Amrit, Jishaan ke saath car me uske side me bethi hui thi. vahi Jishaan vo car me kuch dhundh raha tha.
Jishaan ne pareshan hokar khud se kaha : Mera wallet.. aakhir gaya kaha? Yaha bhi nahi hai.!
Jishaan ki baat sun Amrit ko yaad aaya ki uska wallet to usne chura liya tha. Kyunki uske paas station jaane ke liye aur train ki ticket ke liye paise nahi the. Station par wallet uske paas hi tha. Magar Jishaan ko apne samne dekh vo kab uske haath se chhut kar gir gaya use pata hi nahi chala.
Amrit ne Jishaan ko dekh dheere se kaha : Ek baat bolu?
Jishaan ne Amrit ko bina dekhe car start karte hue kaha : Nahi. Main tumhari bakwas sunane ke mood me nahi hu.
Par Amrit ne fir bhi Jishaan se kaha : Aap ko.. aap ka wallet nahi milega.
Jishaan ne ek pal ke liye Amrit ko dekha,
To Amrit ne apna sar jhukate hue kaha : Aap ka wallet.. station par mujhse gum ho gaya.
Itna sunana tha ki Jishaan ne jaldi se Amrit ko dekha vahi Amrit ne ek nazar apna sar uthakar Jishaan ko dekha.
Amrit ne darte hue kaha : Sorry galti se chori ho gayi. Main nahi karna chahti thi. Main chor nahi hu.
Amrit car ke door se bilkul chipak gayi thi. Aur usne abhi bhi Jishaan ko dekhte hue kaha : Main aap ko aap ke saare paise lauta dungi.
Jishaan ne Amrit ko dekh ab jaldi se apni nazare hata kar road par tika di.
Amrit ko dekh, uski baate sunkar use is samay itni hasi aa rahi thi ki vo bas apna muh chhupa kar hasna chahta tha.
"" .Sorry galti se chori ho gayi. Main nahi karna chahti thi. Main chor nahi hu. ""
Amrit ki kahi baat ko soch vo muh fer kar muskura diya par usne ek baar bhi Amrit ko uski muskurahat ko dekhne nahi diya.
Vahi Amrit vo ab apna sar jhuka kar bethi hui thi. Use pata tha ki Jishaan abhi fir usase kuch na kuch bura hi bolne wala hai.
Tabhi Jishaan ne kaha : Ha. To kab vapas dogi mere paise?
Amrit ne ye sun jaldi se kaha : Salary milte hi de dungi.
Uski masumiyat bhari aankho ko dekh ek baar fir Jishaan ne use ek nazar pyaar se dekha,
par agale hi pal Amrit se nazare hata Jishaan ne road par dhyaan dete hue man hi man me kaha : Sorry baby. Par tumhe is Jishaan Kapur ko kuch din tak jhelna padega. Varna tum bhi meri vajah se meri us so called behan ki nazaro me aa jaaogi. Aur fir tumhari ek baar fir mujhe chhod kar jaane ki saza bhi baaki hai.
Dono kuch hi der me office pohch gaye the.
Jishaan, Amrit ko apne saath lekar seedhe apne cabin me chala gaya. Aur usne apni chair par bethte hi sab se pehle Shukla ji ko apne cabin me bulaya.
Shukla ji ke aate hi Jishaan ne unhe ek file dete hue kaha : Ye. Mr. Kapur ki reports hai. Aap next week unke saath America jaa rahe hai.
Oops! This image does not follow our content guidelines. To continue publishing, please remove it or upload a different image.
