💜💜
Veer ne apni car ke samne padi ladki ko sambhaal kar uthaya, to us ladki ne Veer ki tshirt ko apni mutthi me bhinch ghabraate hue kaha : Please. Meri madat kijiye. Mujhe bacha lijiye. Vo log mujhe maarna chahte hai.
Veer ne us ladki ki baat sun naa samjhi me pucha : Kya? Kaun log?
To us ladki ne dheere se kaha : Mere pati aur uske aadmi. Vo mujhe maarna chahte hai. Mujhe bacha lijiye. Main maa banane wali hu. Please..
Dono baat kar hi rahe the ki kuch logo ka shor un dono ke kaano me pada to us ladki ne Veer se ghabraate hue kaha : Vo log idhar hi aa rahe hai. Please mujhe bacha lo.
Veer ne ye sun us ladki ko sambhaal kar uthaya par vo ladkhada gayi. Shayad pair me chot lagi thi.
Veer ne jhat se us ladki ko apni god me utha use car ki back seat tak le kar gaya.
Usne us ladki ko car ka door open karne ko kaha to usne jhat se door open kiya. Aur Veer ne use apni car me betha diya. Ki tabhi ek aadmi ke chilaane ki awaz use sunaai di.
* Bhaiya vo rahi bhabhi. Vo aadmi bhabhi ko le jaa raha hai *
Awaz sun Veer harkat me aaya. Aur usne jaldi se jaa kar apni seat sambhali.
Car start hoti ki tab tak 2 aadmi car ke bilkul najdik aa pohche par car ko chhu paate usase pehle Veer ne car dauda di.
Peeche pade gundo ne banduk se firing ki magar Veer unse bhi tej nikla aur bhaga le gaya car ko.
Idhar car me bethi YN ekdam shock thi. Ki ye hua kya tha. Usne Veer ko dekh darte hue pucha : Kya tha ye?
Veer ne bhi pareshan hote hue kaha : Pata nahi
Veer ne mirror se peeche dekhte hue pucha : Aap thik hai?
YN ne mud kar peeche dekha to us ladki ne dheere se kaha : Ha main thik hu.
YN ne uski haath me lagi chot ko dekhte hue kaha : Par aap ko chot lagi hai.
Us ladki ne kaha : Nahi. Main thik hu. Aap bas mujhe mere pati se bacha lijiye.
Veer, YN aur us ladki ko lekar apne ghar pohch gaya. Veer ne us ladki ko car se nikalne me madad ki.
Vahi YN vo khud bahar nikalne ko hui thi ki Veer ne uska haath pakadte hue kaha : Tumhe har pal kis baat ki jaldi rehti hai. Aao. Aaram se aao.
YN bahar nikal kar aayi to uski nazar main door se satt kar khadi us ladki par gayi. Saadha salwar suit pehne hue samne khadi ladki shaadi shuda thi. Uske shaadi shuda hone ka sabut uske gale me pehna hua sone ka bhari mangalsutra tha. Kaan me bhi usne ache earrings pehne hue the. Use dekh pata chal gaya tha ki kisi ache ghar ki bahu hai. Par raat me is tarah se kyu bhaag rahi thi, vo bhi apne hi pati se.
Idhar us ladki ko YN ko dekhne par Veer ne kaha : meri biwi YN.
Us ladki ne muskura kar YN ko dekha. Fir ek nazar uske ubhare hue pet par daal kar kaha : Ye bhi pregnant hai.!
YN ne man hi man khud se pucha : Ye bhi pregnant hai ka kya matlab?
Veer ne apna sar hilaate hue kaha : Aaiye. Andar chal kar baat karte hai.
****************
Dusri taraf,
Jeetu apne paas leti Janhvi ke baalo ko sehlaa raha tha. Use samajh nahi aa raha tha. Ki kya use sach me Janhvi ko Mumbai le kar jaana chahiye. Use abhi settle hona hai. Ek ghar banana hai apne aur Janhvi ke liye. Aise me ye sab fijul kharche ek bad idea tha.
Par fir Bhavna didi ki baat bhi sahi thi ki aise mauke baar baar nahi aate. Janhvi ka man hai jaane ka. To use usko le kar jaana chahiye.
Jeetu apni soch me gum tha ki tabhi Janhvi ne uska haath pakadte hue kaha : Soye nahi. Are tension mat lijiye. Main bhi pagal hu. Jaanti hui ki abhi hum ghumne nahi jaa sakte. Fir bhi zidd karne lagi. I'm sorry. Ab nahi karungi. Jab le kar jaaoge tab chalenge.
Janhvi ki baat sun Jeetu ne use apni baaho me lekar kaha : Tum kyu sorry bol rahi ho. Main hu hi aisa. Tumhari ek choti si khwaish bhi puri nahi kar sakta.
Janhvi ne mana karte hue kaha ; Nahi. Aisa kyu bol rahe ho?
Jeetu ne Janhvi ke gaal par kiss karte hue kaha : Kuch nahi. So jaao tum.
Janhvi : Aap bhi so jaaiye.
Jeetu ne ceiling fan ko dekhte hue kaha : Hmm.. koshish kar raha hu par neend nahi aa rahi hai.
Janhvi : Kyu?
Jeetu : Pata nahi. Uljha hua hu. Samajh nahi aa raha kaise hoga sab. Main kuch kar paaunga ya nahi.
Janhvi ne use apna sar utha kar dekha, achanak se janhvi uthi aur usne Jeetu ke chehre par jhuk uske hotho par apne hoth rakh diye.
Jeetu uske aisa karne par ek pal ke liye jam sa gaya. Par jaise hi Janhvi ke hotho ne harkat karna shuru kiya. To vo hosh me aaya.
Janhvi ne Jeetu ke upper lip ko kayi baar suck karte hue ab dheere se pucha : Aise hi karte hai na?
Par Jeetu hairaani se Janhvi ko dekhe jaa raha tha. Pehli baar tha ye ki Janhvi ne use kiss kiya tha. Uske muh se ek word nahi nikla to Janhvi ko laga shayad usase kuch galti ho gayi hai.
Isliye usne apna chehra Jeetu ke seene me chhupate hue kaha : Sorry.
Vo dar gayi thi. Ye sab karna uske liye bahot badi baat thi.
Par vo chahti thi ki Jeetu ka mind kuch samay ke liye in sab chizo se dur rahe aur vo thik se so paaye. Use kuch nahi samajh aaya ki vo uska mind divert karne ke liye kya kare. Ki tabhi achanak se usne use kiss kar diya. Par shayad sab galat ho gaya. Isme uski kya galti, use kiss karna nahi aata. Jeetu use aise hi karta hai usne to bas use follow kiya.
Janhvi ne apni aankhe bhinch li thi ki tabhi Jeetu ne uski kamar ko apni baajuvo me bhar kar use apni pakad me kas liya.
Janhvi ne kuch kehna chaha tha ki Jeetu ne uska chehra uthaya aur uski aankho me dekh dheere se kaha : Ek baar fir se karo.
Janhvi ne hairaani se kaha : aumm?
To Jeetu ne firse kaha : Main keh raha hu na ek baar fir se karo.
Janhvi ne uski baat samajh apna sar jor se hilaate hue kaha : Nahi. Sorry. pata nahi kaise ho gaya.!
Jeetu muskuraane laga usne janhvi ko kas kar apni baaho me bhar kar chhupa liya.
Use pata tha ki vo sharma gayi hai. Usne use pareshan nahi kiya aur thodi der baad bas use apni baaho me liye hi so gaya.
===============================
