابت بقوة جاهلين عن البنت اللي قاعده جنبهم وانصدمت من ثابت وان ابوه هو المدير وتمنت انه مايلف ويشوفها او حتى مايتذكرها ولكن خابت امنياتها يوم لف ثابت عليها وشوي شوي بدت ملامح وجهه ترتخي من الفرحة للصدمة
ثابت وهو يشوف على ابوه : هذي من ؟
راكان : اوه صح دكتورة وهج جديدة اليوم اول مره تشتغل عندنا
ثابت بابتسامة : اهلا اهلا دكتورة وهج ... كأني اعرفك ؟
وهج وهي تحاول تنكر : هلا فيك .. لا ماتعرفني
ثابت وهو عينه بعينها : متأكده ؟؟
وهج هزت راسها ب اي واردفت : بروح استأذنكم
راحت وهج مكتبها واتصلت ب ريماس مباشرة : ريماسسس الحقيني
ريماس والخوف واضح من نبرة صوتها : وش فيك !
وهج : تخيلي ان ثابت هو ولد المدير حقي
ريماس :انتي قلتي تخيلي وانا مقدر اتخيل
وهج : يحماره صدق صدق
ريماس : يلماه وش جابه ... انا وش كنت اقولك انتِ وياه مكتوبين ل بعض خلاصص
وهج : اسكتي مارح انسى وش سوا فيني
ريماس : بس انتي تحبينه !
وهج : مالي دخل عاد خلاص ذاك زمان كنت احبه الحين لا
ريماس : عيني بعينك
ابتسمت وهج : خلاص لاا!! انا ليه اتصلت فيك؟
ريماس : ماقدرتي تمسكين الخبر وجيتي تخبريني لاه
وهج : باي
سكرت وهج ب وجه ريماس وجلست تكمل شغلها
دخل عليها جسّار والابتسامة شاقه وجهه
وهج: اعلمك شي
جسّار وهو يقعد عالكرسي اللي مقابله : علميني
وهج : اول شي فيه اختراع اسمه باب! وثاني شي من اذن لك تقعد بالكرسي؟
جسّار : الحق علي انا اللي جاي اخبرك ببشارة بطلع
وهج : اوف اوف ماعرفتك تزعل بعد
جسّار : تراني انسان نفسي نفسك
وهج : احلف عاد احسبك حيوان
جسّار وهو يطلع من الغرفة : خلي الجني يقولك يحماره
طلع جسّار وماهي الا ثواني معدودة وتسمع الباب انفتح مره ثانيه وقبل لا تشوف من قالت : زعلك ماطول يا جسّ...
انبترت حروف كلماتها من شافت اللي قدامها مب جسّار ثابت واقف قدامها ومبتسم ابتسامة خلّت وهج تصفن فيه
ثابت : هلا والله بوهجيي
وهج : خير
ثابت : اوف اوف شفيك
وهج : لا بالله احلف بس !!
انهمرت دموع وهج هي قوية بس قدام ثابت تنهار لأنه مب شوي اللي سواه لها
قعدت تضرب صدره وتصرخ ودموعها شلال : انت اللي عطيتني الامان من بعد ماتوفت جدتيي وبعدها تختفي فجأة!!! وين رحت وينك كل هالسنوات تعرف اني ضعت ضعت ضعت من بعدك ! تعرففف ان خالد تحر... ماقدرت تكمل من الخنقة اللي جتها
ثابت وملامح الغضب بدت تظهر عليه : وششش كملي وشش
وهج : اللي ماتبيني اقوله هو صار لي وانت بعيد عني تعرف اني قعدت انتظرك طول هالسنين وانت الحين تجيني بكل برود ولا كأنك مسوي شي؟؟ انقلع اطلعععع مثل مارحت ذاك اليوم روح اليوم مرة !
ثابت : وهج اسمعيني اكيد عندي مبررات
وهج : مابييي اسمععع!!!!
< بمكان ثانيي قريب الحدود السعودية >
بالسيارة
ابو كيان : افتحوا شي نسمعه
كيان : عندي عندي الدور
ام كيان : يالله الحين بتزعجنا ب عايض حقها
كيان : عاد الا عيوضي
سيف : مقددددرررر الدلع يضحك
كيان عطته نظرة : انت اسكت
قامت كيان وفتحت
يابلاي انت ودواي
وحاجتي والعون عونك
يا اغلى من كل الحبايب
واغلى حتى من هلي
ردّ لي ياعين خلك ...
وكانت كيان تغني معه
ابو كيان : اوف اوف من ماخذ عقلك ها
كيان : ولا احد
سيف : صادقه ؟
فجأة انظلمت الدنيا بعيون كيان وماصارت تسمع شي ولا تشوف شي
اخر شي سمعته صوت امها وهي تصرخ ب انتببببه !
وش تتوقعون بيصير 🫣🫣
عاد توني واصله من طريق سفر طويل وحلفت الا اكتب لكم
اتمنى انكم تعطونها حقها 🫱🏻🫲🏼🫱🏻🫲🏼
نجمة ورايكم 🌟
ŞİMDİ OKUDUĞUN
اوهجتي ليلي وهزيتي كياني وانا ثابت اللي مايهزه شي
Aksiyonإن كُتِب قدر شخصين معاً فسيتقاطع طريقهما ذات يوم حتماً ليحوما حول الدنيا إذا ارادا للعثور على بعض وليختبئا للهروب من البعض وهجنا وثابتنا دكاترنا الحلوين 🥹🥹 كيف بيلتقون بعد سنين؟
