Jishaan ki car thik Amrit ke auto ke rukte hi thodi duri par side me aa kar ruk gayi. Auto me se Amrit aur uske saath nikle ladke ko dekh Jishaan ki steering par pakad kas gayi.
Amrit us ladke ke saath apne apartment ke andar chali gayi thi, ye dekh Jishaan bhi jaldi se car se nikal kar Amrit ke peeche peeche gaya.
Vo hairaan tha ki Amrit bhi usi apartment me rehti hai jaha pehle Veer YN ke saath raha karta tha.
Jishaan andar aaya hi tha ki use Amrit us ladke ke saath lift me jaati hui dikhi.
Jishaan ne us ladke ko Amrit ke itne karib dekh gusse me kaha : Ye kis ke saath ghum rahi hai?
Kuch sochte hue usne khud se kaha : Kahi ye uska.... no... Noo. Aisa kuch nahi hai. Vo sirf meri hai.
Khud se baate karte hue Jishaan jaldi jaldi seedhiya chadhne laga tha. Har floor par lift check karte hue aise hi vo building ke top floor par pohach gaya. Par Jo usne apni aankho se dekha us par vo yakin nahi kar paa raha tha.
Amrit us ladke ke saath Veer ke flat me enter kar rahi thi. Aur vo chhup kar seedhiyo par khadda sab kuch dekh raha tha.
Jishaan ko jhatka laga ki Amrit yaha Veer ke flat me reh rahi thi. Aur vo bhi kisi ladke ke saath.
Jishaan ne apni mutthi bhinch gusse me kaha : kyu Veer? Kyu sab jaan kar bhi anjaan bana raha. Kyu kiya mere saath aisa?
Jishaan ka purani baate yaad kar aur Veer ka usko dhokha dena uske dil ko chot pohncha gaya tha. Vo ab jakar samjha tha ki kyu Veer ne Amrit ko dhundhne ki ek baar bhi koshish nahi ki. Usne usase jhuth bola ki Naman ne Amrit ka pata laga liya hai. Aur Amrit apne bhai ke saath Bhatinda vapas laut gayi hai. Agar Amrit bhatinda vapas chali gayi thi to vo yaha kya kar rahi hai. Aur vo bhi Veer ke flat par.
Is sab se ye saaf tha ki Veer ne usase jhuth kaha. Use dhoka diya.
Vo Amrit ke baare me pehle se hi sab jaanta tha. Jishaan besudh sa apni soch me gum khada hua tha. Ki tabhi ek baar fir Veer ke flat ka door open hua aur vo ladka bahar nikal kar aaya.
* Are you sure baby, main sach keh raha hu abhi jaa kar pain killer le aaunga. *
Us ladke ki awaz sun Jishaan hosh me aaya aur ek baar fir chhup kar un dono ko dekhne laga.
Vahi door par khadi Amrit ne apne samne khade ladke se kaha : Ruhaan please. Mujhe kuch bhi chahiye hoga to mera bhai mere saath hai. Please you go now.
Ruhaan ne apne kandhe uchkaate hue kaha : Ok fine. Take care. Good night baby.
Amrit ne Ruhaan ki baato se pareshan ho ab uske muh par ho door band kar diya,
Ops! Esta imagem não segue nossas diretrizes de conteúdo. Para continuar a publicação, tente removê-la ou carregar outra.
To Ruhaan ne dur hatate hue kaha : Oh lagta hai baby aaj kuch jada hi naraz ho gayi hai.
Itna keh kar vo ab muskurate hue vaha se chala gaya. Uske lift me jaate hi Jishaan ko rahat mili. Ki ye ladka Amrit ke saath nahi rehta. Jishaan ab jaldi se door tak aaya aur usne bell baja di.
