Rowdy's love story! Book2

151. Main aap se dur nahi jaana chahti.

💜💜

* Raat me akele mat sona. Aur door andar se lock karke hi sona. Us saale ka koi bharosa nahi hai.
bas aaj raat ki hi baat hai fir to tum mere paas hogi.*

Jeetu ki baate sun kar Janhvi ka dil shor machane laga. Sach tha bas aaj ki hi raat to hai iske baad vo apna ghar chhod kar Jeetu ke ghar chali jaayegi.

" Tum sun rahi ho na?

Udhar se Jeetu ki awaz sun Janhvi hosh me aayi.
Aur usne jaldi se kaha : Ha. Sab suna Maine.

Jeetu : Thik hai. So jaao.

Janhvi ne haa me sar hilaa kar phone kaata to siya ne hairaan hote hue kaha : Bas. Ho gayi tum dono ki baate.

Janhvi ne haa me sar hilaya to siya ne kaha : Gajab. Mujhe to laga tha tum dono pyaar bhari baate karoge.

Janhvi ne siya ke sar par maarte hue kaha : Tu to rehan de. Faltu baate karvalo tujhse. Jaisa keh rahi thi vaisa kuch na kiya unhone. Ab tune mujhe faltu baate sikhaayi to dekhna.

Divya un dono ki baate sunkar boli : Kuch faltu na bataya usne. Ye to tujhe ab parso raat pata chal jaayega.

Itna kehkar ab vo dono Janhvi par hasne lagi to Janhvi apni aankhe band kar let gayi.

Shaadi.! Shaadi.! Jis din ke liye har ladki ke dil me armaan hote hai aisa kuch uske saath nahi tha.
Vo bas is baat se befikra thi ki uska uske jeeja se peecha chhut gaya. Jeetu ke liye vo kya mehsus karti hai iski use abhi jara bhi samajh nahi thi.
Use bas chinta thi to is baat ki, ki Jeetu use aage padhne se naa roke. Use to padh likh kar kuch banna tha. Apne mummy papa ka naam roshan karna tha. Khas kar apne papa ke liye use kuch karna tha. Sab ke khilaaf jaa unhone use shehar bhej uske bhai se bhi ache school me admission dilaya tha. Uske bhai par bhi itna Paisa nahi lutaya jitna uski padhai ke upar luta diya.
To ab shaadi ke baad kya?..

Janhvi jaag rahi thi ki tabhi uski mummy uske kamre me kuch lene ke liye aayi. Aur unhone use dekhte hue kaha : Soyi kyu na? so jaa. Kal saans lene ke liye time bhi naa milega.

To Janhvi ne uth kar bethte hue kaha : Bas sone hi jaa rahi thi. Aap ko kuch chahiye tha?

Uski mummy ne ek chaddar nikaalte hue kaha : Ha. Bas yahi lene aayi thi..

Unhe dekh vo halka sa muskura di. 2 din se vo apni mummy ko idhar se udhar bhaagte dekh rahi thi. Kabhi ye kaam to kabhi vo kaam ab unki umra ho rahi thi. Unko ab jada kaam nahi hota tha. Par uski shaadi ke chakkar me unhe apna koi hosh hi nahi tha. Naa jaane uske jaane ke baad uski bhabhi kaise unke saath pesh aayegi.
Kal hi use pata chala ki kabhi kabhi unka B.P bhi badh jaata hai. Aise me unka khayal khayal rakhegi ya nahi.