💜💜
Janhvi ne Jeetu ko dur karne ki koshish karte hue kaha : kya kar rahe ho? Chhodo mujhe.!
Jeetu ne janhvi ko aankhe dikhaate hue kaha : Chup rahogi?
Thodi der baad jab kadmo ki aahat sunaai dena band hui, to Jeetu ne jhank kar ache se chaaro taraf dekhte hue janhvi se kaha : Chalo andar jaao.
Janhvi ne Jeetu ko dur dhakelte hue kaha : Meri marzi mujhe jab jaana hoga chali jaaungi. Tum jaao yaha se.
Jeetu ne janhvi ko ek nazar dekha aur fir apna sar jhatakte hue vaha se nikal gaya. Aur Janhvi bas use jaate hue dekhti reh gayi.
***************
Subah ke samay,
Aaj Holi thi to Shanti nivaas me mehmaano ka aana jaana laga hua tha. Sabhi ke khaane, pine, Holi khelne ki vyavastha bahar ki gayi thi.
Bade papa, Veer aur Jeetu teeno bahar nikal gaye the.
Lag bhag 10 saal baad Shanti nivaas me aaj holi par is tarah ka aayojan kiya gaya tha. Khushiyo ka mahol tha.
Veer ke aa jaane se bade papa ka maan sanmaan sab kuch laut aaya tha. Ek baar fir gaon me Singh parivar ka naam uncha utne laga tha.
Shanti nivaas me 10 saal baad khushiyo ki Holi aayi thi.
Idhar ghar ke andar YN dheere se seedhiya chadh upar jaane lagi thi ki tabhi upar se niche aati hui Simmi didi ne use pakad kar kaha : Are bhabhi. Aise sukhi sukhi kidhar jaa rahi ho. Rang to lagva lo.
YN ne jaldi se unka haath pakadte hue kaha : Nahi didi. Mujhe rang mat lagana. Mujhe nahi acha lagta Holi khelna.
Simmi didi ne haste hue kaha : Na. Bahana na chalega. Rang to lagvana padega.
YN ne mana karna chaha tha par vo nahi maani. Aur YN ko rang lagane hi wali thi ki,
tabhi peeche se Veer ne aakar YN ko apni god me uthate hue kaha : Nahi didi. Ise pehle rang lagane ka haq sirf mera hai.
Tabhi Veer aur YN par kisi ne gulaabi rang se bhari bucket upar se udel di.
YN is sabse ghabra gayi. Aur usne apni aankhe band kar kas kar Veer ko pakada to kisi ke tej hasne ki awaz sun Veer ne upar ki taraf dekha.
Jeetu uske saath Jishaan aur Mayra didi un dono ki halat dekh has rahe the.
Jeetu ne YN aur Veer ko dekh haste hue kaha : Happy Holi. Mere pyaare Bhai Bhabhi ko.
Tabhi YN ko dekh badi maa tej awaz me chilaayi.
Badi maa un dono ke paas aa kar upar Jeetu par gussa karte hue kaha : Are.. ye kya kiya..
Badi maa ki awaz sun Veer ne bhi ab YN ko niche utar diya tha vahi badi maa ne YN se kaha : Jaa bahu kapde badal le. Nahi to bimaar pad jaayegi. Aur tum sab Bawale ho gaye ho kya? Koi bhi bahu ko colour nahi lagayega. Niche aao sab. Tum sab bahar jaake hud dang machao. Jaao yaha se.
Badi maa ko bhadakte dekh Jeetu aur Jishaan ne aankhe bhinch li.
Vahi Simmi didi ne jaati hui YN ko pakadte hue kaha : Mummy ab ye rang hi gayi hai to khelne do na Holi isne bhi.
Badi maa ne mana karte hue kaha : Na. Chhodo meri bahu ko. Sardi lag jaayegi usko. Aur tum sab bahar Holi khelo.
Veer ne badi maa ki baat sun me haa me haa milate hue kaha : Ha. YN ko rehne do. Hum sab Holi khelte hai.
YN bhi ab upar apne kamre me chali gayi.
Idhar Jeetu niche utar kar aaya. To Veer ne uski peeth par ek punch maarte hue kaha : saale. Tujhe chhodunga nahi main. Mujhe pehle YN ko colour lagana tha. Par tune sab kharab kar diya. Dekhna ab main bhi tujhe janhvi ko colour lagane nahi dunga.
