Janhvi ki aankh khuli to use apne seene par bhaar mehsus hua, aankhe masal usne idhar udhar dekha to vo gusse me laal ho gayi. Jeetu ka haath uske boobs par tha.
Jise Janhvi ne gusse me dur hatate hue kaha : ye aadmi sach me chhichhora hai. Ghoom fir kar iska haath yahi aakar rukta hai.
Janhvi uth kar beth gayi. Abhi andhera chhata nahi tha. Apne kapde thik kar usne ab ek nazar Jeetu ko dekha to vo hairaan thi. Jeetu bina kisi bistar ke aise hi jameen par soya hua tha.
Janhvi ne use dekhte hue khud se kaha : Ye aise kyu??
Andhera chhatne ko tha isliye Janhvi ne ab Jeetu ko jagaate hue kaha : Utho. Subah ho gayi. Utho. Thodi der me sab jaag jaayenge.
Ye keh kar Janhvi ne Jeetu ko ek baar fir jhinjhor kar jagaya to Jeetu ki aankh bhi khul gayi.
Vo jhatke se utha par uski gardan me akadan aane ki vajah se usne apni gardan par peeche haath rakh Janhvi ko dekhte hue pucha : kya hua?
Oops! This image does not follow our content guidelines. To continue publishing, please remove it or upload a different image.
Janhvi ne dheere se kaha : Subah ho gayi hai.
Jeetu ne janhvi ki baat sun chidhte hue kaha : Mujhe bhi dikh raha hai.
Janhvi : dikh raha hai to jaao.
Janhvi ki baat sun Jeetu ne apna sar hilana chaha par gardan me dard ki vajah se uske muh se aah nikal gayi.
Janhvi ne use dekh pucha : Kisne kaha tha aise neeche sone ko. Gardan me akadan aa gayi hai. Ruko.
Itna keh kar Janhvi apne ghutno ke bal Jeetu ke thoda aur najdik aa gayi. Aur usne gardan par se Jeetu ka haath hata uski gardan ko abhi bas apni ungaliyo se chhua hi tha ki Jeetu ki neend puri tarah se khul gayi.
Janhvi ne ab apne mulaayam haatho se Jeetu ki neck aur shoulder par massage karte hue pucha : Ab thik hai.?
Jeetu ko Janhvi ka chhuna bahot acha lag raha tha. Is liye usne dheere se kaha : Nahi. Thoda aur karo.
To Janhvi ne kuch der tak use massage dene ke baad usase kaha : Ab bas. Jaao. Sab uth gaye honge.
Jeetu ne Janhvi ke dur hatne par apni gardan ko aage peeche, left right kar ghumaya aur fir achanak hi apne paas se uth rahi Janhvi ka haath pakad use apni god me khinch liya.
Janhvi chilaayi : Ye kya....
Par uski awaz ab gale me hi dab kar reh gayi. Kyunki Jeetu ne uske hotho par kiss kar liya tha.
Janhvi ki aankhe hairaani se badi ho gayi thi. Aur Jeetu usne ab Janhvi ke hotho ko chhod dheere se apna chehra uske chehre se dur kar Janhvi ko chhoda to vo hosh me aayi.
Janhvi ne jaldi se Jeetu ki god se uthkar gusse me kaha : Mujhe pata tha ki tum yahi sab karne aaye the. Tum sach me bahot gande ho.
Ye keh kar ab vo seedhiyo se neeche bhaag gayi. Vahi Jeetu apni gardan haath se sehlaate hue hasne laga.
